IMG-LOGO

2025 ජුලි මස 19 වන සෙනසුරාදා


තායිලන්තයේ සිරවී සිටි ලාංකිකයින් 70 ක් ලංකාවට

( ටී.කේ.ජී.කපිල )

කොරෝනා වසංගත රෝගී තත්වය නිසා ශ්‍රී ලංකාවට පැමිණීමට නොහැකිව තායිලන්තය තුළ රැදී සිටි ශ්‍රී ලාංකිකයන් 70 දෙනෙකු රැගෙන අද (17) දින රාත්‍රී  මාලදිවයිනට අයත් විශේෂ ගුවන් යානයක් කටුනායක ගුවන් තොටුපළ වෙත පැමිණ තිබේ .

මාලදිවයින ගුවන් සේවයට අයත් කිව්.26351 දරන එම විශේෂ ගුවන් යානය අද 17 දින රාත්‍රී  7.30 ට තායිලන්තයේ , බැංකොක් නුවර ගුවන් තොටුපළේ සිට කටුනායක ගුවන් තොටුපළ වෙත පැමිණ තිබුණි .

මෙම ගුවන් යානය තුළ සිටි මුළු ගුවන් මගීන් සංඛ්‍යාව 70 ක් වූ අතර , එම  70 දෙනාම  කටුනායක ගුවන් තොටුපළ වෙත පැමිණි ගුවන් මගීන් වූහ.

මෙසේ කටුනායක  ගුවන් තොටුපළ වෙත පැමිණි මෙම ගුවන් මගීන් සහ ඔවුන්ගේ ගමන් මලු ආදිය ශ්‍රී ලංකා ගුවන් හමුදා නිලධාරීන් විසින්  විශබීජ හරණය කිරීමකට ලක් කෙරිණි .

මෙම ගුවන් මගීන් වෙත කොරෝනා ආසාදිත රෝග ලක්ෂණ පවතී දැයි , ඔවුන්ගේ ශරීර උෂ්ණත්වය මැන බලමින් ගුවන් තොටුපළ සෞඛ්‍ය වෛද්‍ය නිලධාරීන් සහ ගුවන් තොටුපළ ආරක්ෂක නිලධාරීන් විසින් නිරීක්ෂණය කරන්නට විය .

පසුව ශ්‍රී ලංකා යුද හමුදාව විසින් මෙම ගුවන් මගීන් පිරිස නීරෝධායන කටයුතු සදහා , ඔවුන් සතු විශේෂ බස් රථ යොදා ගනිමින් රැගෙන ගියහ .

මෙම ගුවන් මගීන් රැගෙන පැමිණි මාලදිවයින ගුවන් සේවයට අයත් ගුවන් යානය , යානයට අවශ්‍ය ඉන්ධන ද මාලේ ගුවන් තොටුපළ වෙත රැගෙන යෑමට භාණ්ඩ තොගයක් ද පටවා  ගැනීමෙන් අනතුරුව රාත්‍රී 10.00 ට පමණ   මාලේ ගුවන් තොටුපළ බලා කටුනායක ගුවන් තොටුපළෙන් පිටත් විය .
 



අදහස් (0)

තායිලන්තයේ සිරවී සිටි ලාංකිකයින් 70 ක් ලංකාවට

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site