(සුජිත් හේවාජුලිගේ)
ඇස්ට්රාසෙනිකා එන්නතේ පළමු මාත්රාව ලබා අයගේ කාර්යක්ෂම (ගුණාත්මක) ප්රතිදේහ සති 16 ඉක්මවූ පසු සැලකිය යුතු ලෙස යුතු ලෙස අඩුවන බව ශ්රී ජයවර්ධනපුර විශ්වවිද්යාලයේ වෛද්ය පීඨයේ පර්යේෂක කණ්ඩායමක් කළ පරීක්ෂණයකදී තොරතුරු හෙළිවී ඇත.
එම අඩුවීම සියයට 26.1ලෙස දැක්විය හැකි බව එම පර්යේෂණ කණ්ඩායමේ ප්රධානියකු වන ආචාර්ය චන්දිම ජීවන්දර මහතා පැවසීය.
කෙසේ වෙතත් කාර්යක්ෂම ප්රතිදේහ අඩු වී තිබුණත් ප්රතිශක්තිය ආශ්රිතව ඇති මතක සෛල ඉහළ කාර්යක්ෂමතාවයෙන් යුක්තව පවතින බව හෙළි වූ බවත් දෙවැනි මාත්රාව ගත් පසු ප්රතිදේහවල කාර්යක්ෂම ගුණනයක් මේ අනුව බලාපොරොත්තු විය හැකි බවත් හෙතෙම සඳහන් කළේය.
මේ අතර ඇස්ට්රාසෙනිකා එන්නත පළමු මාත්රාව ලෙස ලබාගත් අය තුළ සති 16 යනවිටත් හොඳ ප්රතිදේහ මට්ටමක් පෙන්නුම් කළ බව පැවසූ ජීවන්දර මහතා තරුණ අයගේ එම ප්රතිදේහ ප්රතිශතය සියයට අනූ අටක් ලෙස පැවති බවද සඳහන් කළේය.
වයස 70 ට වැඩි අයගේ එම ප්රතිදේහ මට්ටම සියයට 9 3.3 ක් ලෙස පැවති බවද ඔහු පැවසුවේය.
කෙසේ වෙතත් ඇස්ට්රාසෙනිකා එන්නත පළමු මාත්රාව ලෙස ලබාගෙන අල්ෆා සහ ඩෙල්ටා වයිරස ප්රභේද ආසාදනය වු අයගේ එම ප්රතිදේහ මට්ටම ඉතා අල්ප වශයෙන් පැවති බව ඒ පරීක්ෂණයේදී හෙළි වී ඇත .
සාමාන්යයෙන් ඇස්ට්රාසෙනිකා එන්නත පළමු මාත්රාව ලෙස ලබාගෙන සති 8ත් 12ක් ත් අතර දෙවැනි මාත්රාව ලබාගත යුතු බවට නිර්දේශ ඉදිරිපත් කර තිබුණු නමුත් ඇස්ට්රාසෙනිකා එන්නතේ හිඟය නිසා අවාසනාවකට මෙරට ලක්ෂ පහකට වැඩි පිරිසකට එම එන්නතේ දෙවැනි මාත්රාව සති දහසයක් යනතුරුද ලබා ගැනීමට නොහැකි වූ බවත් ආචාර්යවරයා ප්රකාශ කළේය .
මේ තොරතුරු හෙළි වී ඇත්තේ ඇස්ට්රාසෙනිකා එන්නත පළමු මාත්රාව ලෙස ලබාගත් 553 දෙනකු යොදාගෙන කළ කළ පරීක්ෂණයකදීය.
මේ පරීක්ෂණය සිදු කරනු ලැබුවේ ශ්රී ජයවර්ධනපුර විශ්ව විද්යාලයේ වෛද්ය පීඨයේ මහාචාර්ය නීලිකා මලවිගේ මහත්මිය සහ ආචාර්ය චන්දිම ජීවන්දර මහතා ඇතුළු පර්යේෂකයන් කණ්ඩායමක් විසිනි .
එකලස් කරන ලද සුඛෝපභෝගී මෝටර් රථයක් සන්තකයේ තබාගැනීමේ සිද්ධියක් සම්බන්ධයෙන් පුත්තලම දිස්ත්රික් හිටපු පාර්ලිමේන්තු මන්ත්රී ශාන්ත අබේසේකර සහ ඔහුගේ
ආපනශාලා ආහාර මිල අද (18) මධ්යම රාත්රීයේ සිට ඉහළ දමන බව සමස්ත ලංකා ආපනශාලා හිමියන්ගේ සංගමය පැවසීය.
මන්නාරම රෝහලේ ළමා රෝග විශේෂඥ වෛද්යවරයා දින කීපයක සිට රාජකාරියට වාර්තා නොකිරීම නිසා අලුත උපන් දරුවන් සහ ගැබිණි මවුවරුන් දැඩි අපහසුතාවයට පත්ව ඇතැයි ප
බීමතින් රජයේ පාසැලකට ඇතුල්වී සිසුවියන් ඉදිරියේ අශෝභන ලෙස හැසිරුණු බව කියන පොලිස් කොස්තාපල්වරයෙකු ඊයේ (17) අත්අඩංගුවට ගෙන මුලතිව් මහේස්ත්රාත් අධිකරණ
නිෂ්පාදන කටයුතුවල තවදුරටත් වර්ධනයක් ප්රදර්ශනය කරමින් නිෂ්පාදන අංශයේ ශ්රී ලංකා ගැනුම් කළමණාකාරුවන්ගේ දර්ශකය පසුගිය ජනවාරිමස 59.0 ක දර්ශන අගයක් වාර්
ගල්කිස්ස මූලස්ථාන පොලිසියේ තිබූ ටී 56 ගිනි අවියක් සහ උණ්ඩ 30 රැගෙන ගොස් එම ගිනි අවිය අපරාධ කල්ලි සාමාජිකයන්ට ලබාදුන් කොස්තාපල්වරයාට ආධාර අනුබල දුන් තවත්
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
ඇස්ට්රාසෙනිකා එන්නතේ පරීක්ෂණ වාර්තාව එළියට
සෙනවි Friday, 30 July 2021 05:54 PM
මේ පර්යේෂණ ප්රතිඵලය විශ්වාස කළහැකිද?. බ්රිතාන්යයේ BMJ සඳහන් කරන්නේ මීට වඩා වෙනස් දෙයක්. මිදි තිත්ත වගේ කතාවක්ද?
Sri lankanFriday, 30 July 2021 07:48 PM
මමත් එකඟයි. නමුත් නිලීකා මහාචාර්යතුමිය ඔක්ස්ෆර්ඩ් සරසවිය සමග තිබෙන (ඇය පෙර කියූ දෙවල් අනුව) සම්බන්ධතාවය නිසා මේ පර්යේෂණවල යම් වගකීමක් ඇතැයි කියා සිතන්නත් පුළුවන්. නමුත් වැදගත් කාරණය නම් දෙවන මාත්රාව ප්රමාද වූ අයට මෙයින් වෙන බලපෑම ගැන නිවැරදිව දැනුවත් කිරීමයි. ස්තුතියි...!
BANDARA Friday, 30 July 2021 09:04 PM
ආචාර්ය ජීවන්දරට ස්ථාන මාරුවක් හෝ වැඩ තහනමක් ලැබෙයිද මන්දා?
Warnakulasuriya Shirantha Saturday, 31 July 2021 02:24 AM
ප්රමාදය වෙනුවෙන් කියන්න දේකුත් එපැයි
JAYATH Saturday, 31 July 2021 07:45 AM
දොස්තර ජීවන්දර, මහාචාර්ය මලවිගේ... ඔබට අපි ගරු කරනවා. නමුත් ඇස්ට්රාසෙනිකා දෙවනි මාත්රාව අපට නොලැබුණේ අවාසනාව හින්දා නෙමෙයි.. මේ ගොබ්බ ආණ්ඩුවේ තියන කාලකන්නි මූසල ප්රතිපත්ති හින්දයි...