IMG-LOGO

කොරෝනා කාලයේදී බිළිඳුන් කෝටි 11 ක් උපදීවි

ලෝක සෞඛ්‍ය සංවිධානය ‘කොවිඩ්-19’ වසංගතයක් ලෙස ප්‍රකාශයට පත් කිරීමෙන් පසු එළැඹෙන මාස නවයකට ආසන්න කාලයේදී බිලිඳුන් මිලියන 116 (කෝටි 11.6 ක්) උපදිනු ඇතැයි එක්සත් ජාතීන්ගේ සංවිධානය ඇස්තමේන්තු කරයි. එක්සත් ජාතීන්ගේ ළමා අරමුදල (යුනිසෙෆ්) සකස් කරන ලද නවතම වාර්තාවකින් ඒ බව අනාවරණය වී ඇත.

මාස 9 ක් ඇතුළත දරුවන් මිලියන 116 ක් උපත ලබන බවට ඇස්තමේන්තු කර ඇතත් එම කාලය ඇතුළතදී කොරෝනා වසංගතය තුරන් වන බවට කිසිම ආකාරයේ තක්සේරුවක් මෙතෙක් කර නැත.

චීනයෙන් හුබෙයි පළාතේ වූහාන් නරගයෙන් ව්‍යාප්ත වීමට පටන් ගත් බව කියන නව කොරෝනා වයිරසය හෙවත් ‘කොවිඩ්-19’ වසංගතය හේතුවෙන් ලොව රටවල් රැසක් රටම වසා දැමීමේ ‘ලොක්ඩවුන්’ සීමා පනවන ලදි.  ඇතැම් රටවල් ඇඳිරි නීතිය ඇතුළු දැඩි සීමා පැනවීය.

‘‘වසංගතය හේතුවෙන් අලුත උපදින දරුවන්ට සහ මව්වරුන්ට ලබාදෙන සෞඛ්‍ය පහසුකම්වලට බාධා එල්ල වෙන්න පුළුවන්’’ යැයි ද එක්සත් ජාතීන්ගේ සංවිධානය පෙන්වාදෙයි.

‘‘කොවිඩ්-19 වසංගතය මැද්දේ දරුවන් මිලියන 116ක් (කෝටි 11.6ක්) උපත ලබාවී’’ යැයි යුනිසෙෆ් සංවිධානය සිය වාර්තාව මඟින් ඇස්තමේන්තු කර ඇත.   ‘‘අම්මලාටත් අලුත උපදින බිලින්ඳන්ටත් දරුණු තත්ත්වවලට මුහුණ දෙන්න සිදුවේවි’’ යැයි ද එම සංවිධානය පෙන්වාදෙයි.

වැඩිම දරුවන් ගණනක් උපදිනු ඇතැයි ඇස්තමේන්තු කර ඇත්තේ ඉන්දියාවේය. ඉදිරි මාස නවයක කාලයේදී ඉන්දියාවේ දරුවන් මිලියන 20.1ක් උපදිනු ඇතැයි එක්සත් ජාතීන්ගේ ළමා අරමුදල ඇස්තමේන්තු කර ඇත. චීනයෙන් මිලියන 13.5ක්, නයිජීරියාවෙන් මිලියන 6.4ක්, පාකිස්තානයෙන් මිලියන 5ක් සහ ඉන්දුනීසියාවෙන් මිලියන 4 ක් වශයෙන් දරු උපත් වාර්තා වනු ඇතැයි ද දැනට ඇස්තමේන්තු කර ඇත.

‘‘කොවිඩ්-19 වසංගතය ව්‍යාප්ත වීම පාලනය කිරීම සඳහා පැනවූ සීමා හේතුවෙන් ජීවිත ආරක්ෂා කරන සෞඛ්‍ය සේවාවලට බාධා එල්ල වෙන්න පුළුවන්. විශේෂයෙන්ම දරු උපත්වලදී හා ඒ ආශ්‍රිත සෞඛ්‍ය සේවාවලට බාධා එල්ල වෙන්න පුළුවන්. මේ තත්ත්වය නිසා ලොවපුරා ගර්භණී අම්මලා සහ ඔවුන්ගේ දරුවන් මිලියන ගණනකගේ ජීවිත අවදානම පත්ව තිබෙනවා’’ යැයි එක්සත් ජාතීන්ගේ ළමා අරමුදෙල් විධායක අධ්‍යක්ෂ හෙන්රියෙටෝ ෆෝ සඳහන් කළාය.

එක්සත් ජාතීන්ගේ ළමා අරමුදල මෙම ඇස්තමේන්තු කර ඇත්තේ මේ වසරේ මාර්තු 11 වැනිදා සිට දෙසැම්බර් 16 වැනිදා දක්වා සති 40 ක කාලයටය.

ලෝක සෞඛ්‍ය සංවිධානය නව කොරෝනා වයිරසය හෙවත් ‘කොවිඩ්-19’ ගෝලීය වසංගතයක් ලෙස ප්‍රකාශයට පත් කළේ මාර්තු මස 11 වැනිදාය.

‘ද හින්දුස්තාන් ටයිම්ස් අනුග්‍රහයෙනි
055



අදහස් (7)

කොරෝනා කාලයේදී බිළිඳුන් කෝටි 11 ක් උපදීවි

chandima Thursday, 07 May 2020 01:46 PM

ගාන හදලා වැඩක් නැහැ. එළියට පහළියට යන්න බැරිව ගෙවල්වලට වෙලා ඉන්න ගමන් වෙන මොනවා කරන්නද? අපි උනත් වයසට නොගියානම් ඔය ගොඩේම තමයි.

:       5       46

PrabhaThursday, 07 May 2020 05:35 PM

ඇයි වත්තෙ පිටියෙ ගහක් කොළක් හිටවාගන්නත් ඔය කාලයම යොදාගන්න පුළුවන්... නැද්ද මන් කියන්නේ?

:       1       32

chandimaThursday, 07 May 2020 09:15 PM

ඔය කියන විදියට මේ තියෙන පොල් අල්ලි දෙකේ අඩියෙන් අඩිය පැල උගුල්ල උගුල්ල ආයෙත් හිටවන්න වෙනවා. එ්ත් ඉතින් ගොම්මන් ජාමෙට...

:       0       0

agith Friday, 08 May 2020 12:42 AM

දරුවෙකුට ජීවත් වීමට සුදුසු පරිසරයක් නොමැති ලෝකයකට දරුවෙකු බිහි කිරීමට පෙර කිහිපවරක් සිතා බැලීමට සුදුසු බවයි මගේ හැඟීම...

:       0       0

Upul Friday, 08 May 2020 01:04 AM

මේ වාර්තාවේ කියන්නෙත් ප්‍රභා කියනවා වගේ තමන්ගේ වත්තේ හිටවන අයට ලැබෙන දේ තමයි.

:       0       0

සේන Friday, 08 May 2020 04:17 AM

ලෝක සෞඛ්‍ය සංවිධානය එක එක දත්තයන් දිදී ඉන්නවා මිසක.., තමන්ගේ රාජකාරිය කරන පාටක් නෑ.

:       0       0

පිටිගල මිලානෝ Friday, 08 May 2020 12:19 PM

ඉතාලියේ මේ වකවානුවේ ලාභ ලබපු එක් කොටසක් තමයි භාණ්ඩ වෙළඳුන්.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 8 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

නුතන ජීවිතයට පහසුකම් රැසක් සමඟ හේමාස් හෙලත් ප්ලස් නවීන බාහිර රෝගී සත්කාරක මාධ්‍යස්ථානය දැන් වත්තල දී 2025 ජුනි මස 23 137 0
නුතන ජීවිතයට පහසුකම් රැසක් සමඟ හේමාස් හෙලත් ප්ලස් නවීන බාහිර රෝගී සත්කාරක මාධ්‍යස්ථානය දැන් වත්තල දී

සීඝ‍‍්‍රයෙන් පරිවර්තනය වෙමින් පවතින ශ‍‍්‍රී ලංකාවේ සෞඛ්‍ය සේවා ක්ෂේත‍‍්‍රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P

ශ්‍රී ලංකාවේ පෞද්ගලික අංශයේ විශාලතම සුළං බලාගාර ව්‍යාපෘති ආයෝජනය සඳහා හේවින්ඩ් සමඟින් ලංකා විදුලිබල මණ්ඩලය ගිවිසුම් අත්සන් කරයි. 2025 ජුනි මස 05 2256 1
ශ්‍රී ලංකාවේ පෞද්ගලික අංශයේ විශාලතම සුළං බලාගාර ව්‍යාපෘති ආයෝජනය සඳහා හේවින්ඩ් සමඟින් ලංකා විදුලිබල මණ්ඩලය ගිවිසුම් අත්සන් කරයි.

රී ලංකාවේ සුළං බලශක්ති ක්ෂේත්‍රයේ විශාලතම පුද්ගලික ආයෝජනය වන මෙගාවොට් (MW) 50ක ධාරිතාවයකින් යුතුව මන්නාරම ප්‍රදේශයේදී ඉදිකිරීමට නියමිත සුළං බලාගාර ව්‍

Our Group Site