(නිමන්ති රණසිංහ)
 
‘‘කොඩිඩ් 19 සෞඛ්‍ය හා සමාජ සංරක්ෂණ අරමුදල’’ වෙනුවෙන් ආරක්ෂක අමාත්‍යාංශයෙන් සහ පොලිස් දෙපාර්තමේන්තුවෙන් රුපියල් කෝටි හයක මුදලක් පිරිනැමීම ජනාධිපති කාර්යාලයේදී අද (07)  සිදුවිය.
 
ආරක්ෂක අමාත්‍යාංශය යටතේ සේවයේ නියුතු එක්දහස් දෙසීය දෙනෙකු ස්වේච්ඡාවෙන් පිරිනැමු රුපියල් කෝටියක මුදල සහ ශ්‍රී ලංකා පොලිස් දෙපාර්තමේන්තුවේ විශේෂ අරමුදෙල් ලබාගත් රුපියල් කෝටි 05ක මුදල ජනාධිපති ලේකම් ආචාර්ය පී. බී. ජයසුන්දර මහතා වෙත භාරදීම අද (07) සිදුවූ අතර මේ වන විට කොවිඞ් 19 සෞඛ්‍ය හා සමාජ සංරක්ෂන අරමුදලේ තැන්පතු ශේෂය රුපියල් මිලියන 420ක් දක්වා ඉහළ ගොස් ඇති බවද ජනාධිපති ලේකම් කාර්යාලය පවසයි. එසේම, මෙම අරමුදල දායක වීමට කැමැති අය සදහා දුරකතන අංක 0112 2354479 සහ 011 2354354 ඔස්සේ අධ්‍යක්ෂ ජනරාල් (පරිපාලන) කේ. බී. එගොඩවෙලේ මහතා අමතා වැඩි විස්තර දැන ගත හැකි බවද එම කාර්යාලය දැනුම් දෙයි.
 
 ආරක්ෂක ලේකම් විශ‍්‍රාමික මේජර් ජෙනරාල් කමල් ගුණරත්න සහ වැඩබලන පොලිස්පති සී. ඞී. වික‍්‍රමරත්න යන මහත්වරුන් පරිත්‍යාග මුදල් ජනාධිපති ලේකම් ආචාර්ය පි. බී. ජයසුන්දර මහතා වෙත භාරදෙනු අයුරු ඡායාරූපයෙන් දැක්වේ.