(ක්රිෂාන් ජීවක ජයරුක්)
දක්ෂිණ අධිවේගී මාර්ගයේ බස් රථ ධාවනය පානදුර දක්වා පමණක් සීමා කිරීම හේතුවෙන් අද (02) මාතර අධිවේගී බස් රථ නැවතුම් අංගනයේ දී මගීන් හා ප්රවාහන සේවකයින් අතර උණුසුම් තත්වයක් ඇති විය.
විශේෂයෙන්ම මාතර සිට මාකුඹුර දක්වා මගීන් ප්රවාහනය කිරීම සදහා ඔවුන් බස් රථ වලට නංවා ගෙන තිබු අතර ප්රවාහන බලධාරීන්ගේ දැනුම්දීම මත එම ගමන් වාර අවලංගු කර බස් රථ පානදුරට දක්වා පමණක් යාමට සීමා කිරීම ඊට හේතු විය.
මේ නිසා මගීන්ට බස් රථ කිහිපයකට ගොඩ වී නැවත ඒවායින් බැසීමට සිදුවිය විය.
පසුගිය දිනවල දක්ෂිණ අධිවේගී මාර්ගයේ බස් රථ කොට්ටාව දක්වා යාමට අවසර ලබා දී තිබු අතර හිටිහැටියේ එම තීරණය වෙනස් කිරීම ඊට හේතු වු බව බස් රථ සේවකයින් පැවසීය.
තවද එම තීරණය නොසලකා බස් රථ කිහිපයක් මාකුඹුර දක්වා ධාවනය කර ඇතැයි ද ඔවුන් චෝදනා කලේය.
මේ නිසා අධිවේගී බස් රථ සේවකයින් පැය කිහිපයක් බස් රථ ධාවනයෙන් ඉවත් වී සිටියේය.
පසුව මාතර පොලීසියේ නිලධාරී කණ්ඩායම් කිහිපයක් ද එම ස්ථානය වෙත කැඳවනු ලැබීය.
එහිදී මාතර පොලීසියේ අපරාධ විමර්ශන ඒකකයේ උප පොලිස් පරීක්ෂක ඒ. අනිල් මහතා කියා සිටියේ පානදුර දක්වා ධාවනය නොවී මාකුඹුර දක්වා ධාවනය කිරීමට උත්සාහ කරන බස් රථ වලට එරෙහිව නීරෝධායන නීතිරීතී යටතේ නඩු පවරන බවයි.
තවද පානදුර දක්වා ගමන් පහසුව සලසා ගන්නා ලෙසත් එතැන් සිට කොළඹ දිස්ත්රික්කයේ ඕනෑම තැනකට යාමට බස් රථ පහසුකම් සලසා ඇති බවත් ඒ මහතා මගීන්ට ද දැනුම් දුන්නේය.
ඒ අනුව අධිවේගී මාර්ගය ඔස්සේ පානදුර දක්වා යාමට බස් රථ කිහිපයක් මාතර සිට පිටත්ව ගියේය.
මේ පිළිබඳව ජාතික ගමනාගමන කොමිෂන් සභාවේ ජංගම පරීක්ෂක වත්තගේ රෝහණ මහතාගෙන් විමසූ විට කියා සිටියේ තම කොමිෂන් සභාවේ සභාපතිවරයා දැනුම් දී ඇත්තේ බස් රථ ධාවනය පානදුර දක්වා පමණක් සිදු කරන ලෙස බවත් ඉන් පරිබාහිරව කිසිවක් කල නොහැකි බවත්ය.
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
මාතර අධිවේගී බස් අංගනයයෙත් උණුසුම් තත්වයක්
Kamal Koyrala Tuesday, 02 June 2020 12:49 PM
විරු රටේ වියතුන් ගනුලබන විද්වත් තීරණවලින් වියත් ජනතාව මහා පාරේ...