(විනීතා එම් ගමගේ )

 ‘‘වී’’ රාජ්‍ය දේපලක් සේ සළකා අත්‍යවශය සේවාවක් බවට පත් කරන ලෙසත් ආණ්ඩුව නියම කරන මිල ගණන්වලට හා නීතිවලට අනුගත නොවන මෝල් රජයට පවරා ගැනීමටත් කටයුතු කරන්නැයි සමස්ත ලංකා ගොවිජන සම්මේලනය රජයට යෝජනා කරයි.

වී මිලට දුන් සහතික මිලට ගැලපෙන සහතික සහල් මිලක් ආණ්ඩුවම තීරණය කළ යුතු යැයි ද හෙතෙම කියා සිටියේය.

රජයට අයත් වසා දමන ලද වී මෝල් හා සතොසට අයත් වී මෝල් වහා විවෘත කිරීමටත් සහන දෙමින් කුඩා මෝල් හිමියන්ට ණය ඇතුළු සහන සැළසීමට කටයුතු කළ යුතු බවත් ඔහු තවදුරටත් ස`දහන් කළේය.

මෙම පියවර ගැනීමෙන් මහා පරිමාණ මෝල් හිමියන්ගේ අධිකාරිය බිද හරින්නට හැකි වනු ඇතැයි ද කී කරුණාරත්න මහතා සහල් අලෙවියට පවා රජය මැදිහත් වියයුතු යැයි කියා සිටියේය. 

රට තුළ සහල් හිගයක් නැතැයි ද හිඟයක් මවා පාන්නේ මහාපරිමාණ මෝල් හිමියන් බව වගකීමෙන් යුතුව කියා සිටින බව ද පැවසූ කරුණාරත්න මහතා මෙරට පරිභෝජනය ස`දහා වසරකට අවශ්‍ය සහල් මෙට‍්‍රික් ටොන් 24 ක් වන නමුත් වසරක දී මෙරට වී මෙටි‍්‍රක් ටොන් ලක්ෂ 50කට ආසන්න ප‍්‍රමාණයක් නිපදවන බව ද පෙන්වා දුන්නේය.

කීරි සම්බා කිලෝවකින් රුපියල් 50 කට  ආසන්න ශුද්ධ ලාභයක් මෝල් හිමියන් ලබන බව පෙන්වා දුන් ඔහු වී මිලට ගැනීමේ දී නාඩුමිලට වඩා කීරි මිල අඩුව පවතිද්දීත් කීරි මිල මේ තරම් ඉහළ යෑම සහල් මාෆියාවේ කොටසක් යැයි ද පැවැසීය.