(ජී ඩබ්ලිව් කේ ප්රේමතිලක ද සිල්වා)
හබරාදුව තල්පෙ අත්තර ගොඩින් ඉකුත්දා සොයාගත් කොරෝනා ආසාදිත පුද්ගලයා සමීපව ඇසුරු කළ පුද්ගලයන් 32 ක් ඊයේ (14) පී.සී.ආර් පරීක්ෂණයට ලක්කළ බවත් ඒ සම්බන්ධයෙන් අද (15) නිකුත් වූ වාර්තා වලට අනුව ඔවුන් සියලු දෙනාම කොරෝනා ආසාදිතයන් නොවන බවට තහවුරු වූ බවත් හබරාදූව සෞඛ්ය වෛද්ය නිලධාරී වෛද්ය පමෝද් සිරිවර්ධන මහතා පැවසීය.
මෙම උපදේශකයාගේ මව සහ බිරිඳ ඇතුළු 16 දෙනෙක් කොරෝනා ආසාදිතයන් දැයි සොයා බැලීම සඳහා පරීක්ෂාවට ලක්කළ අතර එම පරීක්ෂණ වලට අනුව එම පිරිසද කොරෝනා ආසාදිතයන් නොවන බව තහවුරු වූ සෞඛ්ය වෛද්ය නිලධාරී වෛද්ය පමෝද් සිරිවර්ධන මහතා කීය.
කෙසේ වෙතත් මෙම පිරිස දෙවන වරටත් පි.සී.ආර් පරීක්ෂණයකට යොමු කිරීමට අදහස් කරන බවද වෛද්ය සිරිවර්ධන වැඩිදුරටත් කීය.
COMMENTS
කොරෝනා නැති වුණාට මේක මහා අවධානමක්... පාසල් ආරම්භ කිරීම තව ටිකක් කල් දමන්න. ටියුෂන් පන්ති නතර කරන්න අවශ්යතාවයක් නැහැ. ඒත් උපරිම ළමයි 100 කට සීමාකර දැඩි සෞඛ්ය ආරක්ෂිත ක්රමවේද අනුගමනය කරවන්න. ළමයි 500 ක් කියන්නේ එසේමෙසේ ගානක් නොවෙයි. මගුල් ගෙවල් 100 කට සීමා කරන්න. අපිට ජීවත් වෙන්න වෙලා තියෙන්නෙ මේ වයිරස් එකත් එක්ක බව අමතක කරන්න එපා. පොදු ප්රවාහනය ආසන ගාණට සීමා කරන්න. අඩු පොලියට ලීසිං පහසුකම් ලබා දෙන්න. ඉන්ධන හැකිතාක් අඩුවෙන් ලබාදෙන්න. අඩුම තරමින් පොදු ප්රවාහනයටවත් ජනතාවගේ ප්රශ්න වලට මැදිහත් වෙන්න. නැත්නම් ලොකු අවධානමකට මුහුණ දෙන්න වේවි... ඊට පෙර මේවා ගැන තීන්දු තීරණ ගන්න.