කොරෝනා වයිරසය ව්‍යාප්ත වීමේ අවදානමත් සමඟ ජපාන අග්‍රාමාත්‍ය ෂින්සෝ අබේ රට තුළ ‘හදිසි නීතිය’ ප්‍රකාශයට පත් කරනු ඇතැයි එරට පුවත් සේවා අද (6) වාර්තා කළේය.

ඒ අනුව ජපාන අග්‍රාමාත්‍ය ෂින්සෝ අබේ ඊයේ (7) හදිසි නීතිය ප්‍රකාශයට පත් කරනු ඇතැයි ජපානයේ යොමියුරි පුවත්පත වාර්තා කර තිබිණි.

ජපාන අග්‍රාමාත්‍යවරයා ඊට අදාළ සැලසුම් අද (6) ප්‍රකාශයට පත් කළේය. ජපානයේ හදිසි නීතිය හා එය ප්‍රකාශයට පත් කිරීමට අදාළ නීති ඉකුත් මාර්තු මාසයේදී සංශෝධනය කරන ලදි. ඒ අනුව කොරෝනා වයිරසය රටට සහ රටේ ජනතාවට විශාල තර්ජනයක් එල්ල කළහොත්, වේගයෙන් පැතිර යෑමේ අවදානමක් ඇති වුවහොත් සහ ආර්ථිකයට විශාල බලපෑමක් එල්ල කළහොත් යන කරුණු සැලකිල්ලට ගනිමින් හදිසි නීතිය ප්‍රකාශයට පත් කිරීම සඳහා අග්‍රාමාත්‍යවරයාට බලය ලබාදෙන ලදි. කොරෝනා වයිරසය හේතුවෙන් ජපාන ආර්ථිකයේ පසුබැසීමක් ඇති වීමේ අවදානමක් දැනටමත් ඇති වී ඇත.

හදිසි නීතිය ප්‍රකාශයට පත් කිරීමත් සමඟ එරට ආණ්ඩුකාරවරුන්ට, ජනතාවට නිවසට වී සිටින්නැයි නියෝග කිරීමට ඉඩ සැලසෙන අතර කඩසාප්පු ඇතුළු ව්‍යාපාරික ස්ථාන වසා දැමීමට ද බලය යෑමේ. ජපානයේ සංශෝධිත හදිසි නීතිය අනෙක් රටවල ‘ලොක්ඩවුන්’ හෙවත් රට සම්පූර්ණයෙන් වසා දැමීමේ ක්‍රියාවලියට සමාන යැයි ද විදෙස් මාධ්‍ය වාර්තා කර තිබිණි.
ජපානයේ සමස්ත කොරෝනා ආසාදිතයන්ගේ සංඛ්‍යාව අද (6) පස්වරු වනවිට 3,654ක් දක්වා ඉහළ ගොස් තිබූ අතර එරටින් වාර්තා වූ මරණ සංඛ්‍යාව 85ක් විය.

ද ගාඩියන්/ රොයිටර්

055