(එෆ්.අස්ලම්)
ඌව වෙල්ලස්ස විශ්ව විද්යාලය සඳහා වෛද්ය පීඨයක් ගෙන ඒමේ වගකීම බාර ගන්නා බවත් ඒ සඳහා මූලිකත්වය ගෙන කටයුතු කරන බවත් රජයේ වෛද්ය නිලධාරීන්ගේ සංගමයේ ඌව ශාඛාවේ වෛද්යවරුන් එම සරසවියේ ශිෂ්ය සංගම් නායකයින්ට අද (19) සහතිකයක් ලබාදුන්හ.
දිවයිනේ සියළුම පළාත්වලට දී ඇති ඌව පළාතට පමණක් දී නැති වෛද්ය පීඨය කඩින්මින් ගෙන ඒම වෙනුවෙන් මූලිකත්වය ගනිමින් කටයුතු කරන බව එහිදී වෛද්යවරුන් සඳහන් කළහ.
වෙල්ලස්ස විශ්ව විද්යාලයට නව වෛද්ය පීඨයක් ගෙන ඒම ඇතුළු සරසවියේ පවතින අඩුපාඩුකම් පිළිබඳ සාකච්ඡා කිරීම සඳහා රජයේ වෛද්ය නිලධාරීන්ගේ සංගමයේ ඌව ශාඛාවේ ලේකම් වෛද්ය පාලිත රාජපක්ෂ මහතා ප්රමුඛ වෛද්යවරුන් විශ්ව විද්යාලයේ මහා ශිෂ්ය සංගමයේ සභාපති ප්රමුඛ ක්රියාකාරීන් අද (19) හමුවූහ.
මෙම සාකච්ඡාව සරසවියේ ශිෂ්ය සංගම් ශාලාවේ දී පැවැත්විණි.
මෙහිදී ශිෂ්ය සංගමේ සභාපති ප්රමෝද් ෆොන්සේකා සරසවියට වෛද්ය සහ ඉංජිනේරු පීඨ නොමැති අඩුපාඩුව ගැනත් දීර්ඝ වශයෙන් සාකච්ඡා කළ අතර එම අඩුපාඩු සපුරාලීම වෙනුවෙන් සියළු පාර්ශ්ව සහාය විය යුතු යැයි සඳහන් කළේය.
මෙම විශ්ව විද්යාලයට වෛද්ය පීඨයක් ගෙන ඒමේ උත්සහායන් කිහිපයක්ම අසාර්ථක වූ බවත් නව දේශපාලන පරිවර්තනයේ සහයෙන් එම උත්සහාය සාර්ථක කර ගැනීමට හැකිවනු ඇති බවත් ඒ වෙනුවෙන් රජයේ වෛද්ය නිලධාරීන්ගේ සංගමය හැකි උපරිමයෙන්ම මූලිකත්වය දෙමින් කටයුතු කරන බවත් එම සංගමයේ නිලධාරීහු ප්රකාශ කළහ.
නව ජනාධිපති ගෝඨාභය රාජපක්ෂ මහතාට මෙම කරුණ යොමුකරන බවත් ඊට පළමුව විශ්ව විද්යාලයේ උපකුලපතිවරයා සමඟින් සාකච්ඡා කරන බවත් රජයේ වෛද්ය නිලධාරීන්ගේ සංගමයේ ඌව ශාඛාවේ ලේකම් වෛද්ය පාලිත රාජපක්ෂ මහතා ප්රකාශ කළේය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඌව වෙල්ලස්ස සරසවියට වෛද්ය පීඨයක් ගන්න වැඩපිළිවෙළක්
මුණසිංහ Tuesday, 19 November 2019 03:11 PM
කල යුතුම වැඩක්. නව රජය යටතේ සියලු විශ්ව විද්යාල ප්රතිසංවිධානය වේ යැයි පතමු.
Sarath Kumara Tuesday, 19 November 2019 04:53 PM
මෙය හොඳම තීරණයක්.වෛද්ය විද්යාලවලට ඇතුළත් කරන ප්රමාණය ද වැඩි කිරීමට මෙමඟින් හැකියි. තීරණය හොඳම තීරණයක්. ජය වේවා......
Praba Tuesday, 19 November 2019 11:35 PM
GMOA එක නව රජයේ ප්රභල කොටස්කරුවෙකුද?
නාලකWednesday, 20 November 2019 04:07 AM
"නව ජනාධිපති ගෝඨාභය රාජපක්ෂ මහතාට මෙම කරුණ යොමුකරන බවත්" ඌව ශාඛාවේ ලේකම් වෛද්ය පාලිත රාජපක්ෂ මහතා ප්රකාශ කළේය. දැන් හැම දෙයක්ම රාජපක්ෂ වරුන් අතර පමණි. අත්තා, මුත්තා, කිරිකිත්තා.......
chandima Wednesday, 20 November 2019 12:02 AM
ආයෙත් අද හෙටම වර්ජනයක් දාන්න වැඩපිළිවෙලක් වගේ.
sas Wednesday, 20 November 2019 03:07 AM
විශ්ව විද්යාල වලට කුමන පීඨ අවශ්ය ද යන්න තීරණය කලයුතු වන්නේ ඒ ඒ විශ්ව විද්යාල වල පාලන අධිකාරිය මිස GMOA එක නොවේ.
රවි Wednesday, 20 November 2019 03:57 AM
ලංකාවට වැදගත් වන්නේ වෛද්ය විද්යාල නොව හෙද සහ අතුරු වෛද්ය පීඨයි. මෙය ගුණාත්මක සෞඛ්ය සේවයක් සැපයීමට සමත් වනු ඇත.