නැගෙනහිර නාවික විධානයට අනුයුක්ත නාවිකයින් පිරිසක් විසින් ත්රිකුණාමලය, රවුන්ඩ් දුපතට සහ කෙවුලියා තුඩුව අතර වු මුහුදු ප්රදේශයේ සැඩ පහරකට හසුව මුහුදේ ගසාගෙන යමින් සිටි අලි දෙදෙනෙකු බේරා ගැනීමට සමත් වී ඇත.
මුර සංචාරයේ නියුතු වෙරළබඩ යාත්රාවක් මගින් මෙම අලි දෙදෙනා ගසාගෙන යන බව ප්රථමයෙන් නිරීක්ෂණය කර ඇත.
ත්රිකුණාමල වනජීවී දෙපාර්තමේන්තුවේ නිලධාරීන් වෙත දැනුම් දී ඔහුන්ගේ ද සහය ඇතිව නාවික හමුදාව අලි දෙදෙනා බේරා ගැනීමේ මෙහෙයුම දියත් කර තිබේ.
පසුව මුර සංචාරයේ නියුතු තවත් වේග ප්රහාරක යාත්රා තුනක් හා නාවික හමුදා කිමිදුම් අංශයේ නාවිකයන් කණ්ඩායමක් ද කඩිනමින් පිටත් කර යැවීමට නාවික හමුදාව කටයුතු කර තිබේ.
ඔවුන් දැඩි පරිශ්රමයක් දරමින් අලි දෙදෙනාට උපද්රවයක් සිදු නොවන ලෙස මුහුදේ සිට නිරුපද්රිතව ගොඩබිම දෙසට රැගෙන විත් කෙවුලියා තුඩුව ප්රදේශයට මුදා හැරිමට කටයුතු කැරිණි.
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.