(තුසිත කුමාර ද සිල්වා)

බේරුවල ප්‍රාදේශීය සභාවේ මන්ත්‍රීවරයකු කොවිඩ් 19 ආසාදිතයකු බවට සෞඛ්‍ය අංශ තහවුරු කරගෙන ඇතැයි බේරුවල ප්‍රාදේශීය සභාවේ සභාපති මේනක විමලරත්න මහතා බේරුවල කරුණාසේන පුරනිවසේ දී පැවසීය.

කොරෝනා ආසාදනය වී ඇත්තේ, දර්ගා නගරයේ පදිංචි මන්ත්‍රීවරයෙකුටය.

මේ හේතුවෙන් තමාද, තම රියදුරා හා තවත් ප්‍රාදේශීය සභාවේ මන්ත්‍රීවරයකු ද අද (24) සිට නිරෝධායනය වන බව සභාපතිවරයා සඳහන් කළේය.

කොවිඩ් ආසාදිත ප්‍රාදේශීය සභා මන්ත්‍රීවරයා පැමිණි බව කියන බේරුවල ප්‍රාදේශීය සභාවේ දර්ගානගරය උපකාර්යාලය ද දෙසැම්බර් 07වැනි දින තෙක් වසා තබන බවට නිවේදනය කර ඇතැයි ද හෙතෙම පැවසීය.