(නිමල කොඩිතුවක්කු)

බන්ධනාගාර ගත කර සිටින ප‍්‍රබල පාතාල නායකයකු වන කංජිපානි ඉම්රාන්ගේ පියාට මාලිගාවත්ත ප‍්‍රදේශයේදීි අද(17) රාත‍්‍රියේ තියුණු ආයුධයකින් පහරදීම හේතුවෙන්  බරපතළ තුවාල ලබා කොළඹ ජාතික රෝහලට ඇතුළත් කර ඇති බව පොලිස් මාධ්‍ය ප‍්‍රකාශක කාර්යාලය සදහන් කරයි.

මෙම තැනැත්තා පාගමනින් ගමන් කරමින් සිටියදී ඔහු අසලට පැමිණි ත‍්‍රීරෝද රථයක් නවතා ඉන් තිදෙනෙකු බැස මෙම ප‍්‍රහාරය එල්ල කර ඇති බවද පොලිසිය සඳහන් කරයි.

පහර දීමෙන් අනතුරුව සැකකරුවන් පලා යන අවස්ථාවේදී එක් සැකකරුවෙකු කඩුවක් සමඟ අත්අඩංගුවට ගැනීමට එම ප‍්‍රදේශයේ රාජකාරි කරමින් සිටි පොලිස් නිලධාරියෙකු සමත් වී ඇති බවද පොලීසිය පැවැසීය.

මෙලෙස පහරකෑමට ලක්ව ඇත්තේ  කංජිපානි ඉම්රාන්ගේ පියා මොහොමඞ් ඊබ‍්‍රහිම් මොහොමඞ් නජිත් නැමැති හැටපස් හැවිරිදි වියෙහි පසුවන්නෙකි.

මේ පිලිබද වැඩිදුර විමර්ශන මාලිගාවත්ත පොලීසිය මගින් සිදුකරනු ලබයි.