අයර්ලන්තයේ මානව ශිෂ්ටාචාරය වසර 12500 ක් දක්වා  දිවයන බව වලස් අස්ථියකින් තහවුරු වී තිබේ.

ගල් ලෙනක තිබී හමු වූ මෙම අස්ථිය ගල් මේවලම් වලින් සිදු වූ බවට සැක කරන කැපුම් පාරවල් කිහිපයක් ඇතැයි ද විදෙස් මාධ්‍ය වාර්තා කරයි.

මින් පෙර අයර්ලන්තයේ ශිෂ්ටාචාරය වසර 10,000කට පමණක් සිමා වී තිබිණි.

නමුත් මෙම සොයාගැනීමත් සමග එම ඉතිහාසය වසර 2500කින් දීර්ග වනු ඇත.

මෙම   වලස් අස්ථිය ක්ලෙයාර් රටේ ගල් ගුහාවක නටබුන් අතර තිබී හමුවී ඇති අතර දැනට අයර්ලන්තයේ ජාතික කෞතුකාගාරයේ තැන්පත් කර තිබේ. එය හමුවී ඇත්තේ 1920 පමණ කාලයේදී වුවත් එය නිරීක්ෂණය කොට මෙම තොරතුරු අනාවරණය කරගෙන ඇත්තේ මෑතකදීය.

 ආචාර්ය මේරියන් කොව්ඩ්   2010 සිට කරන ලද පරීක්ෂණ වල ප්‍රතිපලයක් ලෙස එය අනාවරණය වී තිබේ.

එමෙන්ම මෙම සොයාගැනීම අයර්ලන්තයේ ශිෂ්ටාචාරයට නව පිටුවක් එක කරනු ඇතැයි කොව්ඩ්   පවසයි.