IMG-LOGO

2024 අප්‍රේල් මස 14 වන ඉරිදා


විදේශයන්හිදී ලංකාවේ 40ක් කොරෝනා වැළඳී මරුට

(විනීතා එම් ගමගේ)
 
රැකියා සඳහා විදේශගත වූවන් 40 දෙනෙකු ලොව විවිධ රටවල දී  කෝවිඞ්-19 වයිරසය වැළඳී මියගොස් ඇතැයි වාර්තා වූ බව ශ්‍රී ලංකා විදේශ සේවා නියුක්ති කාර්යංශයේ සභාපති කමල් රත්වත්තේ මහතා ප්‍රකාශ කළේය. මේ වනවිට 1800 කට අධික පිරිසකට එම වයිරසය වැළඳි ඇතැයි ද සභාපතිවරයා කීය.
 
කුවේට් හිදී 7 දෙනෙකු, සෞදි අරාබියේ දී 15 දෙනෙකු, ඩුබායි හිදී 9 දෙනෙකු, ඕමානයේ දී හා කටාර් හි දී දෙදෙනා බැගින් හා ලෙබනනයේ දී එක් අයෙකු වශයෙන් මිය ගොස් ඇතැයි රත්වත්තේ මහතා පැවැසීය. මේ පිරිස අතර කාන්තාවන් දෙදෙනෙකු වන බව ද ඔහු කියා සිටියේය.
 
මිය ගිය කිසිවෙකුගේ මෘත ශරීර මෙරටට ගෙන්වා නොගත් අතර ලෝක සෞඛ්‍ය සංවිධානයේ නිරෝධායන නීතීන්ට අනුව ඒ ඒ රටවල දී සිදුකළ බව ද රත්වත්තේ මහතා පැවැසීය.
 
සාමාන්‍යයෙන් විදේශයක දී විගමණික ශ්‍රමිකයෙකු මියගිය අවස්ථාවක දේහය මෙරටට ගෙන්වාගැනීමෙන් පසු අවසන් කටයුතු කිරීම සඳහා කාර්යංශයේ සුභසාධක අරමුදලින් ලබා දෙන රුපියල් 30,000 ක ආධාරය මෙසේ කොරෝනා රෝගයෙන් මිය ගිය අයගේ පවුල්වලටත් ලබා දීමට කාර්යංශය තීරණය කළ බව ද ඔහු කියා සිටියේය.
 
ඒ සමගම එම පවුල්වලට තවත් රුපියල් දස දහසක් ලබාදෙන බවත් ඔවුන් වෙනුවෙන් රක්ෂණයෙන් මුදල් ගෙවන තුරු සහනයක් ලෙස මෙම ආධාරය ලබා දෙන බවද හෙතෙම තවදුරටත් කියා සිටියේය. 
විදේශ ගත වන ශ්‍රී ලාංකිකයන් ආවරණය කරන මෙම රක්ෂනාවරණයෙන් 2020 මාර්තු 16 ට පෙර විදේශ ගතවූ මියගිය පුද්ගලයින් වෙනුවෙන් රුපියල් පන් ලක්ෂයක රක්ෂාවරණයක් ද 2020 මාර්තු 16 න්  පසුව විදේශ ගතවූ ශ්‍රී ලාංකිකයන් වෙනුවෙන් රුපියල් ලක්ෂ හයක් ද ගෙවනු ලබන බවත් ඒවා ලබා දීමට තවත් මාසයක් පමණ කල් ගත වන බැවින් මෙසේ සුභ සාධක අරමුදලින් මුදල් ගෙවීමට කාර්යංශයේ අධ්‍යක්ෂ මණ්ඩලය රැස්වූ අවස්ථාවේ තීරණය කළ බවත් ඔහු කියා සිටියේය.
 
එම රක්ෂණයෙන් ප්‍රතිලාභ ලබා ගැනීම සඳහා මරණ සහතිකය ඇතුළු ලියකියවිලි ඉදිරිපත් කළ යුතු යැයි ද එසේ අයදුම්පත් ඉදිරිපත් කර ඇත්තේ මෙම හතලිස් දෙනාගෙන් දහදෙනෙකු  පමණක් යැයි ද සභාපතිවරයා කීය.
 
කමල් රත්වත්තේ මහතා මේ අදහස් පල කළේ ශ්‍රී ලංකා විදේශ සේවා නියුක්ති කාර්යංශයේ අද (16) පැවති ගිවිසුම් අස්සන් කිරීමක දී මාධ්‍යයට කරුණු දක්වමිනි. ශ්‍රී ලංකා රක්ෂණ සංස්ථාව හා ශ්‍රී ලංකා විදේශ සේවා නියුක්ති කාර්යංශය අතර සහන රක්ෂණය පිළිබඳ ගිවිසුම අස්සන් කිරීම එහි දී සිදුවිය.



අදහස් (7)

විදේශයන්හිදී ලංකාවේ 40ක් කොරෝනා වැළඳී මරුට

de silva Thursday, 16 July 2020 09:00 AM

මේ මිනිසුන්ගේ ජීවිත දැනට මාස 2-3කට කලින් ලංකාවට ගෙනැල්ලා වහලා තිබෙන පාසලක හරි දමලා, බත් සමග පොල්සම්බෝල හරි දීලා නිරෝධායනය කළා නම් බේරාගන්න තිබුණා.

:       101       467

පූජාThursday, 16 July 2020 09:24 AM

සිල්වා මහත්මයා මම නිතරම මේ පිටුවෙන් දකිනවා. ඔබ මේ අහිංසක පුරවැසියන් වෙනුවෙන් හඬක් නඟන බව.. මේ මියගිය සහෝදර පිරිස ගැන මටත් විශාල වේදනාවක් හිතට දැනෙනවා.

:       19       114

පූජාThursday, 16 July 2020 09:24 AM

සිල්වා, මහත්මයා මම නිතරම මේ පිටුවෙන් දකිනවා, ඔබ මේ අහිංසක පුරවැසියන් වෙනුවෙන් හඬක් නඟන බව.. මේ මියගිය සහෝදර පිරිස ගැන මටත් විශාල වේදනාවක් හිතට දැනෙනවා.

:       2       22

pathirana Thursday, 16 July 2020 09:11 AM

මේ මරණවලට විදේශ ශ්‍රමිකයෝ ලංකාවට ගෙන්න ගන්න, නොගන්න ඔක්කොම වගකිව යුතුයි.

:       65       159

de silva Thursday, 16 July 2020 09:15 AM

මැදපෙරදිග ජීවත්වන ශ්‍රී ලාංකිකයන්ට පිටුපාන්න එපා. එහෙ ඔවුන් ජීවත්වන අනාථ කඳවුරු තුළ ලෙඩරෝග පැතිරීම ඉතා වැඩිය.

:       0       38

kkp Thursday, 16 July 2020 11:24 AM

පිටරට අසරණ වෙලා ඉන්න මිනිස්සු ටිකත් ගෙන්නගන්නකෝ දැන්... ජනරැළි තියලා විතරක් මදි. කාලකන්නි.. බලපුවාම පේනවා මේවා බලන මිනිස්සු කොච්චර ආත්මාර්ථකාමීද කියලා...

:       3       109

සමිත Thursday, 16 July 2020 12:55 PM

බලයේ ඉන්න අය විපක්ෂයේ උන්නා නම් බලන්න තිබුණා මළමිනී විකුණාගෙන ඡන්දෙ හිඟාකන හැටි. ඕනකමක් තිබුණා නම් මේ ශ්‍රමිකයින් ලංකාවට ගෙන්න ගන්න තිබුණා. වගකීමක් ඇති අයම වගකීම් පැහැරහරිමින් වැඩකරනවා නම් සාමාන්‍ය ජනතාවට කාගේ පිහිටක්ද...?

:       1       138

ඔබේ අදහස් එවන්න

Covid19

අ’පුරෙන් කොරෝනා මරණයක්
2023 දෙසැම්බර් මස 29 1137 1

කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.


අලුත්ම කොවිඩ් 19 ප්‍රභේදය: ’එරිස්’
2023 අගෝස්තු මස 07 2769 0

නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.


කොවිඩ් අවදානම නැවතත්
2023 මැයි මස 01 933 1

කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.


කොවිඩ් මරණ තවත් 5 ක්
2022 අගෝස්තු මස 29 715 1

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.


කොවිඩ් ආසාදිතයන් 114 ක්
2022 අගෝස්තු මස 25 925 0

‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.


කොවිඩ් මරණ තවත් 4 ක්
2022 අගෝස්තු මස 23 800 0

‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (23) පස්වරුවේ තහවුරු කළේය.


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 114 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1362 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1312 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site