(හර්ෂණ තුෂාර සිල්වා)
‘කොවිඩ්-19’ වයිරසයෙන් සිදුව තිබෙන බලපෑම අඩු කිරීම සඳහා යුරෝපා සංගමය ශ්රී ලංකාවට යූරෝ මිලියන දෙකක මූල්ය ආධාරයක් කර තිබේ.
එම මූල්ය ආධාරයෙන් ලෝක සෞඛ්ය සංවිධානයේ ශ්රී ලංකා කාර්යාලය ‘කොවිඩ්-19’ වයිරස වසංගතයෙන් සිදුව ඇති බලපෑම අවම කිරීම සඳහා ශ්රී ලංකාවේ හදිසි ප්රතිචාර ධාරිතාව (හදිසි ප්රතිචාර දැක්වීමේ හැකියාව) වැඩි දියුණු කිරීමට උපකාරී වේ.
‘කොවිඩ්-19’ රෝගී ප්රතිකාර සේවාවල ඵලදායීතාව ඉහළ නැංවීම, ආසාදන වැළැක්වීම ඇතුළු ප්රධාන අංශ කිහිපයක් කෙරෙහි මෙහිදි අවධානය යොමු කෙරේ. රෝගී ප්රතිකාර සේවා පද්ධති සංවර්ධනය කිරීමෙන් වඩා හොඳින් සැලසුම් කිරීම, සම්බන්ධීකරණය හා තීරණය ගැනීමේ හැකියාව ලැබෙනු ඇතැයි ද යුරෝපා සංගමය සහ ලෝක සෞඛ්ය සංවිධානයේ කොළඹ කාර්යාලය සඳහන් කරයි.
මීට අමතරව මූල්යාධාරයේ ප්රධාන අංගයක් වන සෞඛ්ය සේවාවේ දුරස්ථ ඉගෙනුම් පද්ධති දියුණු කිරීම, අනාගතයේදී මෙවැනි හදිසි අවස්ථාවලට ප්රතිචාර දැක්වීමට සෞඛ්ය පද්ධතියේ හැකියාව තිරසර ලෙස වැඩි කිරීමට කෙරෙහි ද මෙහිදි අවධානය යොමු කර තිබේ.
එම නිවේදනයේ මෙසේ ද සඳහන් වේ.
COMMENTS
ආධාර නම් ලැබෙනවා. ඒවගෙන් කෙරුණු දෙයක් නම් පේන්න නැහැ.
නැණවත් ලෙස ප්රයෝජනයට ගන්න.
එකතු කරපු සල්ලිත් තවම කොරෝනාවලට වියදම් කරන්නේ නැතිව ඉන්නවා. මෙකත් සුනාමි සල්ලි ගිය තැනටම යයිද දන්නේ නැහැ. එහෙම කාලකණ්ණිනේ ඉන්නේ අපේ රටෙ....
ණයටද? පිනටද? අර ගෙවල් හදන්න ණයක් ගත්තාම අපෙන් පොලියත් අයකර ගෙන අහවල් බැංකුවෙ අනුග්රහයෙන් කියලා අපි කිව්වම බෝඩ් එකකුත් ගස්සවා ගන්නවා වගේ නෙමෙයිනේ.
ඔය සල්ලි වලින් ධම්මික පැණිය නිෂ්පාදනය වැඩි කරන්න පියවර ගන්න.
එකෙනුත් ගාණක් අප්පච්චිලා ගහයි...
මෙවා අධිරාජ්යවාදී කුමන්ත්රණ....
අනිවාර්යයෙන්ම.. නමුත් බැංකුව වගේ එකපාරට සුද්ද කරන එකක් නැහැ. ඔය ආධාර ලැබිලා තියෙන්නේ මහත්තයාගේ වියදමට...