(හිරාන් ප්‍රියංකර ජයසිංහ)
 
ආණමඩුව ආඬිගම පුනවිටිය ඇතුළු ගම්මාන කිපයකට  අද(7)  දහවල් සිට ජනතාව ඇතුළු විම හා පිටවිම සිමා කළ බව පල්ලම සෞඛ්‍ය වෛද්‍ය නිළධාරි කාර්යාලය පවසයි.
 
කටුනායක ගුවන් තොටුපලේ සේවය කරනු ලබන 23 හැවිරිදි තරුණයකු කොරෝනා ආසාධිතයකු බවට තහවුරු විම හේතුවෙන් මෙම සීමාව පනවා තිබේ.
 
මෙම කොරෝනා ආසාදිත තරුණයා ආඩිගම පුනවිටිය ගම්මානයේ පදිංචි කරුවෙකි.
 
අදාල ආසාදිතයා නිවාඩු ලබා නිවසට පැමිණ  සිටියදී  රෝග ලක්ෂණ  මතු කිරිමත් සමඟ රෝහල්ගත කිරිමේන් පසුව පි.සි.ආර්.පරික්ෂණ වලින් අනතුරුව තහවුරු කර ගත් බව සෞඛ්‍ය අංශ තහවුරු කරයි .
 
මෙම ආසාදිත තරුණයා ඇසුරු කළ පදිංචි නිවසේ සිව් දෙනෙකු ඇතුළු තවත් 40 කට ආසන්න පිරිසක් 7 දින සිට  නිවාස 14 ක් තුළ ස්වං නිරෝධායනයට ලක් කිරිමට පල්ලම සෞඛ්‍ය වෛද්‍ය නිළධාරින් විසින් කටයුතු කර තිබුණි.
 
මේ සමගම අදාල ප්‍රදේශ වල ජනතාව දැනුවත් කරමින් සෞඛ්‍ය ආරක්ෂීත ක්‍රම වලට යොමු කිරිමට ද මහජන සෞඛ්‍ය පරික්ෂක වරුන් සේම ආණමඩුව ප්‍රාදේශීය සභාව කටයුතු කර තිබුනී.

 මෙයට අමතරව ආඩිගම නගරයේ සිට මහකුඹුක්කඩවල නගරය දක්වා දිවෙන මාර්ගයේ ගමනා ගමන කටයුතු සිමා කිරිමට ආණමඩුව පොලිසිය කටයුතු කර තිබුනී.
ඒ අනුව පුනවිටිය , සියඹළගස්වැව , මහකුඹුක්කඩවල ඇතුළු ප්‍රදේශ වලට පිටතින් පැමිනේන පිරිස් මෙම ප්‍රදේශවලට ඇතුල්විම පොලිසිය වලක්වා තිබුනේ ජනතාවගේ සෞඛ්‍ය ආරක්ෂාව තහවුරු කරමිනි.