පොලිතින් තහනමට එරෙහිව පිටකොටුවේ වීදි බසිති

මෙම තහනම මොනයම් අකාරයටවත් ලිහිල් කරන්න ඉඩ දෙන්න හොඳ නෑ. මෙයට ජනතාව කාලයත් සමග හරියාවි... අපි ඉවසමු... අනාගතය උදෙසා.

කඩ වහගෙන ඉන්න කියන්න, තහනම ඉවත් කරන්න එපා...

පොලිතීන් මලු වලට ආදේශකයක් ලෙස, අපි රෙදි වලින් මැසූ මල්ලක් ෂොපින් යන විට භාවිතා කිරීමට පුරුදු වෙමු. එයින් පරිසරයට අහිතකර වන පොලිතීන් මලු භාවිතය අවම කර ගත හැකියි.

රටට මොනවා වුණත් කමක් නෑ තමන්ගෙ මඩිය තර වෙනවා නම්. ජනාධිපතිතුමනි. එක්එක්කෙනා කෑ ගහන පලියට ඉදිරියට තැබූ පියවර ආපස්සට හරවන්න නම් එපා.

එකතුවෙන කුණු කඳු ටික මෙයාලගේ ගෙවල් වලට ගිහින් ගොඩ ගහන්න තියෙන්නේ...

පොලිතීන් දේශීය නොවේ. දේශය විනාශ කරන ව්‍යාපාරයකි. මේ මනුස්සයින්ගේ ජීවිකා වෘත්තියට විකල්පයක් නම් සොයා දෙන්න උදව් කරන එක හොඳයි.

දැන් මෙතන හැමෝම කියන්නේ මේ තහනම වෙනස් කරන්න එපා කියල නේ. ඒකට මමත් එකඟයි පොලිතින් නිසා වෙන විනාසය නිසා. ඒත් මෙම ව්‍යාපාරය කරගෙන ආ අයට වෙනත් ව්‍යාපාරයකට වත් යොමු වීමට රජය විසින් අත දිය යුතු නැත්ද?

පොලිතින් කොහොමද දේශීය කර්මාන්තයක් වෙන්නේ ? මේ විදියට කිසිම හොද තීරණයක් ගන්න බෑනේ. ජනතාව බුද්ධිමත් විය යුතුයි.

මෙම තහනම ඉවත් කරන්න එපා

ඇයි ඉස්සර තිබුන කඩදාසි බෑග් හදන්නකෝ සිමෙන්ති කවර හෝදලා.

පන් කොළ ,හන කොළ වල ඇති සිවිය හරි ඝනකම් ,පොලිතින් වලට සමාන පෙනුමක් සහ ගතිගුණ ඇතත් දිරා යන දෙයක්. පන්කොළ වල ඇති සිවිය යොදාගෙන නැනෝ තාක්ෂණයෙන් දිරා යන ලන්ච් සීට් හදන්න පුළුවන් වෙයිද ?

සමාවෙන්න ඕන මේක එළිකලාට, මගේ මල්ලි අද පීපල්ස් පාර්ක් එකට බඩු වගයක් ගන්න ගිය වෙලාවේ කවුද කෙනෙක් මල්ලි ලගට ඇවිල්ලා රුපියල් 3000 දීලා කිවුවලු උද්ගෝෂණයක් තියනවා එකට ඇවිල්ල පොඩ්ඩක් උදවු කරන්න කියල, මල්ලිත් ඉතින් 3000 අරගෙන හා කිවුවලු.

මෙම තහනම මොනයම් අකාරයටවත් ලිහිල් කරන්න ඉඩ දෙන්න හොඳ නෑ. මෙයට ජනතාව කාලයත් සමග හරියාවි...තවද පොලිතින් ඉවත් කලද කඩදාසි කර්මාන්තය යලි පණ ගැන්වෙන නිසා එයට සහනයක් රජය මගින් ලබා දෙන්න අපි ඉවසමු... නිරෝගී පැහැබර අනාගතය උදෙසා. මීට වඩා රැකියා දහස් ගනනක් නැති වුණා ජී එස් පී සහනය නැති වීමෙන් කිසිවෙකුට අනතුරක් නොවී සිටියානම් මෙයත් නව මගකට යොමුවී අනාගතය ගොඩ නගමු මේ පාරට ඇවිත් කෑගහන අය මතු දිනයක එහි හරි වැරැද්ද වටහා ගනීවි. තවද එක එක අයගේ දේසපාලන උවමනාවන් පිරිමසා ගන්න උත්සහා කරන හෙන්චයියන් මේ අතර වැඩි වශයෙන් සිටිනු ඇත. ජන ජීවිතයට පීඩාකාරී කිසිම දෙයක් සදහා පනවනලද කිසිම තහනමක් ලිහිල් හෝ ඉවත් නොකරන්න ඩෙංගු මර්දනයට එරෙහි වු අවස්ථාවේ එය නතරකල නිසාවෙන් අද එය වසංගතයක් බවට පත්වී ජන ජීවිත බිලිගනිමින් සිටී ඒ නිසා කිසිදු බලවේගයකට යටත් නොවේ නීතිය අකුරටම ක්‍රියාත්මක කරවන්න ජනපතිතුමනි

ලංකාවේ මිනිසුන්ගේ මොලේ පස්ද. පොලිතින් දේශීය දෙයක් කියන්න. අපේ කාලේ තිබුනේ පන් මලු. පරිසරයට හානියක් ඇත්තෙම නැ. කරුණාකරලා රට ගැන , ඉදිරි පරම්පරාව ගැන හිතන්න. ජනාධීපතිතුමෝ අනිවාර්යෙන්ම පොලිතින් තහනම් කරන්න.

පොලිතීන් කොහොමද දේශිය කර්මාන්තයක් වෙන්නේ අනෙ මොහෙමත් හරක්

මේ වගේ අය නිසා තමයි රට හදන්න බැරි.

දැන් මෙහෙමනේ.... මේ මිනිස්සුන්ගේ ප්‍රශ්න වලටත් ඇහුම් කන් දෙන්න එපෑය. මොකද එයාලා හිතන්නේ එයාල ජීවත් වෙන එක ගැන. පොලිතීන් තහනම හොදයි. එත් එක ඒ මිනිස්සුන්ට තේරුම් කරලා දීල විකල්ප ජීවන මාර්ග, කර්මාන්ත හදුන්වලා දීල එයාලගේ ජීවිත සුරක්ෂිත කරන්න මේ තැනම නිර්දේශ කල අයගේ වගකීමක්. අපේ වගකීමක්.

මේකට උද්ගෝෂණ කරලා වැඩක් නැහැ. ආදේශක භාණ්ඩ වෙළදාමට බහින්න. මේ තහනම ඉවත් කරන්න නම් එපා.

මම කියන්නේ මොනම හේතුවක් නිසාවත් මෙම තහනම ඉවත් නොකළ යුතුයි.

මේ පොලිතින් භාවිතය සම්පුර්ණයෙන්ම නතර කලයුතුමයි. උද්ගෝෂණ වලට බයවුනොත් අපේ රට ඉවරයි. කඩදාසි මලු, පන්මලු ,තල්කොළ එහෙමත් නැතිනම් පොල්කොළ, හන ගස්වලින් ලබාගන්න කෙදිවලින් සාදාගත් මලු පරිසරයට වඩාත් හිතකර බැවින් ඒවා ප්‍රචලිත කිරීමටම මෙම උද්ගෝෂණය කරන කණ්ඩායටම ලබාදෙමු. ඒ විතරක් නොවෙයි පොලිතින් භාවිතා කරන පුද්ගලයන්ට එරෙහිව අධික දඩ මුදලක් පනවන්න, එවිට අපේ මිනිස්සු හැදෙයි .

මේ විදියටම කුඩු මුදලාලිලාත් විරෝධතාවයක් පවත්වන්න ඕනේ කුඩු අල්ලනවට විරුද්දව.

මනුස්ස වර්ගයාගේ සහ සියලුම ජීවීන්ගේ අනාගත පැවැත්ම වෙනුවෙන් පොලිතින් භාවිතය අනිවාර්යයෙන්ම තහනම් කලයුතුයි. ඒ වෙනුවට පරණ පත්තර වලින් බැග් හදන්න පුළුවන්.

මොනවා කලත් මේක නම් අනිවාර්යන්මේ කරන්න ඕනේ, දැනටමත් ප්‍රමාද වැඩි, බංගලාදේශ් වැනි රටවල් වල මේ දේ කලේ අවුරුදු 15 කට කලින්. අපි තාම හිත හිත ඉන්නවා, මෙම තීරණය ගත්ත කෙනාට බොහොම පින්,

මේ ව්‍යාපාරයේ විතරක් ඉන්න කිහිප දෙනෙකු හැරුනම මුළු රටම පොලිතින් වලට එකහෙලාම විරුද්ධයි. අනෙක මේ ඉන්න අය පොලිතින් වලින් පරම්පරාවටම සල්ලි හොයල තියෙන්නේ. (මමත් ඔය ක්ෂේත්‍රයේ කාලයක් හිටි කෙනෙක්) ඒ මුදල් නව ව්‍යාපාරයකට යොදවන්න. පොලිතින් තහනම දැනටමත් පරක්කු වැඩියි.

මෙයාලා නීති විරෝධී ව්‍යාපාර නෙමේ කලේ. මෙම ව්‍යාපාරිකයන්ට රජය කිසියම් සහනක් දෙන්න ඕනේ වෙන ව්‍යාපාරයකට මාරු වෙන්න. පොලිතින් වලට ආදේශක වන. ගොඩක් කට්ටිය මේවගේ රැකියාව කරනවා.

මොන බාධා ආවත් තහනම ඉවත්කරන්න එපා.

මේගොල්ලන්ට රස්සාවක් හැටියට බඳවගන්න නගර සභාවල කුණු එකතු කරන තැන්වල පොලිතීන් වෙන් කරන්න. සාධාරණ පඩියක් දෙන්න. මේගොල්ලන්ම විකුණපුවනෙ.

මා පදිංචි මේ රටෙත් පොලිතින් තහනම් කරා. එහෙත් එකම අයෙක්වත් පාරට බැස්සේ නැහැ ඒ තහනම ඉවත් කරන්න කියල. දැන් මෙහේ සාප්පුවල, මාකට් වල පොලිතින් වෙනුවට ඉක්මනින් දිරායන මලුවර්ගයක්, නැත්නම් ක්‍රාෆ්ට් කඩදාසි වලින් නිපදවූ මලු භාවිතා කරනවා. මොකද අපේ රටේ පොලිතින් නිෂ්පාදකයන්ට මෙවැනි දෙයක් කරන්න බැරි ? ඔවුන් දන්නවාද ඉවත දමන පොලිතින් මල්ලක් පරිසරය දුෂණය නොකර දිරායාමට වසර කීයක් ගතවෙනාවද කියා ? ශ්‍රී ලංකාවට පමණක් නොව මුළු ලොවටම මෙය භයානක තර්ජනයක්. මහා සයුරේ පාවෙන පොලිතින් ගිලින මසුන් අකාලයේ මැරෙනවා.

හරියට හරි පොලිතින් තහනම දා දිනයේම මම කිව්වා දැන් ඒකටත් විරුද්ධව එනව කියල. තහනම ඉවත් කරන්න නම් එපා ඡනාධිපති තුමනි. දැන් දැන් කරේ නගිනවා වැඩියි .බුරුලක් පෙන්වන්න එපා ඉතා තදින් ඉන්න