(ගම්පහ තිලකරත්න දිසානායක)
පියා සතු ගිනි අවිය තමන් නමට පවරා ගැනීම සඳහා ගම්පහ දිසාපති කාර්යාලයට පැමිණි පුද්ගලයකුට කාර්යාලයේ පැවැති ආගමික කටයුත්තක් නිසා සුළු වේලාවක් ප්රමාද වන බව දැන්වීමෙන් පසු කෝපයට පත්ව ආගමික කටයුතු සඳහා වැඩම කළ හිමියන්ගේ පාවහන් යුගල සොරාගෙන යාමේ පුවතක් ගම්පහ ප්රදේශයෙන් වාර්තාවෙයි.
ගම්පහට නුදුරු ප්රදේශයක පදිංචි පුද්ගලයකු වන මොහු තම පියා සතුව පැවති නිත්යනුකූල ගිනි අවිය තමන්ට පවරා ගැනීම සඳහා අවශ්ය සියලු ලිපි ලේඛන සකස්කර අවසන් අනුමැතිය ලබා ගැනීම සඳහා දිස්ත්රික් ලේකම් කාර්යාලයට පැමිණියේය.
කලින් යොදාගත් පරිදි එම ආයතනයේ එක් අංශයක ධර්ම දේශනාවක් පැවැත්වෙමින් තිබුණි. කාර්යාලයේ සියලු_ දෙනා ධර්ම දේශනයට සහභාගි වී සිටියහ.
ධර්ම දේශනය නිසා සුළු වේලාවක් කාර්යාලය අසල රැඳී සිටීමට සිදු වීම නිසා කෝපයට පත් මොහු ධර්ම දේශනයට වැඩම කළ හිමියන්ගේ පාවහන් යුවළ තමා හැඳසිටි කබායට දමාගෙන නිවස බලා පිටත් විය. ධර්ම දේශනය අවසන් වී ආපසු විහාරස්ථානයට වැඩම කිරීමට ආ භික්ෂූන් වහන්සේගේ පාවහන් යුගල අස්ථාන ගත වී තිබුණි. දිසාපති කාර්යාලයේ හැමෝම මෙම සිද්ධියෙන් අපහසුතාවට පත්ව සිටි අතර වහාම ක්රියාත්මක එහි ආරක්ෂක අංශය ආරක්ෂක කැමරා පරීක්ෂා කළේය. උන්වහන්සේගේ පාවහන් අතට ගත් කිසියම් පුද්ගලයකු එය තම කබායේ සඟවාගෙන යන අයුරු එහි පැහැදිලිව දිස්විය.
මේ කිසිවක් නොදන්න ආකාරයෙන් තමන්ගේ ගිනි අවියේ අවසන් අනුමැතිය ලබා ගැනීම සඳහා පසුදින ඔහු නැවතත් දිසාපති කාර්යාලයට පැමිණියේය.
පාවහන් පැහැරගෙනා යන පුද්ගලයාත් ගිනි අවියට අනුමැතිය ගැනීමට ආ පුද්ගලයාත් සමාන බව එහි ආරක්ෂක අංශයට ඒත්තු ගිය නිසා වහාම ඒ බව පොලිසිය දැන්වීය. පොලිසිය ඔහු අත්අඩංගුවට ගෙන කළ ප්රශ්න කිරීමේදී අනාවරණය වුයේ තමාට සිදුවු පමාව නිසා තමා එහි තිබූ පාවහන් යුගල රැගෙන ගිය බවයි.
මේ ආකාරයට හදිසි කෝපයකට පත්වන්නෙකුට ගිනි අවියක් ලබාදීම සුදුසු නොවන බවට තීරණය කළ බලධාරීන් පියා සතුව තිබු ගිනි අවිය පුතාට පැවරීම වෙනුවට රජයට පවරා ගැනීමට තීරණය කර පොලිසියට දැනුම්දී ඇත්තේ අවිය පොලිස් බාරයට ගන්නා ලෙසයි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිමිනමගේ පාවහන් උස්සලා අතේ තිබූදේත් නැතිකරගෙන
Asoka Jayasena Monday, 04 June 2018 10:02 AM
කාර්යාල තිබෙනුයේ ජනතාවට සේවය කිරීමට මිස කාර්යාල වේලාවන්හි බණ ඇසීමට නොවේ...