(ඉන්දිකා රාමනායක)

කොටිකාවත්ත  මහබුත්ගමුවේ  පුද්ගලයකුට   කොරෝනා වයිරසය ආසාදනය වී ඇති බවට තහවුරු වීමෙන්  පසු  ඔහු ගේ   බිරිද හා දරුවන් තිදෙනා     අද (22)   නිරෝධායනය සදහා  මුලතිව්  නිරෝධායන මධ්‍යස්ථානයට යොමුකර  ඇත.
 
මෙම   නිවස  ආසන්නයේ  පිහිටි තවත් නිවාස 11 ක පිරිස  සිට ස්වයං නිරෝධායනයට යොමු කර ඇත.
 
ආසාදිත පුද්ගලයා    එළවළු ව්‍යාපාරිකයකු  බවත්   ඔහු ගේ මව  කෙසෙල්වත්ත බණ්ඩාරනායක මාවතේ පදිංචිව සිටින හෙයින්  ඔහු    ත්‍රිරෝද රථයකින් දිනපතා ගොස් එම ප‍්‍රදේශයේ   එළවළු අලෙවි කර ඇති බව ට තොරතුරු ලැබුණ බව ගොතටුව පරිපාලන මහජන සෞඛ්‍ය පරීක්ෂක  නලීන් ෆෝන්සේකා මහතා පැවසීය.
 
මොහු ඇතුලූ කෙසෙල්වත්ත බණ්ඩාරනායක මාවතේ   පිරිස  පී.සී.ආර් පරීක්ෂණයට යොමු කිරීමෙන් පසු  මෙම පුද්ගලයාට කොරෝනා  ආසාදිත වී ඇති බවට අද  වාර්තා වු බවත් ඒ අනුව ඔහුගේ  බිරිඳට හා දරුවන් තිදෙනාට  වයිරසය ආසාදිත වී ඇති බවට සැකකරන හෙයින්  ඔවුන්  නිරෝධායනයට යොමුකළ බව   නලීන් ෆෝන්සේකා මහතා පැවසීය.