IMG-LOGO

කරන්දෙණියට උග්‍ර ජල හිඟයක්

(එම් .සුසිල් ප්‍රියන්ත)

මේ දිනවල පවතින දැඩි වියළි කාලගුණය හේතුවෙන් තමන්  උග්‍ර ජල හිඟයකට මුහුණදී ඇතැයි කරන්දෙණියේ ජනතාව කියති.

ඇඳිරි නීතිය නිසා සිය දෛනික  ජීවිතයට අවශ්‍ය  වතුර සොයා ගෙන යාමට නොහැකිවීමෙන්  තමන් අන්ත අසරණ තත්වයකය පත්ව ඇති බව ඔවුහු කීහ

තමන් මෙසේ ජල හිඟයෙන් පිඩා විදීමට සිදුව ඇත්තේ ජල නල පද්ධතියක් නැති ලංකාවේ එකම නගරය කරන්දෙනිය නිසා බවද ඔවුහු කියති.

කරන්දෙණියේ  සැම ප්‍රදේශයකම   විශාල ජල හිඟයක් පවතින බවත් ඒ අතරින්  මහගොඩ ,දංගහවිල ,බොරකන්ද ,කිරිපේද්ද ,කොස්වතුමානාන , මඩකුඹුර , දිවියගහවෙල , වැලිවිටියදිවිතුර යන ප්‍රදේශවල ජල හිඟය උග්‍ර වී ඇති බවත් ජනතාව කියති.

නෑමට ,වැසිකිලි කැසිකිලි සඳහා ,රෙදී සේදීමට සහ බීමට වතුර සොයා ගැනීමත් දුෂ්කර කාර්යක් වී තිබෙන බවද  ඔවුහු කියති .

ඇඳිරි නීතිය නොතිබුනේනම් වතුර තිබෙන  ප්‍රදේශ කරා ගොස් සිය ජල අවශ්‍යතා ඉටුකර ගැනීමට තිබූ බවත්  අඩුම තරමින් සිය බල ප්‍රදේශය අවට බල ප්‍රදේශවල ගඟකට , දොලකට හෝ ඇලකට ගොස් දිය නා රෙදි ටිකවත් සොදා ගැනීමට  තිබූ බවත්  ජනතාව කියති .

මින් පෙර කවදාවත්ම තමන්ට මෙවැනි ජල හිඟයකට මුහුණදීමට සිදු නොවූ බව පවසන ඔවුහු මේ වනවිට  තමන් ජල අවශ්‍යතා සපයාගත් ළිං සියල්ල සිදී ගොස් තිබෙන බවද කියති .

කරන්දෙණිය ප්‍රාදේශීය සභාව ජල බවුසරයක් මාර්ගයෙන් ඉතා සීමිත ජලය ප්‍රමාණයක් ලබාදෙන බවත් එසේ දෙන ජලය ඒ අවස්ථාවට පමණක් ප්‍රමානවත් බවද ජනතාව පැවසූහ.

මේ සම්බන්ධයෙන්  කරන්දෙනිය ප්‍රාදේශීය සභාවේ සභාපති ගාමිණි අමරවංශ මහතා මෙසේ පැවසීය.

        ‘‘මේ වගේ ජල හිඟයක් කවදාවත්ම කරන්දෙණියට බලපාලා නැහැ.අපි බෙදල දෙන ජලය දැනට පවතින ජල හිඟයට කිසිසේත්ම  ප්‍රමාණවත් නැති බව ඉතාම පිලිගන්නවා.ඇඳිරි නීතිය අස්සේ අපේ ජනතාවට නාන්න ,රෙදි සෝද ගන්න යන්න බැහැනේ .ඒකත් අපේ අහිංසක ජනතාවට බලපැවා. අපේ නගරය හරහා නළ ජල පද්ධතියකුත් නැ. අපේ ජනතාව ජල හිඟයෙන් පීඩාවට පත්වෙලා ඉන්න එක මුසාවක් නෙමෙයි‘‘.

 



අදහස් (2)

කරන්දෙණියට උග්‍ර ජල හිඟයක්

Pradeep Friday, 10 April 2020 03:09 AM

ඉතාමත් ඛේදනීයයි. අප වැනි රටකටත් මිනිසුන්ට අවශ්‍ය මුලික අවශ්‍යතාවයක් වන ජලය ලබා දීමට නොහැකි නම් එතන ඇත්තේ අපගේ පාලන තන්ත්‍රයේ වරදක් මිසක් වෙනකක් නොවේ. කිසිදු ජල උල්පතක් නොමැති කරදියෙන් වටවූ කුඩා කුඩා දුපත් රාජ්‍යයන් පවා තම ජනතාවට අවශ්‍ය ජල පහසුකම් සපයා තිබෙන අවධියක අප සිටින්නේ කොහෙද..? අනික දිනෙන් දින සිදුවන මහා වන සංහාරයට කිසිදු රජයකින් පිළියම් නොගැනීමත් තවත් මුලික හේතුවක්. මෙයට පිළියම් සෙවීමට අප දැනටමත් බොහෝ ප්‍රමාදයි. අවම වශයෙන් දැන්වත් ඒ සදහා අවශ්‍ය පියවර ගන්නේ නම් ඉදිරියේ ඇති වියහැකි දරුණු නියං තත්වයන්ට මුහුණ දීමට යම් පමණකින් හෝ අපට හැකි වේවි.

:       0       14

Yas Friday, 10 April 2020 06:36 AM

මිනීකන ජාතිවාදීන්......

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 64 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 623 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 128 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site