ඉන්දිකා රාමනායක

කොරෝනා   වයිරසය    රට තුළ     මර්දනය   කරන තෙක්   තමා වෙසෙන   රටවල   සුරක්ෂිතව  සිටින ලෙසට  මව්බිමට  පැමිණීමට අපේක්ෂාවෙන් සිටින  විදේශ ගත ශ්‍රී ලාංකිකයිගෙන්  රජය ඉල්ලා සිටියි.

විදේශගත  සිසුන්,  ව්‍යාපාරිකයන්,  සහ රැකියාවල නිරත  පිරිස් මෙරටට පැමිණීමට කරන  ඉල්ලීම්  රට යහපත් තත්ත්වයට  පත් වීමෙන් පසු  සලකා බලන බවද  රජය අවධාරණය කරයි.

කොරෝනා   වයිරසය    රට තුළ     පැතිර යාම වළක්වා ගැනීම සදහා   රජය  පියවර රැසක් ගෙන ඇති අතර රට තුළට වයිරසය පැමිණීම හා පැතිරයාම වැලැක්වීමේ පියවරක් වශයෙන් විදේශවලින්  පැමිණීම  සම්පුර්ණයෙන්ම නවතා දමා ඇති බවද රජය දක්වා සිටියි.

සෙසු   රටවල්  ද මෙම පියවර  අනුගමනය   කරමින්  රට තුළ  ගමනාගමනය කටයුතු මෙන්ම ගුවන් ගමන්  ද අත්හිටුවා ඇත.

ඔවුන් සිටින ස්ථානවලින්  ගුවන් තොටුපොළ වෙතට හෝ  වෙනත්  ස්ථාන  වෙත   ගමන් කිරීමෙන්  ඔවුනට ද   මෙම රෝගය වැළදීමේ අවදානමක් පවතින බවද රජය දන්වා සිටියි.

තමන්  පිළිබද  තොරතුරු   අදාල   රටේ ශි‍්‍ර ලංකා තානාපති කාර්යාල  හෝ  කොන්සියුලර්   ජනරාල් කාර්යාලය සමග හෝ  හුවමාරු කරගනිමින්  සුරක්ෂිතව  සිටින  ලෙසට  මව්බිමට පැමිණීමේ අපේක්ෂාවෙන්  සිට සියලූ විදේශ ගත ශි‍්‍ර ලාංකිකයන්ගෙන් විදේශ සබදතා පිළිබද ජනාධිපති අතිරේක  ලේකම්  අද්මිරාල්  ජයනාත් කොළඹගේ  මහතා ඉල්ලා සිටියි.