ලෝක සෞඛ්‍ය සංවිධානය, ඔස්ට්‍රේලියාවේ විදේශ කටයුතු සහ වෙළෙඳ දෙපාර්තමේන්තුව සමඟ එක්ව ඇමෙරිකානු ඩොලර් 800,000ක (ආසන්න වශයෙන් රුපියල් කෝටි 15) වෛද්‍ය උපකරණ තොගයක් ශ්‍රී ලංකාවට පරිත්‍යාග කර ඇත.

අත්‍යවශ්‍ය විද්‍යාගාර උපකරණ, රෝහල් උපකරණ, පෞද්ගලික ආරක්ෂණ උපකරණ යනාදිය ඊට ඇතුළත් වේ.

‘කොවිඩ්-19’ වසංගතයට එරෙහිව ශ්‍රී ලංකාව ගෙන යන ක්‍රියාමාර්ගවලට සහාය දීමක් ලෙස එම උපකරණ මෙරටට පරිත්‍යාග කර ඇත.

මුඛ ආවරණ සහ අත් ආවරණ ඇතුළු පෞද්ගලික ආරක්ෂණ උපකරණ 45,000,000වැඩි ප්‍රමාණයක් , පී.සී.ආර්. යන්ත්‍ර සහ නළ 10කට වැඩි ප්‍රමාණයක් , රෝහල් ඇඳන් හා ඔක්සිජන් ටැංකි යනාදී රෝහල් උපකරණ 350කට වැඩි ප්‍රමාණයක් , ‘කොවිඩ්-19’ පරීක්ෂණ කට්ටල 120ට වැඩි ප්‍රමාණයක්, පරිගණක සහ විඩියෝ සම්මන්ත්‍රණ සඳහා භාවිත කරන උපකරණ 50කට වැඩි ප්‍රමාණයක් , වෛද්‍ය පරිභෝගික උපකරණ හා භාණ්ඩ අයිතම සහ කට්ටල 1,500කට වැඩි ප්‍රමාණයක්, ජෛවරසායන සහ රුධිර විද්‍යාවට අයත් අයිතම 5ක් සහ දැනුවත් කිරීමේ පත්‍රිකා සහ පෝස්ටර් 55,000කට වැඩි ප්‍රමාණයක් මෙම වෛද්‍ය ආධාර තොගයට අයත් වේ. 

(055)