චීනය අද ජාතික ශෝක දිනයක් කරයි

කොරෝනා වෛරසයෙන් මියගිය තැනැත්තන් සිහිකිරීම සඳහා චීනය අද එරට ජාතික ශෝක දිනයක් ලෙස නම් කර තිබේ.

ඒ අනුව විනාඩි 3 ක නිහඬතාවක් රැකීමට ද චීන වැසියෝ අද එක්වූහ.

එරට වේලාවෙන් පෙරවරු 10.00 ට ‍මෙම නිහඩ කාලය ආරම්භ විය.

රථවාහන මෙම කාලයේදී සිය නලා නාද කළේය.

චීනයේ වුහාන් නගරයෙන් ලොව ප්‍රථම කොරෝනා රෝගියා පසුගිය වසරේ වාර්තා විය.

එතැන් සිට මේ දක්වා වෛරසය ලොව පුරා මිලියනය ඉක්මවූ පිරිසකට ආසාදනය වී ඇත.

මේ හේතුවෙන් රටවල් 181 කට අධික සංඛ්‍යාවක පුද්ගලයින් 60,000 කට ආසන්න සංඛ්‍යාවක් මරණයට පත්වී තිබේ.

කොරෝනා වෛරසයේ කේන්ද්‍රස්ථානය වූ වුහාන් නගරයේ සියලු මාර්ග සංඥා අද පෙරවරු 10.00 ට රතු පැහැයෙන් දල්වා එතැන් සිට විනාඩි 3 ක් ගමනාගමනය අත්හිටුවනු ලැබීය.

වෛරසය සමඟ සටන් වැදී දිවි පිදූ වීරයින්ට ගෞරව දැක්වීමට ද මෙම මෙය අවස්ථාවක් කරගන්නා බව චීන රජය ප්‍රකාශ කළේය.

එරට සෞඛ්‍ය සේවකයෝ 14 දෙනෙක් වෛරසය හේතුවෙන් මරණයට පත්වූහ.

වෛරසය ගැන අනතුරු ඇඟවූ ලී වෙන්ලියැන්ග් නමැති වෛද්‍යවරයාද ඒ අතර වෙයි.

අපේ කාර්ය මණ්ඩල සාමාජිකයින් සහ රෝගීන් මරණයට පත්වීම සම්බන්ධයෙන් අපි දැඩි කණගාටුවකින් පසුවනවා යැයි කොරෝනා වෛරසය ආසාදිත රෝගීන්ට ප්‍රතිකාර කරන චීන හෙදියක් විදෙස් මාධ්‍ය වෙත පවසා තිබුණි.

ඔවුන්ට ස්වර්ගයේ විවේක ගත හැකි වනු ඇතැයි ඇය වැඩිදුරටත් පවසා ඇත.

චීන ජනපති ෂී ජින්පින් මහතා ඇතුළු අනෙකුත් රජයේ නිලධාරීන් ද බෙයිජින්හිදී ගෝකය පළකිරීමට එක්වූහ.

චීනය රෝගය සම්බන්ධයෙන් ප්‍රථම වරට ලෝක සෞඛ්‍ය සංවිධානයට දැනුම් දුන්නේ පසුගිය දෙසැම්බර් 31 වැනිදාය.

ජනවාරි 18 වැනිදා වන විට වෛරසය ආසාදනය වී ඇති බවට තහවුරු කර ගත් පුද්ගලයින් සංඛ්‍යාව 60 දක්වා ඉහළ ගොස් ඇති බව වාර්තා වුවද විශේෂඥයින් පැවසුවේ සත්‍ය අගය 1700ට ආසන්න වන බවයි.

ඉන් දින 2 කට පසුව ලූනා නව වසර වෙනුවෙන් සංචාරයේ යෙදීමට මිලියන ගණන් ජනතාව සූදානම්ව සිටිහය.

ඒ වන විට වෛරසය ආසාදිත රෝගීන් සංඛ්‍යාව 200 ඉක්මවා තිබූ අතර බීජිං, ෂැංහයි හා ෂෙන්ෂෙන් ප්‍රදේශවලින් ද වෛරසය හඳුනාගෙන තිබුණි.

එතැන් සිට වෛරසය වේගයෙන් ආසියාව හා යුරෝපය පුරා පැතිර ගිය අතර අවසානයේ ලෝකයේ හැම ස්ථානයක් පුරා එය පැතිරුණි.

පසුගිය සති කිහිපයේදී චිනය සංචාරක හා සමාජ දුරස්ථතාව පිළිබඳ සීමා ලිහිල් කළ අතර ඊට හේතු වූයේ පැවති හදිසි සෞඛ්‍ය තත්ත්වය පාලනය කර ගැනීමට හැකිවී තිබීමයි.

මාස දෙකකට වැඩි කාලයක් පුරා හුදකලා කර තිබූ වූහාන් නගරය අර්ධ වශයෙන් විවෘත කිරීමට ද බලධාරීහු පියවර ගත්හ.

(බීබීසී ඇසුරෙනි)

-226-

අදහස් (1)

චීනය අද ජාතික ශෝක දිනයක් කරයි

Ruwan Saturday, 04 April 2020 08:22 AM

චීනය සියලු දෙනාගෙන්ම සමාව ගන්න ඕන වයිරසය පිළිබද තොරතුරු මුල් කාලයේ සැගවීම ගැන.

: 0 0

ඔබේ අදහස් එවන්න

වැඩි දෙනා කියවූ පුවත්

අහම්බෙන් හමු වූ රන් බඩු සේප්පුව

2025 දෙසැම්බර් මස 02 33688 5

’’බුදුන්ගේ රස්තියාදුව’’ කෘතිය බුදු දහමට නිගාවක්

2025 දෙසැම්බර් මස 08 10893 17

නුවරඑළිය මන්ත්‍රිනිය පාර්ලිමේන්තුවේ හඬා වැටෙයි

2025 දෙසැම්බර් මස 05 10505 12

කුණාටුවෙන් පසු මෙරට සංචාරයට ආ දැවැන්තයා

2025 දෙසැම්බර් මස 03 10051 1

ඉතාලියේ ලංකික සමාජ ක්‍රියාකරුවකු ආධාරත් කොල්ල කාලාලු

2025 දෙසැම්බර් මස 07 9536 24

2025 දෙසැම්බර් මස 04 494 1

ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි

’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්

2025 නොවැම්බර් මස 21 469 1

ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

2025 නොවැම්බර් මස 17 417 0

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම