නව කොරෝනා වයිරසයේ ව්යාප්තිය පාලනය කිරීම සඳහා සති දෙකකට කාලයක් රටේ අත්යවශ්ය සේවා හැර රටේ සියලු කටයුතු නවතා දැමීමට පියවර ගන්නා බව මැලේසියාවේ අග්රාමාත්ය මුහිදින් යසීන් නිවේදනය කළේය.
හෙට (18) සිට ක්රියාත්මක වන පරිදි විදේශිකයන්ට රටට ඇතුළුවීම තහනම් යැයි ද මැලේසියානු ජාතිකයන්ට රටින් පිටවීම තහනම් යැයි ද මැලේසියානු අග්රාමාත්යවරයා කීවේය.
විදෙස්ගතව සිට රටට පැමිණෙන සියලු දෙනා දින 14ක අනිවාර්ය නිරෝධායන ක්රියාවලියට යොමු කිරීමට මැලේසියානු බලධාරීහු පියවර ගෙන ඇත.
ආගමික කටයුතු ඇතුළු මහජනතාව එක්රැස් වන උත්සව ආදී සියල්ල කල් දැමීමටත් අත්යවශ්ය ද්රව්ය අලෙවි කරන කඩසාප්පු හැර අනෙකුත් සියල්ල වසා දැමිය යුතු බවත් මැලේසියානු අග්රාමාත්යවරයා ප්රකාශ කළේය. පාසල් වසා දමන්නැයි ද මැලේසියානු බලධාරීහු ප්රකාශ කළහ.
විශේෂ ප්රකාශයක් කරමින් මැලේසියානු අග්රාමාත්යවරයා එම කරුණු සඳහන් කළ අතර එය එරට රූපවාහිනි නාලිකා ඔස්සේ විකාශය ද කෙරුණි.
මැලේසියාවේ රෝග පාලන සහ ආරක්ෂණ පනත සහ පොලිස් පනත ක්රියාත්මක කරන බවත් ඒ අනුව සංචාරක සීමා පනවන බව ද අග්රාමාත්යවරයා කීවේය.
‘‘ආණ්ඩුව ගෙන ඇති පියවර ඔබට ඔබගේ දෛනික ක්රියාකාරකම්වලට බාධාවක් වෙන්න පුළුවන්. ඔබට විවිධ දුෂ්කරතා සහ අභියෝගවලට මුහුණ දෙන්න වේවි. එහෙත් වයිරසය ව්යාප්ත වීම වැළැක්වීමටත් ඔබේත් මගේත් ජීවිත ආරක්ෂා කරගැනීමට මේ ක්රියාකාරකම් ගන්න වෙනවා’’ යැයි මැලේසියානු අග්රාමාත්යවරයා කීවේය.
මැලේසියාවෙන් වාර්තාවන කොරෝනා ආසාදිතයන්ගේ සම්පූර්ණ ගණන 553කි. අග්නිදිග ආසියානු රටකින් වැඩිම කොරෝනා ආසාදිතයන් වාර්තා වී ඇත්තේ ද මැලේසියාවෙනි.
ඒ.එෆ්.පී./රොයිටර්
055
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
මැලේසියාව අත්යවශ්ය සේවා හැර සියලු කටයුතු නවතා දමයි
ජයරත්න Tuesday, 17 March 2020 03:35 PM
මැලේසියාවේ එහෙම වුනත් ලංකාවේ එහෙම වෙන්නේ නැහැ.
Mahesh Tuesday, 17 March 2020 05:48 PM
අන්න නායකයෝ. අපේ ඉන්නේ ඡන්ද ගැනම කියව කියවා ඉන්න පතෝලයෝනේ...