IMG-LOGO

ඕක්ලන්ඩ් නුවරට අගුළු දමයි

 

‘කොවිඩ්-19’ හෙවත් නව කොරෝනා වයිරස ආසාදිතයන් තිදෙනකු හමු වීමත් සමඟ නවසීලන්තයේ විශාලතම නගරය වන ඕක්ලන්ඩ් නගරයට අගුළු දැමීමට එරට අග්‍රාමාත්‍ය ජසින්ඩා ආඩෙන් අද (14) පියවර ගත්තාය.

නවසීලන්තය මාස හයකට පසු අගුළු දැමීම හෙවත් ‘ලොක්ඩවුන්’ සීමා පැනවූ පළමු අවස්ථාව මෙය විය. ලක්ෂ පනහකට ආසන්න පිරිසක් ජීවත් වෙන නවසීලන්තයෙන් වාර්තා වන නව කොරෝනා වයිරස ආසාදිත මරණ ගණන 25 කි.

නව කොරෝනා වයිරසය ඉතා හොඳින් පාලනය කළ රටක් ලෙස නවසීලන්තය ලොව පුරා පිළිගැනීමට ලක්විය.

මෙම නව සීමා සමඟ තෙවැනි මට්ටමේ ලොක්ඩවුන් සීමා ක්‍රියාත්මක වන අතර අද (14) රාත්‍රියේ සිට එම සීමා ක්‍රියාත්මක වේ. එම සීමාවලට අනුව අත්‍යවශ්‍ය සේවා හැර පාසල් සහ ව්‍යාපාර ආදී සියල්ල වසා දැමේ.

‘‘ඕක්ලන්ඩ් වැසියන්ගෙන් අපි ඉල්ලන එක දෙයක් තියෙනවා. ගෙදරට වෙලා ඉන්න. වයිරසය පැතිර යෑම නතර කරන්න’’ යැයි ආඩෙන් ප්‍රකාශ කළාය.

‘‘මේ පැතිර යන්නේ යන්නේ සම්ප්‍රේෂණය වැඩි විකෘති ප්‍රභේදයක් වෙන්න පුළුවන්. ඒ නිසා අපි ලොක්ඩවුන් සීමා පනවනවා. පැතිර යෑම වැඩි ප්‍රභේදයක් නම් අපට දැඩි විමසිල්ලෙන් ඉන්න වෙනවා’’ යැයි ද ඇය කීවාය.

ඕක්ලන්ඩ් නුවර එකම පවුලකට තිදෙනකුට මෙලෙස නව කොරෝනා වයිරසය ආසාදනය වී තිබෙන අතර ඔවුන්ට ආසාදනය වී ඇත්තේ සම්ප්‍රේෂණය වැඩි නව සහ විකෘති ප්‍රභේදයක් යන්න සොයාබැලීමට නවසීලන්ත සෞඛ්‍ය බලධාරීහු අද පියවර ගත්හ. ඔවුන් තිදෙනාට වයිරසය ආසාදනය වූ මූලාශ්‍රය කුමක්ද යන්න අද පස්වරු වනවිටත් අනාවරණය වී නොතිබිණි.

ඕක්ලන්ඩ් නුවර නවසීලන්තයේ ඉතිරි නගරවලින් වටවී තිබෙන්නකි. මේ නිසා අනෙකුත් නගර සහ මෙට්‍රෝ නගරවල සිටි ඕක්ලන්ඩ් නුවරට ගමන් කිරීමද ඉදිරි දින තුන සඳහා දැඩි ලෙස සීමා කරන බව නවසීලන්ත බලධාරීහු කීහ.

රටේ ඉතිරි කොටස් නව කොරෝනා වයිරසයේ දෙවැනි අවදානම් මට්ටමට යටත් වන බවත් ජනතාව පොදු ප්‍රවාහනයේදී මුඛ ආවරණ පැලඳිය යුතු බවත් එක් අවස්ථාවකට රැස්විය හැකි උපරිම ගණන 100 ක් බවත් ජසින්ඩා ආඩෙන් කීවාය.

(ඒ.එෆ්.පී.)

055



අදහස් (1)

ඕක්ලන්ඩ් නුවරට අගුළු දමයි

sachith Sunday, 14 February 2021 12:52 PM

මෙන්න මෙහෙමයි හරියට වයිරසයක් පාලනය කරන්නේ.. නැතිව තාම සමාජගත වෙලා නැහැ කියලා යිලා කිය කිය ඉන්නේ නැතිව.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 264 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 792 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1205 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site