(ඡායරූප හා වීඩියෝ - රොමේෂ් ධනුෂ්ක සිල්වා)

පරිසරයට අහිතකර පොලිතීන් ආශ්‍රිත නිෂ්පාදන සැප්තැම්බර් 1වැනිදා සිට විකිණීම හා භාවිතා කිරීමට රජය ගෙන ඇති තීරණයට විරෝධය දක්වමින් කොළඹ පිටකොටුව වෙළඳ සංගමය සංවිධානය කළ උද්ගෝෂණයක් පිටකොටුව පීපල්ස් පාර්ක් ඉදිරිපිටදී අද(19) පැවැත්විණි.

‘පොලිතීන් ව්‍යාපාරය අනතුරේ - රැක ගැනීමට පෙරට එන්න’ යන තේමාව යටතේ පැවැති උද්ඝෝෂණයට පිටකොටුව ප්‍රදේශයේ තොග සහ සිල්ලර පොලිතීන් වෙළෙන්දෝ විශාල පිරිසක් එක්ව සිටියහ.  ඔවුන් විරෝධය දැක්වීමක් ලෙස තම වෙළඳසැල් ද අද දිනයේ වසා තිබෙන අයුරු දැක ගත හැකි විය.