මධ්‍යම ඇමරිකානු රටක් වන නිකරගුවා රාජ්‍යයෙන් ප්‍රථම කොරෝනා වයිරස ආසාදිත මරණය වාර්තා වී තිබේ.

මියගිය පුද්ගලයා එච් අයි වී  ආසාදිතයෙකු බවත් තවත් රෝග කිහිපයකින් පෙළුණු බවත් එරට සෞඛ්‍ය අංශ සඳහන් කරයි.

නිකරගුවාවේ මේ වනවිට කොරෝනා ආසාදිත රෝගීන් දෙදෙනකු වාර්තා වෙයි.

බටහිර අර්ධගෝලයේ දුප්පත්ම රටක් වන නිකරගුවාවේ කොරෝනා වෛරසය පැතිරී ගියහොත් එය පාලනය කිරීමට නොහැකිව දැවැන්ත අර්බුදයකට ලක්විය හැකි බව එරට වෛද්‍යවරු අවධාරනය කරති.

ඔවුන් වැඩිදුරටත් පවසන්නේ නිකරගුවාවේ සෞඛ්‍ය පද්ධතිය වසංගතයකට මුහුණ දීමට සූදානම් නැති බවයි.

රෝගය පාලනය කිරීමට එරෙහිව රජය පියවර නොගැනීම සම්බන්දව ද ඔවුහු චෝදනා කර ඇත.

(රොයිටර් පුවත් ඇසුරිණි - 085)