(එම්.සුසිල් ප්‍රියන්ත )

අත්‍යාවශ්‍ය සේවා දැන් පුවරුවක් සවිකරගෙන ඇදිරි නීතිය අස්සේ ජංගම දුරකතනය ඔස්සේ මත් පෙති හා ගංජා මෝටර් රථයකින් ගෙන්ගෙට ගොස් බෙදාහරින අයෙකු අද (8 ) අහුන්ගල්ල බැබිලමල් පොකුන ප්‍රදේශයේදී සැකපිට ප්‍රශ්න කිරීම සදහා අත් අඩංගුවට ගත් බව අහුන්ගල්ල පොලීසිය කියයි .

සැකකරු මෝටර් රථයෙන් ප්‍රවාහනය කරමින් තිබූ විවිධ වර්ගයේ මත් පෙති 350 ක් හා ගංජා කැලි තොගයක් මේ ජාවාරම කිරීමට භාවිතා ජංගම දුරකථන දෙකක්ද පොලිස් බාරයට ගෙන ඇත.

ඇදිරි නීතිය නිසා තිත්පොලවල්වලට ගොස් මත් කුඩු හා ගංජා ලෝලීන්ට ඒවා ලබාගැනීමට ක්‍රමයක් නොතිබූ බැවින් මේ සැකකරු සිය මෝටර් රථයෙන් මේ මත්ද්‍රවය ඔවුන් ලගටම ගෙනගොස්දීම පිලිබදව ලැබුණු තොරතුරකට අනුව මේ වැටලීම සිදුකළ බවද පොලීසිය කියයි .

හෝමාගම ප්‍රදේශයේ කරණවැමියෙකු ලෙස සේවය කරන මේ සැකකරු අහුන්ගල්ල මාකුඹුර ප්‍රදේශයේ පදිංචි අයෙකු බවත් අයිස් මත්ද්‍රව්‍ය ලග තබාගැනීමේ චෝදනාව මත ඔහුට නුගේගොඩ මහාධිකරණයේ නඩුවක්ද තිබෙන බවත පොලීසිය පවසයි.