( වසන්ත චන්ද්‍රපාල සහ  සී. ලියනආරච්චි)

කොළඹ සිට අම්පාරට නිවාඩුව සදහා පැමිණි නාවික හමුදා සෙබලුන් 21දෙනාගෙන් 20 දෙනෙකු ඔවුන්ගේ  නිවෙස්වලම නිරෝධානයට ලක් කිරිමට පියවර ගත් බව අම්පාර ප්‍රාදේශිය සෞඛ්‍ය සේවා අධ්‍යක්ෂක ප්‍රසංග සේරසිංහ මහතා පැවසිය.

ඉන් එක් පුද්ගලයෙකුට කොරෝනා රෝග ලක්ෂණ පහලවිම නිසා ඔහු 1990 ගිලන්  රථයකින් මඩකලපුව මහා රෝහලට යැවිමට උහන සෞඛ්‍ය වෛද්‍ය නිළධාරි නිරෝෂන් ලියනගේ මහතා විසින් කටයුතු සංවිධානය කරනු ලැබිය.

පසුව ඔහු සිටි නිවස ජීවාහානුකරණය කල අතර පවුලේ සාමාජිකයින් එම නිවසතුලම නිරෝධායනයට ලක් කරනු ලැබිය.
දැනට මේ වෙන විට මෙම නාවික හමුදා සෙබලුන් ඇසුර කරන ලද අය පිලිබදව තොරතුරැ මහජන සෞඛ්‍ය පරීක්ෂකවරැන් සහ පොලිසිය විසින් ගනනය කරන බවද ප්‍රාදේශිය සෞඛ්‍ය සේවා අධ්‍යක්ෂකවරයා වැඩි දුරටත් සදහන් කලේය.

දැනට පවතින මෙම තත්වය නිසා නිවසට වි සිට සෞඛ්‍ය සේවා නිළධාරින්ට මෙන්ම ආරක්ෂක අංශවලට  සහය දෙන ලෙසද මහජන සෞඛ්‍ය පරීක්ෂකවරැන් දෙන උපදෙස් පිලිපදින ලෙසද ඉල්ලිමක් කලේය.