කොරෝනා වයිරසයේ බලපෑම හේතුවෙන් බ්‍රිතාන්‍යයේ පාසල් වසාදැමීමට සහ ජාතික මට්ටමේ විභාග කල්දැමීමට බලධාරීන් තීරණය කර තිබේ.

බ්‍රිතාන්‍ය අග්‍රාමාත්‍ය බොරිස් ජොන්සන් මහතා සඳහන් කළේ, මෑතකදී, එංගලන්තයේ පළමුවරට සියලු පාසල් වසාදැමීමට සිදු වන අවස්ථාව මෙය බවයි.

මිලියන 8ක පමණ සිසුන් සංඛ්‍යාවක් ඉගෙනුම ලබන පාසල් වසාදැමීමට තමන්ට ඉහළ නිලධාරීන්ගෙන් බලකෙරුණු බව කී අග්‍රාමාත්‍යවරයා වයිරසය ව්‍යාප්තවීම පාලනය කිරීම සඳහා ගුරුවරුන් සහ සිසුන් ස්වයං-නිරෝධායනට යොමු කළ බවද පැවැසීය.

මෙම තීරණය ගැනීමට පෙළඹුණේ, ස්කොට්ලන්තය සහ වේල්සය පාසල් වසාදැමීමට තීරණය කිරීමත් සමඟිනි.

ඒ අනුව, බ්‍රිතාන්‍යයේ සියලු පාසල් සිකුරාදා දිනයේදී නැවත දැනුම්දෙන තුරු  වසාදමන බව අධ්‍යාපන ලේකම් ගේවින් විලියම්සන් මහතා පැවසීය.

ඒ සමඟ ම අඩු ආදායම්ලාභී සිසුන්ට  නොමිලේ දිවා ආහාරය ලබා‍දීමේ වැඩපිළිවෙළක් ක්‍රියාත්මක කිරීමට ද බ්‍රිතාන්‍ය රජය තීරණය කරමින් සිටී.

උතුරු අයර්ලන්තයේ පාසල් ද ලබන සඳුදා දිනයේ සිට ගිම්හාන සෘතුව දක්වා කාලයක් වසාදැමීමට නියමිත බව බලධාරීහු පවසති.

බ්‍රිතාන්‍යයේ ජාතික මට්ටමේ අධ්‍යාපන විභාග සහ උසස් පෙළ විභාගය මේ වසරේදී නොපැවැත්වෙන බවද අධ්‍යාපන ලේකම් ගේවින් විලියම්සන් මහතා සඳහන් කළේය.

(සීඑන්එන්/ ද ගාඩියන්)