(චාපා මධුභාෂිණී)

එළවළු ප්‍රවාහනය ​සඳහා බලපත්‍ර ලබාගෙන එම බලපත්‍ර අවභාවිතා කරමින් කැබ් රථයකින් මත්කුඩු ප්‍රවාහනය කළ සැකකරුවන් දෙදෙනකු මැදිරිගිරිය කළගෙඩි පාලම අසලදී මත්කුඩු ග්‍රෑම් 3 මිලි ග්‍රෑම් 60 සමඟ අද  අත්අඩංගුවට ගත් බව මැදිරිගිරිය පොලිසිය කියයි.

අත්අඩංගුවට ගත් සැකකරුවන් දෙදෙනාගේම ගුදමාර්ගයන්හි මෙම මත්කුඩු පැකට 15 සඟවාගෙන තිබියදී පොලසිය අත්අඩංගුවට ගෙන ඇත.

ඒ අනුව රියදුරුගේ ගුද මාර්ගයේ සගවා තිබියදී මත්කුඩු ග්‍රෑම් 2 මිලි ග්‍රෑම් 30 අඩංගු පැකට් 9 සහ රිය සහයාකගේ ගුද මාර්ගයේ තිබී මත්කුඩු ග්රෑම් 1 මිලි ග්‍රෑම් 30 අඩංගු පැකට් 6 පොලිසිය බාරයට ගෙන ඇත.

පොලිස් අත්අඩංගවට පත් කැබ් රථය කුලී පදනම මත ලබා ගත් ඒකක් බවට විමර්ශනවලදී අනාවරණය වී ඇත.

සැකකරුවන් දෙදෙනා මැදරිගිරිය ප්‍රදේශයේ පදිංචි වයස අවුරුදු 24 ත් 37 යන වයස්හි පසුවන්නන් බව පොලිසිය කියයි.

සැකකරුවන් මීට පෙර මත්කුඩු සම්බන්ධයෙන් චෝදනා රැසකට පොලිස් අත්අඩංගවට පත්වූවන් බව පොලිසිය කළ විමර්ෂණවලදී අණාවරණය වී ඇත.

පළාත් අතර සංචරණ සීමා පනවා තිබියදී මැනින් වෙළඳපොලෙන් ඒළවළු ප්‍රවාහනය සඳහා නීත්‍යානුකූලව බලපත්‍රයක් ගෙන ඒ මුවාවෙන් මොවුන් මෙම මත්කුඩු ප්‍රවාහනය සිදු කොට ඇත.