IMG-LOGO

2024 ජුනි මස 17 වන සඳුදා


බුදුන් වහන්සේ වදාළ පරිසර රක්ෂණය

‘‘පරිසර සංරක්ෂණයේදී අද ශ්‍රී ලංකාව මුහුණ දී සිටින බරපතළම අභියෝගය සිදුවන මහා වන විනාශයයි. අපේ රටේ මේ වනවිට තියෙන වන ඝනත්වය සියයට 28යි. මේ වන ඝනත්වය සෑම වසරකම සියයට එකයි දශම පහකින් අඩු වෙනවා’’.

වන සංහාරය කෙරෙන තරම ගැන ඒ තොරතුරු රටට අනාවරණය කරනු ලැබුවේ රටේ පරිසර අමාත්‍යවරයා මෙන්ම ප්‍රධාන පුරවැසියා ද වන ජනාධිපතිවරයා විසිනි. එ් මහතා ඒ බව හෙළි කළේ 2019 පෙබරවාරි 14 වැනිදා අනුරාධපුර සල්ගාදු ක්‍රීඩාංගණයේ පැවැති අනුරාධපුර දිස්ත්‍රික් පරිසර සමුළුව අමතමිනි. ජනාධිපතිවරයා ඒ සමුළුව අමතමින් කළ කතාව පෙබරවාරි 16 වැනිදා ලංකාදීපයේ පළ විය.

මෙරට කාලගුණික හා දේශගුණික විපර්යාස පිළිබඳ බරපතළ කරුණු ඇතුළත් වාර්තාවක් එක්සත් ජාතීන්ගේ සංවිධානය මගින් මෑතකදී නිකුත් කෙරිණි. ඒ වාර්තාවෙන් අනාවරණය කර ඇත්තේ කාලගුණික හා දේශගුණික විපර්යාස අතින් බරපතළ තත්ත්වයක් උදාවන ලොව දෙවැනි රට ලංකාව වන බවයි. එනම් බරපතළකමින් දෙවැනි තැන ශ්‍රී ලංකාවට හිමි වන බවය. 

ජනාධිපතිවරයා අනුරාධපුරයේදී කී හැටියට මේ වන සංහාරයට බරපතළ ප්‍රශ්නයක්ව තිබෙන්නේ දම්වැල් කියත් හෙවත් චේන්ෂෝ ය. එහෙයින් ඒවා ළඟම පොලිසියේ ලියාපදිංචි කළ යුතු බවට තමා නීතියක් පැනවූ බව ද ජනාධිපතිවරයා කියයි. එය මින් පෙර කිසිදු ආණ්ඩුවක් නොගත් රැඩිකල් තීන්දුවක් බව ජනාධිපතිවරයාගේ අදහසයි. දම්වැල් කියත්වලින් සිදුවන වන සංහාරය ඉතා බරපතළ හෙයින් ඒවා මෙරටට ගෙන්වීම නතර කිරීම තම බලාපොරොත්තුව වන බව ද ජනාධිපතිවරයා අනුරාධපුරයේදී පැවසුවේය. පරිසර සංරක්ෂණය සඳහා මේ අයුරින්ම ඇස්බැස්ටස් තහනම් කිරීමට ද ජනාධිපතිවරයා මුලපිරූ බව රටේ ජනතාවට මතක ඇතිවා නිසැකය.
ඉහළ යන පරිසර සංහාරයෙන් අත්පත් කරගත හැකි ප්‍රබලතම ප්‍රතිඵලය දුගී භාවය බව ජනාධිපතිවරයා ද පිළිගනියි. ගහ කොළ වැනසීමෙන් නියඟයත් ඒ නියඟය හේතුවෙන් අහේනියත් උදාවෙන බව ජනපති පිළිගනියි.

ජනාධිපතිවරයාගේ ඒ ස්ථාවරය, නිගමනය සහ තක්සේරුව නිවැරැදි බව ඉහ මොළ සහ සිහි බුද්ධිය තිබෙන කාටත් පිළිගත හැකි බව අවිවාදිතය. තුරුලතා වනසන්නන් සහ වනසන රටවල් දුප්පත් වන්නේ ආර්ථික වශයෙන් පමණක් නොව ආධ්‍යාත්මිකව ද ඔවුහු දුප්පත් වෙති. තුරුලතා වවන්නෝ ආර්ථික වශයෙන් සේම ආධ්‍යාත්මික වශයෙන් ද පොහොසත් වෙති. මක් නිසාද යත් එය මිහිකත සනසන අපූර්ව පින්කමක් වන බැවිනි. සොබා දහමේ පවතින දාන සහ ප්‍රතිග්‍රහණ (give and take) රීතිය මත තුරුලතා වවන්නෝ එලොවත් මෙලොවත් සැනසෙති. ඒ ‘‘යා දිසං වපතේ බීජං තාදිසං හරතේ ඵලං’’ තමන් නෙළාගන්නේ වපුරන දේය යන බුදු දහමට ද අනුකූලවය. තුරුලතා වැවීම සොබා දහමට කරන සත්කාරයකි. එලෙස සත්කාර කරන්නන්ට සොබා දහම ද පෙරළා කෘතගුණ සලකයි. ඒ බව බුද්ධ දේශනාවේද සඳහන් වෙයි.

සංයුක්ත නිකායේ ආදිත්ත වග්ගයේ එන වනරෝප සූත්‍රය ඊට කදිම නිදසුනකි. එහි සඳහන් අන්දමට දේවතාවෙක් බුදු පියාණන් කරා එළඹ මෙසේ අසයි.

‘‘දහවලුත් රාත්‍රියේත් හැමවිටම පින් වැඩෙන්නේ කාගේද? සුගතියට යන දහම කුමක්ද? එහි පිහිටියෝ කවරහුද? සිල්වත්තු නම් කවරහුද?

දේවතාවාගේ ඒ ප්‍රශ්නවලට බුදු පියාණෝ මෙසේ පිළිතුරු දෙති.

‘‘ආරාම රෝපා වන රෝපා  - යේ ජනා සේතු කාරකා
පපඤ්ච - උදපානඤ්ච      - යේ දදන්ති උපස්සයං’’

මතු දැක්වෙන්නේ ඒ බුද්ධ දේශනාවේ තේරුමයි.

යමෙක් අනුන්ට වැඩ පිණිස මල් වතු, පලතුරු වතු, උයන් වතු වවන්නෝ ද ලී දඬුවලින් ප්‍රයෝජන ගන්නා පුද්ගලයන් සහ මුව ගෝන ආදී වන සතුන්ට නිරුපද්‍රිතව වාසය කිරීම සඳහා මහ ගස්වැල් සහිත වන ලැහැබ් වවන්නෝ ද ඒදඬු පාලම් ආදිය කරවන්නෝද පැන්හල් වැව් පොකුණු කරවන්නෝ ද වාසස්ථාන පිළියෙල කොට දෙන්නෝද ඔවුහු දහමේ පිහිටි සිල්වත්හු වන්නාහ. දිවා රෑ දෙකෙහිම පින් වැඩෙන්නේ ඔවුන්ගේය. මරණින් මතු දෙව්ලොව යන්නෝ ද ඔවුහුමය.

මේ බුදු දහමට අනුව තුරුලතා වැවීම සිල් රැකීමකි, දහමෙහි පිහිටීමකි. දහම විසින් රකිනු ලබන්නේ දැහැමියා ය. (ධම්මෝ හවේ රක්ඛති ධම්මචාරී) පරිසර හා වන සංරක්ෂණය පිළිබඳ මෙය කොතරම් උතුම් දහමක්ද?

ප්‍රජාතාන්ත්‍රික සමාජවාදී ජනරජයක් බව කියන ශ්‍රී ලංකාවේ ආණ්ඩුක්‍රම ව්‍යවස්ථාවේ 9 වැනි වගන්තියේ සඳහන් වන්නේ ශ්‍රී ලංකා ජනරජය බුද්ධාගමට ප්‍රමුඛස්ථානයක් පිරිනමන බව සහ බුද්ධ ශාසනය සුරක්ෂිත කොට පෝෂණය කිරීම රජයේ වගකීම විය යුතු බවය. සසුන රැකෙන්නේ දහම සහ දසුන රැකීමෙනි. රජය දහම සහ දසුන රකින්නේ නම් ජනාධිපතිවරයා කියන හැටියට වන ඝනත්වය සෑම වර්ෂයකම සියයට එකයි දශම පහකින් අඩුවන්නේ කෙසේ ද?

රටේ පරිසර අමාත්‍යවරයා ද ජනාධිපතිවරයාමය. ජනාධිපතිවරයා බිහිවූයේ පොළොන්නරුව දිස්ත්‍රික්කයෙනි. එහි සෝමාවතිය සහ මාඳුරුඔය රක්ෂිතවලත් ජල ගැලුම් නිම්න ජාතික වනෝද්‍යානයේත් අක්කර දහස් ගණනින් වැනසෙයි. වනය වනසා කුඹුරු අස්වද්දයි. ඒ සියල්ල කෙරෙන්නේ දේශපාලන රැකවරණවල මහිමයෙනි. එහෙයින් ඒ විනාශයට එරෙහිව පියවර ගත යුත්තෝ මර නින්දේය. ඇතැම් නිලබලධරයෝ වන සංහාරකයන් සමඟ සහවාසයේ ය. වනරෝප සූත්‍රයේ සඳහන් දහමට අනුව සිල්වතුන් වන්නේත් මරණින් මතු දෙව්ලොව යන්නේත් තුරුලතා වවන්නෝ නම් තුරුලතා නසන්නෝ සහ ඔවුනට රැකවරණ සලසන්නෝ යන්නේ අවීචි මහ නරකාදියට මිස වෙන කොතැනකටද?



අදහස් (1)

බුදුන් වහන්සේ වදාළ පරිසර රක්ෂණය

Nishantha Monday, 25 March 2019 08:56 AM

වැදගත් ලිපියක්

:       0       101

ඔබේ අදහස් එවන්න

කතුවැකිය

ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 138 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


අයවැයෙන් වූ දේ දැනගැනීම ජනතාවගේ අයිතියක්
2024 ජුනි මස 14 70 0

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට


රටට හානිකරවන නිලධාරි කඹ ඇදිලි
2024 ජුනි මස 13 80 0

මහජනයාගේ මුදල් අවභාවිත කිරීම, සොරකම් කිරීම, නාස්ති කිරීම තරම් බරපතළ සාපරාධයක් තවත් නොමැත. එහෙත් අනාදිමත් කාලයක සිට මේ රට තුළ ඒ සියල්ල බරපතළ ලෙස සිදුවෙම


මාධ්‍ය නිදහස වෙනුවෙන් දුන් ඓතිහාසික නඩු තීන්දුවක්
2024 ජුනි මස 12 798 1

තොප්පියක් පැළද රත්නපුර මහ දිසාපති කාර්යාලයට ඇතුළු වුණැයි කියමින් මාධ්‍යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝ


ළමා නිවාස දැරියන් විකුණද්දී බලධාරීහු අහකබලා සිටියෝද?
2024 ජුනි මස 11 847 1

සමාජ සාරධර්ම බරපතළ ලෙස නාය යමින් තිබෙන ශාපලත් යුගයක් වෙත අපි පැමිණ සිටින්නෙමු. නැතහොත් එම යුගය උදාවීම වේගවත් වී තිබෙන්නකි. එකක් පසුපස එකක් වශයෙන් වාර්


විදුලි බිලේ සහනය ජනතා අපේක්ෂාව ඉටුකිරීමක්
2024 ජුනි මස 08 470 2

ලංකා විදුලි පනත් කෙටුම්පත වැඩි ඡන්ද 44කින් පාර්ලිමේන්තුවේදී සම්මත විය. ඒ සම්බන්ධ විවිධ මතවාද තිබුණද ලංකා විදුලි පනත් කෙටුම්පත පාර්ලිමේන්තුවේදී සම්මත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1305 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3025 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2484 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site