එසැණ පුවත්

ජනපති කොමිසම හමුවට හෙට එන්න බැහැ’යයි අගමැති කියයි

කෘෂිකර්ම අමාත්‍යාංශය පිහිටි රාජගිරිය ඩී.පී.ජේ ගොඩනැගිල්ල සම්බන්ධයෙන් වන පැමිණිලි විභාගයට අදාළව ප‍්‍රකාශයක් ලබා දීම සඳහා ජනාධිපති පරීක්ෂණ කොමිසම හමුවේ හෙට (12) පෙරවරු 9.30ට පෙනී සිටිය නොහැකි බව අග‍්‍රාමාත්‍ය රනිල් වික්‍රමසිංහ මහතා එම කොමිසමට නිල වශයෙන් දන්වා ඇතැයි එම කොමිසම සඳහන් කර සිටී.

11 September 2019

‘නේවි සම්පත්‘ යළි රිමාන්ඩ්

කොටහේන ප‍්‍රදේශයේ පුද්ගලයින් 11 දෙනෙකු අතුරුදන් කළැයි කියන සිද්ධියට අදාළ හිටපු නාවික හමුදා ලූතිනන් කමාන්ඩර් චන්දන ප‍්‍රසාද් හෙට්ටිආරච්චි හෙවත් ‘‘නේවි සම්පත්’’ ලබන 25 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ කොටුව මහේස්ත‍්‍රාත් රංග දිසානායක මහතා අද (11) නියෝග කළේය.

11 September 2019

ඉදිරි දින දෙකේ දී එජාප පක්ෂ නායක හමුවක්

එක්සත් ජාතික පක්ෂය ප‍්‍රමුඛ එක්සත් ජාතික පෙරමුණේ පක්ෂ නායකයින්ගේ විශේෂ හමුවක් ඉදිරි දින දෙක තුළ පැවැත්වීමට නියමිතය.

11 September 2019

රතුපස්වල සිද්ධියට හමුදා ලොක්කෙකු ඇතුළු සිව්දෙනෙකුට නඩු

පිරිසිදු ජලය ඉල්ලා උද්ඝොෂණය කළ රතුපස්වල ප‍්‍රදේශවාසීන්ට වෙඩි තබා තිදෙනෙකු ඝාතනය කර තවත් 45 දෙනෙකුට තුවාල සිදුකිරීමේ සිද්ධියට අදාළව යුද හමුදා බි‍්‍රගේඩියර්වරයකුට සහ හමුදා සෙබළුන් තිදෙනෙකුට එරෙහිව නීතීපතිවරයා විසින් ගම්පහ මහාධිකරණය හමුවේ අද (11) නඩු පැවරිණි.

11 September 2019

ගෝඨාගේ පෙත්සම් දෙකම විසිවෙයි

ඩී. ඒ. රාජපක්ෂ අනුස්මරණ කෞතුකාගාරය ඉදිකිරීමේදී මුදල් අවභාවිත කිරීම ඇතුළු චෝදනා කිහිපයකට තමන් ඇතුළු පිරිසකට එරෙහිව පවරා ඇති නඩුව විභාගයට අධිකරණ බලයක් නොමැති යයි නියෝග කරන ලෙස ගෝඨාභය රාජපක්ෂ මහතා ගොනු කර ඇති පෙත්සම් දෙකම විභාගයට නොගෙන ඉවත දැමීමට පංච පුද්ගල ශ්‍රේෂ්ඨාධිකරණ විනිසුරු මඩුල්ල අද (11) තීන්දු කළේය.

11 September 2019

සාමනේර හිමිවරුන්ට පහරදුන් ‘උටියා‘ රිමාන්ඩ්

හොරොව්පොතානේ පිරිවෙනක කුඩා සාමනේර හිමිවරු දෙනමකට පහර දුන් පුද්ගලයා 25වැනිදා තෙක් රක්ෂිත බන්ධනාගාර ගත කිරීමට අද (11) නියෝග කර තිබේ.

11 September 2019

පදලංගල අනතුරින් අඹුසැමි යුවළ මරුට

සූරියවැව පදලංගල ප්‍රධාන මාර්ගයේ 550 යාය ප්‍රදේශයේදී සුරියවැව දෙසට ගමන් ගත් යතුරු පැදියක් මාර්ගයෙන් ඉවතට පැන සිදු වු අනතුරකින් එහි ගමන් ගත් අඹුසැමියන් දෙදෙනෙකු අද (11) මියගොස් ඇතැයි සුරියවැව පොලිසිය පවසයි.

11 September 2019

සැප වාහන ලියාපදිංචි කරද්දී අත්ට්‍රැක්ටර් චැසි අංක යොදලා

විදේශ රටවලින් ආනයනය කරනු ලැබූ සුපිරි වාහන ලියාපදිංචි කිරීමේදී මෝටර් රථ ලියාපදිංචි කිරීමේ දෙපාර්තමේන්තුවේ ඇතැමුන් අත්ට‍්‍රැක්ටර් සඳහා නිකුත් කරන ලද චැසි අංක යොදා ඇති බව රාජ්‍ය ගිණුම් කාරක සභාව හෙවත් කෝපා කමිටුව හමුවේ අනාවරණය විය.

11 September 2019

බීමතින් පාසල් වෑන් රිය පැදවූ දෙදෙනා රිමාන්ඩ්

මත්පැන් පානය කර පාසල් සිසුවියන් රැගෙන යාම සඳහා නුගේගොඩ පාසලක් ඉදිරිපිට සුදානමින් සිටියදී අත්අඩංගුවට ගත් රියදුරන් දෙදෙනා අද (11) ලබන 19 වැනිදා තෙක් රක්ෂිත බන්ධනාගාරගත කිරීමට නුගේගොඩ අතිරේක මහෙස්ත්‍රාත් හරිස්චන්ද්‍ර පැල්පොල මහතා නියෝග කළේය.

11 September 2019

නව විදුලි සබඳතා දීමේදී විශේෂ අවශ්‍යතා සහිත පුද්ගලයිනට ප්‍රමුඛත්වය

විශේෂ අවශ්‍යතා සහිත පුද්ගලයින් වෙත නව විදුලි සබඳතා ලබාදීමේදී විශේෂ ප‍්‍රමුඛත්වයක් ලබාදීමට කටයුතු කරන බව විදුලිබල බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පැවසීය.

11 September 2019

‘මන්ත්‍රීවරුන් 225 වත්කම් බැරකම් ප්‍රකාශ කිරීම අනිවාර්ය කළ යුතුයි‘

වත්කම් බැරකම් ප‍්‍රකාශ ප‍්‍රසිද්ධ කිරීම මන්ත‍්‍රීවරුන් 225 ටම අනිවාර්ය කළ යුතු බව පාර්ලිමේන්තු මන්ත‍්‍රී ආශු මාරසිංහ මහතා පැවැසීය.

11 September 2019

වෙන්නප්පූව මන්ත්‍රීනි - සහෝදරිය තෙවැනි වරටත් රිමාන්ඩ්

වෙන්නප්පුව ප්‍රාදේශීය සභාවේ එක්සත් ජාතික පක්ෂ මන්ත්‍රිනි හා ඇයගේ සහෝදරිය 16 වැනි දා දක්වා රක්ෂිත බන්ධනාගාර ගත කිරිමට මාරවිල අතිරේක දිසා විනිසුරු හා මහේස්ත්‍රාත් තේමියසිරි පෙරේරා මහතා අද (11) නියෝග කළේය.

11 September 2019

ලෝටස් පාර වහයි

ගාලු මුවදොර පාර කොළඹ ලෝටස් වටරවුමෙන් තාවකාලිකව වසා දමා තිබේ.

11 September 2019

ප්‍රීමා සමාගම තදින් සිටී

වැඩි කළ තිරිගු පිටි මිල කිසිසේත් අඩු නොකරන බව ප්‍රීමා සමාගම ලංකාවේ සියලුම තිරිගු පිටි අලෙවි කරන එජන්තවරුන් වෙත අද (11) දැනුම් දි ඇත.

11 September 2019

නෙළුම් කුලුන 16දා ජනතා අයිතියට

දකුණු ආසියාවේ විශාලතම කුලුන වන නෙලුම් කුලුන සැප්තැම්බර් 16 වන දින ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනතා අයිතියට පත්කරන බව ජනාධිපති ලේකම් කාර්යාලය පවසයි.

11 September 2019

‘‘අගමැති සමඟ කළ සාකච්ඡාව සුභවාදියි‘‘

එක්සත් ජාතික පක්ෂ නායක සහ අග්‍රාමාත්‍ය රනිල් වික්‍රමසිංහ මහතා සමඟ ඉතා ධනාත්මක ශුභවාදී සාකච්ඡාවක් කළ බවත් කෙටි කලක් ඇතුළත සුභවාදී ප්‍රතිපලයක් ලැබෙනු ඇති බවත් එක්සත් ජාතික පක්ෂ නියෝජ්‍ය නායක නිවාස ඉදිකිරීම් හා සංස්කෘතික අමාත්‍ය සජිත් ප්‍රේමදාස මහතා ලංකාදීපයට පැවැසීය.

10 September 2019

හොරොව්පොතානේ සාමණේර හිමිවරු දෙදෙනකුට පහර දුන් අයෙක් අත්අඩංගුවට

හොරොව්පොතාන ප්‍රදේශයේ විහාරස්ථානයක වැඩසිටින සාමණේර හිමිවරුන් දෙදෙනකුට අමානුෂික ලෙස පහර දුන් පුද්ගලයෙකු අද (10) සවස අත්අඩංගුවට ගත් බව හොරොව්පොතාන පොලිසිය කියයි.

10 September 2019

පළාත් සභා ඇමැතිවරුන්ට තීරු බදු රහිත වාහන නෑ

පළාත් සභාවල හිටපු මැති ඇමැතිවරුන්ට තීරු බදු සහන යටතේ වාහන ආනයනය කිරීමට බලපත්‍ර ලබාදීම සඳහා කැබිනට් මණ්ඩලයට ඉදිරිපත් කරන ලද යෝජනාව අද (10) පැවැති කැබිනට් රැස්වීමේදී දෙවන වරටත් ප්‍රතික්ෂේප වි ඇත.

10 September 2019

වජිරගේ කැබිනට් සංදේශය දෙවන වරටත් ප්‍රතික්ෂේප වෙයි

සංවර්ධන කමිටු සභාපතිධූර දරන පාර්ලිමේන්තු මන්ත්‍රීධූරයට රුපියල් ලක්ෂ දෙකක මාසික දීමනාවක් ගෙවීමට අනුමැතිය ඉල්ලා ඉදිරිපත් කළ කැබිනට් සංදේශයක් අද (10) පැවැති කැබිනට් රැස්වීමේදී දෙවන වරටත් ප්‍රතික්ෂේප වී ඇතැයි රජයේ ආරංචි මාර්ග සඳහන් කරයි.

10 September 2019

ආරක්ෂක ඇමැතිගෙන් ජනපතිට ලිපියක්

ශ්‍රී ලංකා රූපවාහීනී සංස්ථාව ආරක්ෂක අමාත්‍යංශය යටතට පවරා ගැනීම ගැටළු සහගත තත්ත්වයක් වන අතර එය ශ්‍රී ලංකාවේ මාධ්‍ය නිදහසට තර්ජනයකට ලක්වීමක්යැයි ජනමාධ්‍ය අමාත්‍ය රුවන් විජයවර්ධන මහතා ජනාධිපතිවරයා වෙත ලිපියක් යවමින් සඳහන් කර තිබේ.

10 September 2019

කසකස්තාන අපරාධකරුවකු කටුනායකින් හරවා යවයි

සාපරාධී ක්‍රියාවන් රාශියකට සම්බන්ධ, ජාත්‍යන්තර පොලීසියේ රතු දත්ත ලේඛනයේ සඳහන් කසකස්තාන ජාතිකයෙකු අද(10) උදෑසන ශ්‍රී ලංකාවට ඇතුළු වීමට උත්සාහ කළ අවස්ථාවේ දී, ඔහු පැමිණි ගුවන් යානයෙන්ම ආපසු පිටුවහල් කිරීමට කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් පියවර ගෙන තිබේ.

10 September 2019

රටින් ගෙන්වූ කසළ පෙට්ටි 333 කට පුරවා තබයි

එක්සත් රාජධානියේ සිට මෙරටට ගෙන්වා කටුනායක අපනයන සැකසුම් කලාපයේ එළිමහනේ ගොඩ ගසා තිබූ කුණු තොගය මේ වන විට කන්ටේනර් පෙට්ටි 333කට ඇතුළත් කර එහි තැන්පත් කර ඇතැයි මධ්‍යම පරිසර අධිකාරියේ සභාපති ඉසුර දේවප‍්‍රිය මහතා පැවසීය.

10 September 2019

ඉන්ධන මිල පහළට

පෙට්‍රල් සහ සුපිරි ඩීසල් මිල අද (10) මධ්‍යම රාත්‍රීයේ සිට ක්‍රියාත්මක වන පරිදි රුපියල් 2 කින් පහත දමා තිබේ.

10 September 2019

තිරිඟු පිටි මිල යළි අඩු කරයි

රුපියල් 5.50 කින් වැඩිකළ තිරිඟු පිටිමිල නැවත අඩු කිරීමට ප්‍රිමා සමාගම ජිවන වියදම් කමිටුව අද (10) එකඟ වී ඇත.

10 September 2019

අනධ්‍යයන සේවක වර්ජනයෙන් සරසවි කටයුතු අඩාලයි

​විශ්වවිද්‍යාලයීය වෘත්තීය සමිති එකමුතුව ක්‍රියාත්මක කළ අඛණ්ඩ වැඩවර්ජනය හේතුවෙන් රට පුරා සියලු විශවවිද්‍යාල අද(10) අඩපණ විය.

10 September 2019

රූපවාහිනිය ආරක්ෂක අමාත්‍යංශයට ගැනීම වෘත්තීය ජනමාධ්‍යවේදීහු හෙළා දකිති

ජාතික රූපවාහිනිය ආරක්ෂක අමාත්‍යංශය යටතට පත්කිරීමට ජනාධිපතිවරයා ගෙන ඇති තීරණය තමන් දැඩි සේ හෙළා දකින බව ශ්‍රී ලංකා වෘත්තීය ජනමාධ්‍යවේදීන්ගේ සංගමය නිවේදනයක් නිකුත් කරමින් සඳහන් කරයි.

10 September 2019

පාවෙන අවි ගබඩාව සම්බන්ධ චෝදනා 7573 කට නඩු

ලංකාව අවට මුහුදේ පාවෙන අවි ගබඩාවක් පවත්වාගෙන යෑමේ සිද්ධියට අදාළව ‘‘ඇවන්ට් ගාඩ්’’ සභාපති නිශ්ශංක සේනාධිපති, ‘රක්නා ලංකා’ හිටපු සභාපතිවරයා, ජාතික පොලිස් කොමිසමේ ලේකම්වරයා ඇතුළු විත්තිකරුවන් 13 දෙනෙකුට එරෙහිව චෝදනා 7573 ක් යටතේ නීතීපතිවරයා කොළඹ මහාධිකරණය හමුවේ අද (10) නඩු පවරන ලදී.

10 September 2019

‘පුලතිසි’ හෙට සිට ගමන් අරඹයි

කොළඹ කොටුවේ සිට පොළොන්නරුව දක්වා හෙට(11) සිට නව දුම්රිය සේවාවක් ක්‍රියාත්මක වන බව දුම්රිය දෙපාර්තමේන්තුව පවසයි.

10 September 2019