ඉන්දියාවේ බටහිර ප්රදේශයේ වීථි වලට එක්රැස්වූ දහස් ගනනක සංක්රමණික කම්කරුවන් විසිරුවා හැරීම සඳහා කඳුළු ගෑස් ප්රහාර එල්ල කර ඇතැයි වාර්තා වේ.
ඉන්දියාවේ බටහිර සුරත් නගරයේ රැස්ව සිටි පිරිසක් පොලිසිය සමග ගැටුම් ඇතිකරගැනීමෙන් පසු පොලිසියට ගල් මුල් වලින් දමාගැසූ බව බලධාරීහු පවසති.
පොලිසිය පවසන්නේ කලහකාරීව හැසිරුණු 93දෙනකු අත්අඩංගුවට ගත් බවයි.
කොරෝනා වයිරසය මැඩපැවැත්වීම සඳහා ඉන්දියානු රජය විසින් සති තුනක අගුලු දැමීමක් ප්රකාශයට පත්කිරීමත් සමග රැකියා අහිමිවූ විශාල පිරිසක් ගම්බිම් බලායාම සඳහා රැස්වී සිටි බව මාධ්ය වාර්තා කර තිබිණි.
මොවුහු දිල්ලි, මුම්බායි වැනි විශාල නගර වල සේවය කරන දුගී කම්කරුවන් වේ.
ගම්බද පෙදෙස් වල පිහිටි සිය නිවෙස් කරා යෑමට ප්රවාහන පහසුකම් නොමැති වීම හේතුවෙන් මොවුහු අසරණ වී සිටියහ.
බොහෝ දෙනකු කිලෝමීටර් ගනනාවක් දුර පයින් ගමන් කළ බව වාර්තා විය.
ඉන්දියාවේ මේ වනවිට කොරෝනා ආසාදිත රෝගීන් 1071ක් වාර්තා වී ඇති අතර 29 දෙනකු මියගොස් තිබේ.
ඉතාලිය හා චීනය සමග සසඳන විට ඉන්දියාවේ වාර්තා වී ඇත්තේ අඩු රෝගීන් සංඛ්යාවකි.
එසේ වුවද එරට සෞඛ්ය බලධාරීන් පවසන්නේ ඉදිරි සති කිහිපය වඩාත් අවදානම් බවයි.
ඉන්දියාවේ පවතින දුර්වල මහජන සෞඛය පද්ධතිය හේතුවෙන් ඉදිරියේදී රෝගීන් සංඛ්යාව විශාල වශයෙන් ඉහල යැමට ඉඩ ඇති බවටද ඔවුහු අනතුරු අඟවති.
(රොයිටර් පුවත් ඇසුරිණි - 085)
2025 දෙසැම්බර් මස 16
10
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
808
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
592
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
ඉන්දියාවේ රැකියා අහිමිවූ කම්කරුවන්ට කඳුලු ගෑස් ප්රහාර