IMG-LOGO watawala

2024 මැයි මස 22 වන බදාදා


ආච්චි නිදාගත්තම මුණුබුරා හැඹිලියට විද ‘ආතල්’ අරන්

මිත්තනිය වියළි කරාබු නැටි විකුණාගත් රුපියල් 8 000 ක මුදල හැඹිලියේ  දමා චීත්ත පොටේ ගැට ගසා ගෙන නිදා සිටියදී එය සොරාගෙන ගොස් තරුණ පිරිසක් සමග මත්පැන් පානය කළ මුණුබුරෙකු පිළිබඳ පුවතක් කෑගල්ල ප්‍රදේශයේ ග්‍රාමයකින් ඉකුත් දා වාර්තා විය.


වාර්තා වන අන්දමට සිද්ධිය සැකෙවින් මෙසේය.


කෑගල්ල ප්‍රදේශයේ ගමක 82 හැවිරිදි වයෝවෘද්ධ කාන්තාවක් සිටින්නීය. ඇගේ සැමියා මීට වසර 15 ට පමණ ඉහතදී මිය ගොසිනි. එකම පිරිමි දරුවා කුරුණෑගල ප්‍රදේශයේ කාන්තාවක් විවාහ කරගෙන දරුවන් සමග කුරුණෑගල නිවසේ පදිංචිව සිටියි.


සිය මව මහ ගෙදර නිවසේ තනිවම පදිංචිව සිටින බවත් ඇයට යම් අසනීප තත්ත්වයක්වත් මතු වුණහොත් උදව් පදව් කිරීමට කිසිවෙකුත් නොමැති නිසා 21 හැවිරිදි මුනුබුරා මීට මාස දහයකට පමණ ඉහතදී මහ ගෙදර නිවසේ පදිංචි කළේය. ඔහු රැකියාවක් කළේ නැත.
මෙම තරුණයා වැඩි කලක් යන්නට පෙර ගමේ මත් ලෝලින් කිහිප දෙනෙකු ඇසුරු කර මත්පැන් පානය කිරීමට ද පුරුදු වූයේය. ඇතැම් අවස්ථා වලදී මත්පැන් පානය කිරීමට මිත්තනියගේ මුදල් සොරාගෙන යන මෙම තරුණයා ගැන ඇය මුණුපුරාගේ පියාට ප්‍රකාශ කර තිබුණේ ද නැත. 


මිත්තනිය තම කරාබු ගස් කිහිපයේ පළදාව ඉකුත් දින තම මුනුබුරා ලවා කඩවා ගත්තාය. කිලෝවකට රුපියල් 100 ගානේ මුණුපුරාට කල් තියා දුන්නේය.


වියළා ගත් කරාබු නැටි වලින් කොටසක් ඉකුත්දා පෙරවරුවේ මිත්තනිය ත්‍රිරෝද රථයකින් කෑගල්ල නගරයේ වෙළෙඳ සලකට රැගෙන ගොස් අලෙවි කළාය. එහිදී ඇය රුපියල් 12 000 ට ආසන්න මුදලක් ලබාගෙන රුපියල් 4 000 ට ආසන්න මුදලක් වැය කර නිවසට අවශ්‍ය එදිනෙදා කෑම බිම බඩු මුට්ටු ටිකක් ද රැගෙන ආවාය.


නිවසට පැමිණි මිත්තනිය අත ඉතිරි වු රුපියල් 8000 ක මුදල මුනුබුරා සොරාගෙන යතැයි ඇතිවු සැකය මත චීත්ත පොටේ ගැට ගසා ගෙන තේ කෝප්පයක් ද පානය කර මධ්‍යාහ්නයේ ඇදේ නින්දට වැටුණාය. මිත්තනිය කරාබු නැටි අලෙවි කළ බව දැන ගත් මුනුපුරා මිත්තනිය නින්දට වැටුණු අවස්ථාවේ දී මුදල් සෙව්වේය. අත් බෑගයේ මුදල් නොමැති බව දැන ගත් ඔහු නිදාගෙන සිටින මිත්තනියගේ චීත්තයේ පැත්තක යම් ගැටයක් ඇති බව පෙනුණි. හෙමින් චීත්තයේ ගැටය ලිහා එහි හැඹිලියේ තිබු රුපියල් 8000 ක මුදල ගෙන කඩදාසි කොළයක් නමා චීත්ත පොටේ ගැට ගසා තරුණයා නිවසින් එළියට පැන ගත්තේය.


මිත්තනිය පැය දෙක තුනකට ආසන්න කාලයක් නිදාගෙන සිට යළි අවදි වී රාත්‍රියට කෑම උයා පිහා ඇඟ පත සෝදා ගන්න ගිය අවස්ථාවේ දී චීත්ත පොටේ ගැටය විවෘත කළාය. ඇය හැඹිලියේ මුදල් වෙනුවට කඩදාසි කැබැල්ලක් හතරට පහට නවා ඇති අයුරු දුටුවාය. විමතියට පත් වු වයෝවෘද්ධ කාන්තාව මුණුපුරා රාත්‍රි මත්පැන් පානය කර පැමිණි අවස්ථාවේ දී චීත්ත පොටේ ගැට ගසා තිබු මුදල් පිළිබඳ විමසුවාය ,අනේ කිරි අම්මේ මම නම් ගත්තේ නෑ. මට බොරුවට නම් බනින්න එපා යැයි තරුණයා සිය මිත්තනියට ප්‍රකාශ කර ඇත්තේ වැනි වැනි බව ද වාර්තා වෙයි.


මෙම තරුණයා මිත්තනියගේ මුදල් සොරකම් කරගෙන ගොස් ගමේ තරුණයින් සිව් දෙනෙකු සමග මත්පැන් පාටියක් ප්‍රදේශයේ ගලක් මත දමා ඇති බව පසුව මිත්තනියට දැන ගන්නට ලැබුණි.

කෑගල්ල අධිකරණ චමින්ද වැවතැන්න

 



අදහස් (0)

ආච්චි නිදාගත්තම මුණුබුරා හැඹිලියට විද ‘ආතල්’ අරන්

ඔබේ අදහස් එවන්න

දෙයියෝ සාක්කි

කොටු පැනිල්ලෙන් පුත්‍රයාගේ කෙරුවාව හෙළිවෙලා
2024 මැයි මස 22 104 0

යුක්තියේ මෙහෙයුමෙන් දහහත් හැවිරිදි සිය පුත්‍රයාගේ තරම මවුපියන්ට දැනගන්නට හැකි වූ අපූරු කතාවක් අම්බලන්ගොඩ පොලිසියෙන් අසන්නට ලැබේ. එදා මධ්‍යම රාත්‍ර


කසිප්පු පෙව්වැයි ගනුන්ගෙන් අම්බානට ගුටි කාලා
2024 මැයි මස 21 638 0

මළ ගෙදරක් ආසන්නයේ ගලක් උඩ සිට ගමේ පිරිමින්ට කසිප්පු අලෙවි කළැයි කාන්තාවන් පිරිසක් එකතු වී පුද්ගලයකුට පහරදී ගල පල්ලට තල්ලු‍ කර ඇතැයි කියන සිද්ධියක් සම


තරු හෝටලේ සාදයට ගමේ බඩු දී හතර අතේ වැටිලා
2024 මැයි මස 20 826 1

අත දිගහැර වියදම් කොට මෙරට ප්‍රමුඛ පෙළේ හෝටලයක පැවැත්වූ සිය වැඩිමල් දරුවාගේ මංගල උත්සවයට පැමිණි හිතවතුන්ට විදේශීය රටක නිෂ්පාදනය කරන ලද උසස් තත්වයේ මත


තහනම් ගහේ ගෙඩි කඩන්න ගිහින් පෙම්වතියගේ අම්මාගේ උගුලට අහුවෙලා
2024 මැයි මස 18 1359 0

අනියම් පෙමක සම්බන්ධතාවක් ඇතිකර ගැනීමට ගිය අයකු පෙම්වතිය කියා ඇයගේ මව හමුවීමට යාමෙන් පෙම්වතාට සිදු වූ අකරතැබ්බයක් ඉබ්බාගමුව ප්‍රදේශයෙන් අසන්නට ලැබු


නෑගම් යද්දී පාර්සලය මාරුවී දෙලෝ රත්වෙලා
2024 මැයි මස 18 532 0

සිංහල අලු‍ත් අවුරුද්ද වෙනුවෙන් නෑගම් යාමේදී සීනි වෙනුවට සිමෙන්ති කිලෝ දෙකක් රැගෙන ගිය අපූරු කාන්තාවක පිළිබඳව දකුණු පළාතේ ලස්සන ගම්මානයකින් වාර්තා ව


පන්දහසක් පෙන්වා ත්‍රිරෝද රියැදුරාගේ 4500ට විදලා
2024 මැයි මස 18 313 0

රුපියල් 5000ක් පෙන්වා රුපියල් 4500ක් ත්‍රීරෝද රථ රියදුරකුගෙන් ගත් අපූරු හාදයන් දෙදෙනකු ගැන පුවතක් අම්බලන්ගොඩ නගරයෙන් අසන්නට ලැබේ. ත්‍රීරෝද රථ ගාලේ ඒ අවස්ථ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 857 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2403 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2063 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site