(රංජිත් රාජපක්ෂ)                                                                       
 
තලවකැලේ ලිදුල නගර සභාවේ සභාපතිවරයා , ලේකම්වරයා , එම නගර සභාවේ සේවකයින් 10 දෙනෙකු සහ ප්‍රාදේශිය මාධ්‍යවේදින් දෙදෙනෙකු (22) දින ස්වයං නිරෝධානයට යොමු කළ බව කොටගල සෞඛ්‍යය වෛද්‍යය නිලධාරි එම්.ගනේෂ් මහතා පැවසිය.

කොවිඩ් 19 වයිරසය අසාදනය වු ආගරපතන ප්‍රාදේශිය සභාවේ සභාපතිවරයා එම නගර සභාවේ ඉකුත් 19 දින පැවති දේශපාලන රැස්විමකට සහභාගි විම නිසා එම සභාපතිවරයාගේ ළගම ආශ්‍රිතයන් මෙසේ ස්වයං නිරෝධානයට යොමු කල බවත් , ස්වයං නිරෝධානයට යොමු කල පිරිසගේ පි.සි.ආර් පරික්ෂණ වාර්තාවක් ඉදිරියේදි ලබා ගන්නා බව සෞඛ්‍යය වෛද්‍යය නිලධාරිවරයා කියා සිටියේය.

මේ අතර කොවිඩ් 19 වයිසරය අසාදනය වු ආගරපතන ප්‍රාදේශිය සභාවේ සභාපතිවරයා ඉකුත් 17 දින මහනුවර පොල්ගොල්ල ප්‍රදේශයේ පැවති දේශපාලන ප්‍රභුවරයෙකු සහභාගි වු රැස්විමකටද සහභාගි වි ඇති අතර , එම රැස්විමට සහභාගි වු නුවරඑලිය , කොටගල , අඹගමුව , නොර්වුඩ් , මස්කෙලිය යන ප්‍රාදේශිය සභාවල සභාපතිවරුන් සහ  තලවකැලේ ලිදුල , හැටන් දික්ඔය යන නගර සභාවල සභාපතිවරුන් ද ඔහුන් පදිංචි ප්‍රදේශවල සෞඛ්‍යය වෛද්‍යය නිලධාරින් විසින් ස්වයං නිරෝධානයට යොමු කර ඇත.

කොවිඩ් 19 වෛරසය අසාදනය වු ආගරපතන ප්‍රාදේශිය සභාවේ සභාපතිවරයා ස්වයං නිරෝධානයට යොමු කර ඇති ප්‍රාදේශිය සභා සහ නගර සභා සභාපතිවරුන් අවස්තා දෙකකදි ළගම ආශ්‍රිතයන් වි ඇත.

එම පිරිසට අමතරව අමාත්‍යය සි.බි.රත්නායක , රාජ්‍යය අමාත්‍යය ජිවන් තොණ්ඩමන් , නුවරඑලිය දිස්ත්‍රික් පා.ම වරුන් වන මරුදපාණ්ඩි රමේෂ්වරන් , නිමල් පියතිස්ස , නාගරික සංවර්ධන අධිකාරියේ සභාපති හර්ෂාන් ද සිල්වා යන මහතුන්ද ඔහුන් පදිංචි බල ප්‍රදේශයේ සෞඛ්‍යය වෛද්‍යය නිලධාරින් විසින් ස්වයං නිරෝධානයට යොමු කිරිමට කටයුතු කර ඇත.