IMG-LOGO

ඉන්දියාව එල්.ටී.ටී.ඊ. මත පැනවූ තහනම දීර්ඝ කෙරේ

එල්.ටී.ටී.ඊ. සංවිධානය  මත පැනවූ තහනම තවදුරටත් දීර්ඝ කිරීමට ඉන්දීය මධ්‍යම ආණ්ඩුව ගත් තීරණය එරට විනිශ්චය සභාවක් විසින් තහවුරු කරනු ලැබ තිබේ.

එල්.ටී.ටී.ඊ. සංවිධානය ත්‍රස්ත සංවිධානයක් ලෙස සලකා බලමින් ඊට පනවා තිබූ තහනම වසර පහකින් දීර්ඝ කිරීමට ඉන්දීය මධ්‍යම ආණ්ඩුව පියවර ගත්තේය. ඇතැම් පාර්ශවවලින් ඊට විරෝධය එල්ල වීමත් සමඟ ඒ සම්බන්ධයෙන් විමසා බැලීම සඳහා ඉන්දීය අග්‍රාමාත්‍ය නරේන්ද්‍ර මෝදි ප්‍රමුඛ ආණ්ඩුව විනිශ්චය සභාවක් ස්ථාපිත කළේය.

දිල්ලි මහාධිකරණ විනිසුරු සංගිතා දින්ග්‍රා ෂෙගාල්ගේ මූලිකත්වයෙන් යුතු එම විනිශ්චය සභාව විසින් එල්.ටී.ටී.ඊ. සංවිධානය ත්‍රස්ත සංවිධානයක් ලෙස සලකා බලමින් ඊට පනවා තිබූ තහනම වසර පහකින් දීර්ඝ කිරීමට මධ්‍යම ආණ්ඩුව ගත් තීරණය විමසා බැලිණි. ඒ අනුව මධ්‍යම ආණ්ඩුව ගත් තීරණය නිවැරැදි යැයි එම තීරණය තවදුරටත් තහවුරු කරමින් විනිශ්චය සභාව මධ්‍යම ආණ්ඩුවට දැනුම් දී තිබේ.
 
සියලු පාර්ශවවල කරුණුවලට සවන් දීමෙන් අනතුරුව විනිශ්චය සභාව එම තීන්දුව ගෙන තිබේ. එහිදි එල්.ටී.ටී.ඊ. සංවිධානයට සහාය දක්වන්නකු ලෙස ප්‍රසිද්ධ එම්.ඩී.එම්.කේ පක්ෂයේ නායක රාජ්‍ය සභාවේ සාමාජික වයිකෝගේ කරුණු දැක්වීම් ද සලකා බලා තිබේ.
 
පසුගිය මැයි මස 27 වැනිදා මෙම විශේෂ විනිශ්චය සභාව පිහිටවූ අතර දිල්ලියේදී සහ චෙන්නායි නුවරදී කරුණු විමසීම් සිදු කෙරුණි. එල්.ටී.ටී.ඊ සංවිධානය 1991 වසරේදී ඉන්දියාවේ හිටපු අගමැති රජිව් ගාන්ධි ඝාතනය කිරීමත් සමඟ එම සංවිධානය තහනම් සංවිධානයක් ලෙස නම් කිරීමට ඉන්දියාව පියවර ගත්තේය.

ඉන්දීය ස්වදේශ කටයුතු අමාත්‍යාංශය පසුගිය මැයි 14 වැනිදා එල්.ටී.ටී.ඊ. සංවිධානය මත 2014 වසරේදී පැනවූ තහනම තවත් වසර පහක් දක්වා දීර්ඝ කළේය.

එල්.ටී.ටී.ඊ. සංවිධානය 2009 වසරේදී ශ්‍රී ලංකා යුද හමුදාව අතින් පරාජයට පත්වුවත් ඉන්දියාව තුළත් ජාත්‍යන්තර තුළත් නැවත සංවිධානයට උත්සාහ කරන බවටත් ඉන්දියාවේ  ස්වෛරීත්වයට සහ ආරක්ෂාවට තර්ජනයක් එල්ල කරන අන්දමේ ක්‍රියාකාරකම්වල නිරත වන බවටත් තොරතුරු ලැබී ඇතැයි තහනම දීර්ඝ කරමින් ඉන්දීය ස්වදේශ කටයුතු අමාත්‍යාංශය ප්‍රකාශ කර තිබිණි.

(ඉන්දියා ටුඬේ ඇසුරිනි)  
055



අදහස් (3)

ඉන්දියාව එල්.ටී.ටී.ඊ. මත පැනවූ තහනම දීර්ඝ කෙරේ

sharm warn Wednesday, 13 November 2019 04:08 AM

ඉන්දියාවට තහනම් කරන්න අවුලක් නැහැ අපි කලොත් තමයි අවුල් ..

:       0       156

Hafeel Wednesday, 13 November 2019 08:10 AM

එහෙනම් ඇයි TNA එක මෙහෙ කෑගහන්නේ?

:       0       33

anura Wednesday, 13 November 2019 11:35 AM

අපේ නෝනාකෙනෙක්ට ප්‍රභාකරන් දැන් මහතා වෙලා. ලිපි පවා හුවමාරු කරගෙන තියෙනවා කියලත් කිව්වා..

:       0       20

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 79 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 502 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site