( රේඛා තරංගනී ෆොන්සේකා)

කොරෝනා බවට තහවුරු  වු මොරටුවේ කල්දෙමුල්ල  ප්‍රදේශයේ දෙවෙනි පටුමගේ පදිංචි 82) කාන්තාවක් ජයවර්ධනපුර රෝහලේ ප්‍රතිකාර ලබමින් සිටියදී (29) අයි.ඩී.එච් වෙත මාරු  කර යවා ඇති බව මොරටුව සෞඛ්‍ය වෛද්‍ය නිලධාරී පවසයි.
 
මෙම කාන්තාව උණ රොගී තත්වයක් හේතුවෙන් ඉකුත් සිකුරාදා රාත්‍රියේ රෝහල් ගත වී ඇති බවත්  එහිදී පහළ වු ලක්ෂණ හේතුවෙන්  සිදු කළ පරික්ෂාවේදී කොරොනා බවට තහවුරු වීම හේතුවෙන් එසේ අයි.ඩී.එච් වෙත මාරැකොට යවා ඇති බවත් ඔහු වැඩිදුරටත් පැවසීය.

කාන්තාව  රෝහල් ගතවීමට පෙර ඊබට් පටුමගේ ඩිස්පෙන්සරියකින් ප්‍රතිකාරගෙන ඇති බවත්  එදින එම ඩිස්පෙන්සරියට පැමිනි රෝගීන් නිරෝධානය වීම සඳහා තමා හා සම්බන්ධ වන ලෙසත් සෞඛ්‍ය වෙද්‍ය නිලධාරිවරයා පැවසීය.
 
වයිරසය ඇයට ආසාදනය  වුයේ කොතනින්ද යන්න සැක සහිත බවත්  කාන්තාවගේ පුතා ගුවන්තොටුපොළ සේවාවේ නිරත පුද්ගලයෙකු බවත් සෞඛ්‍ය වෛද්‍ය නිලධාරිවරයා පැවසීය.

රෝගි කත පදිංචිව සිටි ප්‍රදේශයේ නිවාස 10 නිවැසියන් ස්වයං නිරෝධානයට යොමු කර ඇති බවත් ඒ මහතා වැඩිදුරටත් පැවසීය