(ශාන්ත චන්ද්‍රසිරි)

කොරෝනා ආසාදිත වු ආගරපතන ප්‍රාදේශීය සභාවේ සභාපතිවරයා පැමිණීම හේතුවෙන් වසා දමා තිබු තලවකැලේ- ලිඳුල නගර සභාවේ කටයුතු සාමාන්‍ය පරිදි අද (22) සිට සිදුකර ගෙන යාමට පියවර ගෙන ඇතැයි තලවකැලේ- ලිඳුල නගර සභාවේ සභාපති එල්. භාරතිදාසන් මහතා පැවැසීය.

පසුගිය 19 දින තලවකැලේ ලිඳුල නගර සභාවේ පැවැති රැස්වීමකට ආගරපතන ප්‍රාදේශීය සභාවේ සභාපතිවරයා පැමිණි බවත් පසුව ඔහු කොරෝනා ආසාදිතයෙකු බවට හඳුනා ගැනීම නිසා ඊයේ (21) දින නගර සභාව වසා දැමීමට පියවර ගෙන තිබූ බවද ඒ මහතා කීය.

නගර සභාවේ කටයුතු සාමාන්‍ය පරිදි සිදු කරගෙන යාමට පියවර ගෙන ඇති බවත් එම රැස්වීමට පැමිණි ආසාදිත  සභාපතිවරයා සමීපතව ඇසුරු කරන ලද පුද්ගලයන් ස්වයං නිරෝධනයට යොමු විය යුතු බවත් ඒ අනුව තමා දැනට ස්වයං නිරෝධායනට ලක්ව සිටින බවත් ඒ මහතා වැඩිදුරටත් පැවැසීය.