(ඩී.ජී.සුගතපාල)

එකවර උණ්ඩ හයක් යෙදිය හැකි මෙරට නිෂ්පාදිත රිවෝල්වරයක් සමග සැකකරුවන් දෙදෙනකු දික්වැල්ල ප්‍රදේශයේදි  අත්අඩංගුවට ගත් බව රත්ගම පොලිස් විශේෂ කාර්ය බළකා කඳවුර පවසයි.

දික්වැල්ල කෝන්දෙණිය පදිංචි විසිතුරු මසුන් අලෙවි කරන  තරුණයකු සහ යුධ හමුදාවෙන් ඉවත්ව දැනට ධිවර රැකියාවේ නිරතව සිටිනතරුණයක් මෙසේ අත් අඩංගුවට ගත් බව ද පොලිස් විශේෂ කාර්ය බළකාය සඳහන් කරයි..

විශේෂ කාර්ය බලකා කඳවුරේ නිලධාරින්ට ලද තොරතුරකට අනුව පළමුවන සැකකරු අත් අඩංගුවට ගෙන ප්‍රශ්න කිරිමේදි දෙවන සැකකරුගේ නිවසේ සඟවා තිබු ගිනි අවිය සොයාගෙන ඇත.

සැකකරුවන් අද අධිකරණයට ඉදිරි පත් කිරිමට නියමිතය.