(රංජිත් රාජපක්ෂ)

නිරෝධායන උපදෙස්වලට පටහැනිව හැටන් නගරයේ බාහිර පන්තියක් පවත්වාගෙන ගිය ගුරුවරියක අධිකරණය හමුවේ වරද පිළිගත් නිසා දැඩි ලෙස අවවාද කර රජයේ ගාස්තු වශයෙන් රුපියල් 1000ක දඩ මුදලක් ගෙවන ලෙස අද(08) දින හැටන් දිසා විනිසුරු සහ මහෙස්ත්‍රාත් ජේ.ට්‍රොස්කි මහතා නියෝග කළේය.
 
ඇය හැටන් දුඹුරුගිරිය පාරේ ආගමික ස්ථානයක ළමුන් 50 ක් පමණ සහභාගි කරගෙන නිරෝධායන නීතිවලට පටහැනිව බාහිර උපකාරක පන්තියක් පවත්වාගෙන ගොස් තිබිනි.
 
හැටන් දික්ඔය නගර සභාවේ මහජන සෞඛ්‍යය පරීක්ෂක ආර්.ආර්.එස්.මැදවෙල මහතා වෙත ලද තොරතුරක් මත මහජන සෞක්‍යය පරීක්ෂකවරයා අද(08) එම ස්ථානයට ගොස් පන්තියට සහභාගි වී සිටි ළමුන් සියලු දෙනා නිවාස වෙත යොමු කර ගුරුවරිය අධිකරණය හමුවට ඉදිරිපත් කර ඇත.