එසැණ පුවත්

පොහොට්ටුව ඉදිරියෙන්

2020 පාර්ලිමේන්තු මැතිවරණයේ මෙතෙක් නිකුත් වී ඇති ප්‍රතිඵල අනුව ඡන්ද 1,080,562 ක් ලබාගනිමින් ශ්‍රී ලංකා පොදුජන පෙරමුණ ඉදිරියෙන් සිටී. එය මේ දක්වා නිකුත් වූ ඡන්ද ප්‍රතිඵලවල ප්‍රතිශතයක් ලෙසින් 68.17 % කි.

06 August 2020

බුවනෙකබා ගොඩනැගිල්ලට හානි කළ අය අත්අඩංගුවට ගන්නැයි නීතිපතිගෙන් උපදෙස්

කුරුණෑගල ‘බුවනෙක හෝටලය’ නමින් පැවැති ගොඩනැගිල්ලට අලාභ හානි සිදුකිරීම සම්බන්ධයෙන් කුරුණෑගල නගරාධිපතිවරයා සහ නාගරික කොමසාරිස්වරයා ඇතුළු නිලධාරීන් සිව්දෙනෙකුට එරෙහිව අධිකරණයෙන් වරෙන්තු ලබාගෙන අත්අඩංගුවට ගන්නා ලෙස නීතීපති දප්පුල ද ලිවේරා මහතා වැඩබලන පොලිස්පතිවරයාට අද (6) උපදෙස් දුන්නේය.

06 August 2020

ඉන්දියාවේ රෝහලක ගින්නකින් කොරෝනා ආසාදිතයෝ 8ක් මරුට

ඉන්දියාවේ ගුජරාටි ප්‍රාන්තයේ බටහිර අහමබාද් නගරයේ පෞද්ගලික රෝහලක දැඩි සත්කාර ඒකකයේ ඇතිවූ ගින්නකින් කොරෝනා ආසාදිතයන් 8දෙනකු මියගොස් ඇතැයි බලධාරීහු පවසති.

06 August 2020

ලෙබනනයේ පිපිරුමෙන් තුවාල වූ ලාංකිකයින් සංඛ්‍යාව 8 තෙක් ඉහළට

ලෙබනනයේ බීරූට් නගරයේ වරායේ සිදුවූ පිපිරීමෙන් තුවාල ලැබූ ශ්‍රී ලාංකිකයින් සංඛ්‍යාව 08 දෙනෙකු දක්වා ඉහළ ගොස් ඇතැයි ලෙබනනයේ ශ්‍රී ලංකා තානාපති කාර්යාලය සදහන් කර සිටී.

06 August 2020

ගාල්ලේ තැපැල් ඡන්දයෙන් පොහොට්ටුව ඉදිරියෙන්

පාර්ලිමේන්තු මැතිවරණයට අදාළව ගාල්ල දිස්ත්‍රික්කයේ තැපැල් ඡන්ද ප්‍රතිඵල අනුව, ශ්‍රී ලංකා පොදුජන පෙරමුණ ඡන්ද 27, 682ක් ලබාගනිමින් ඉදිරියෙන් සිටී. එය ප්‍රතිශතයක් ලෙස 72.7%කි.

06 August 2020

පාතාල දිනුකගේ ගෝල කෙසෙල්වත්තේ රයිනා කුඩු එක්ක අත්අඩංගුවට

සංවිධානාත්මක අපරාධ කල්ලියක සාමාජිකයකු වන දැනට විදේශගතව සිටින බව කියන කෙසෙල්වත්තේ දිනුකගේ සමීපතමයකු බව කියන කෙසෙල්වත්තේ රයිනා නමැත්තා පෑලියගොඩ ප්‍රදේශයේ දී පෙරේදා (04) අත්අඩංගුවට ගත් බව පෑලියගොඩ මූලස්ථාන පොලීසිය පවසයි.

06 August 2020

ලේකම් බිමට බස්සවා ජාඇළ නගර සභාපති නිල වාහනය විකුණලා

ජාඇල නගර සභාවේ ලේකම්වරයාගේ මැතිවරණ රාජකාරීවලට බාධා කරමින් එම සභාවේ සභාපතිවරයා ලේකම්වරයාගේ නිල වාහනය ඡන්ද විමසීම පැවති ඊයේ (5) පෙරවරුවේ විකුණා දමා ඇතැයි කියන සිද්ධියක් සම්බන්ධයෙන් මැතිවරණ කොමිෂන් සභාව පරීක්ෂණයක් ආරම්භ කර ඇත.

06 August 2020

57600 කට ඡන්දය එපාවෙයි

පාර්ලිමේන්තු මහ මැතිවරණයට අදාළ නිල ඡන්ද දැන්වීම් පත්‍රිකා 150,000 ක් තැපැල් කාර්යාලවලින් රැගෙන ගොස් නැතැයි තැපැල් දෙපාර්තමේන්තුව පවසයි.

06 August 2020

කරමුලින් කැඩිය යුතු අලුත්ම තාලේ සොරකම්

අඹ ගසකින් ගෙඩි කැඩීම වරදක් නොවේ. එහෙත් අඹ ගස අයිති තමාට නොව අන් අයකුට නම් එය වරදකි. එහෙත් ඒ වැරැදි බරපතළ අපරාධ ගණයට වැටෙන්නේ නැත. එහෙත් අඹ ගසින් පිරි වත්තකට බලහත්කාරයෙන් ඇතුළු වී ලොරි ගණනින් පලදාව කඩාගැනීම බරපතළ සොරකමකි. බලහත්කාරකම පෙන්වීමකි. දැඩිව දඬුවම් ලැබිය යුතු අපරාධයකි. තංගල්ල මාරකොල්ලියේ පෞද්ගලික සමාගමකට අයත් අඹ වත්තක පසුගියදා මේ ආකාරයේ සොරකමක් සිදුව තිබිණි.

06 August 2020

ඉහළ කොත්මලේ වාන් දොරටු විවෘත කරයි

ඉහළ කොත්මලේ ජලාශයේ වාන් දොරටුවක් විවෘත කිරීමට ජලාශ භාර ඉංජිනේරුවරුන් විසින් අද (08) පියවර ගනු ලැබීය.

06 August 2020

ගාල්ල-මාතර ප්‍රධාන මාර්ගයේ මංතීරුවක් අවහිරයි

ගාල්ල-මාතර ප්‍රධාන මාර්ගයේ ⁣ වැලිගම රෙටි හවුස් හන්දිය අසළදී මාර්ගයට විශාල කැන්ද ගසක් කඩා වැටීමෙන් මංතීරුවක් මුළුමනින්ම අවහිර වී තිබිණි.

06 August 2020

බේරූට් වරාය නිලධාරීන් කිහිපදෙනකු නිවාස අඩස්සියේ

ලෙබනනයේ සිදුවූ දැවැන්ත පිපිරීම සම්බන්ධයෙන් පරීක්ෂණයක් පැවැත්වීමට නියමිතව ඇති හෙයින් බේරූට් වරාය නිලධාරීන් කිහිපදෙනකු නිවාස අඩස්සියේ තබා ඇතැයි ලෙබනන් රජය පවසයි.

06 August 2020

ලොවපුරා කොරෝනා මරණ ලක්ෂ හත ඉක්මවයි

රොයිටර් පුවත් සේවය විසින් සිදුකළ ගනණය කිරීම් වලට අනුව ලොව පුරා කොරෝනා මරණ සංඛ්‍යාව 700,000 ඉක්මවා ඇතැයි වාර්තා වේ.

06 August 2020

ලෙබනන් පිපිරීමෙන් මියගිය ගණන 135 ක් දක්වා ඉහළට

ලෙබනනයේ බීරූට් අගනුවර සිදු වූ දැවන්ත පිපිරීමෙන් මියගිය ගණන 135ක් දක්වා ඉහළ ගොස් ඇත.

05 August 2020

තවත් කොවිඩ් ආසාදිතයෙක්

තවත් කොවිඩ්-19 ආසාදිතයෙකු හඳුනාගෙන ඇති බව වසංගත රෝග අංශය සඳහන් කරයි.

05 August 2020

අපේක්ෂක ඩිෆෙන්ඩරයේ හැපුණු යුවලට බරපතලයි

ගම්පහ දිස්ත්‍රික් මැතිවරණ අපේක්ෂකයෙකුගේ ආධාරකරුවන් පිරිසක් ගමන් ගත් ඩිපෙන්ඩර් රියක යතුරු පැදියක් ගැටීමෙන් යතුරු පැදියේ ගමන් ගත් යුවලක් බරපතල තුවාල සහිතව මීරිගම රෝහලට ඇතුළත් කර ඇතැයි මිරිගම පොලිසිය කියයි .

05 August 2020

ඡන්ද ස්ථානාධිපතිවරු දෙදෙනෙකුට ක්ලාන්තය හැදිලා

මැතිවරණ රාජකාරියේ යෙදී සිටි ඡන්ද ස්ථානාධිපතිවරු දෙදෙනෙකු අද (5) පස්වරුවේ හදිසියේ ක්ලාන්තවීමෙන් ප්‍රතිකාර ලබාදීමට සිදුවී ඇති අතර කනිෂ්ඨ ඡන්ද ස්ථානාධිපතිවරුන් මගින් එම ඡන්ද මධ්‍යස්ථානයන්හි ඉදිරි කටයුතු සිදුකළ බව මැතිවරණ කටයුතු භාර නිලධාරියෙක් පැවසීය.

05 August 2020

පහරදීමකින් ප්‍රා. සභා මන්ත්‍රීවරයෙකු රෝහල්ගත කරයි

ශ්‍රී ලංකා පොදුජන පෙරමුනේ අපේක්ෂකයන් දෙදෙනෙකුගේ ආධාරකරුවන් බව කියන දෙපිරිසක් අතර අද (05) සවස පන්නල එලිවිල මාර්ගයේ මාකඳුර ප්‍රදේශයේදී ඇතිවූ බහින්බස්වීමක් දුරදිග යෑම නිසා ඇතිවූ පහරදීමක් හේතුවෙන් පන්නල ප්‍රාදේශීය සභා මන්ත්‍රීවරයෙකු සඳලංකා දිසා රෝහලට ඇතුලත් කර ඇතිබව පන්නල පොලීසිය කියයි.

05 August 2020

මැතිවරණය සාමකාමී බව නිරීක්ෂකයෝ කියති

මහ මැතිවරණ ඡන්ද විමසීම සාමකාමී අයුරින් පැවැත්වුණු බව මැතිවරණ නිරීක්‍ෂණ සංවිධාන පවසයි.

05 August 2020

හොරෙන් ඡන්දය දන්න ගිය ලංකාපූර ප්‍රා. සභාපති පුනානි යවයි

නිරෝධායන නිතී අනුව නිවස තුළ ස්වයං නිරෝධායනය කර සිටියදී ලංකාපුර ප්‍රාදේශීය සභාවේ සභාපති ඇතුළු පවුලේ තිදෙනෙකු හොරෙන් ගොස් ඡන්දය ප්‍රකාශ කර ඇතැයි වර්තාවේ. කෙසේ වෙතත් ලංකාපුර ප්‍රාදේශීය සභාවේ සභාපති ඇතුළු පවුලේ තිදෙනා නිරෝධායනය කිරිම සදහා වහාම පුනානි නිරෝධායන මධ්‍යස්ථානය වෙත රැගෙන ගිය බව ලංකාපුර ප‍්‍රාදේශිය සෞඛ්‍ය සේවා අධ්‍යක්‍ෂ කාර්යාලය පවසයි.

05 August 2020

වවුනියාවේ ඡන්ද ප්‍රකාශය සියයට 74 ඉක්මවයි

2020 පාර්ලිමේන්තු මැතිවරණයේ වන්නි මැතිවරණ කොට්ඨාසයේ ඡන්දය ප්‍රකාශ කිරීම 74% ඉක්මවා ඇති බව වන්නි මැතිවරණ තේරීම්භාර නිලධාරී එස්.එම්.සමන් බන්දුලසේන මහතා පැවසීය.

05 August 2020

සජිත් හවස 4.45 ට ඡන්දය දාන්න එයි

සමගි ජන බලවේගයේ නායක සජිත් ප්‍රේමදාස මහතා සිය ඡන්දය ප්‍රකාශ කිරිම සඳහා වීරවිල කුඩාගම්මාන 07 හි පිහිටි හ/අභයපුර සුරනිමල ප්‍රාථමික විද්‍යාලයට අද (5) පස්වරු 4.45 ට පැමිණියේය.

05 August 2020

ඕස්ට්‍රේලියාවෙන් වැඩිම කොරෝනා ආසාදිතයින් අදින් වාර්තා වෙයි

ඕස්ට්‍රේලියාවේ වික්ටෝරියා ප්‍රාන්තයෙන් අද (5) දිනයේ කොරෝනා ආසාදිතයින් 725 දෙනෙකු හා ආසාදිත මරණ 15 ක් වාර්තා වී තිබේ.

05 August 2020

ඡන්ද විමසීම අවසන්

ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ පාර්ලිමේන්තුවට මන්ත්‍රීවරුන් තෝරාපත් කර ගැනීම සඳහා පැවති මහමැතිවරණය අද (5) පස්වරු 5 ට අවසන් විය.

05 August 2020

ඡන්දය සළකුණු කරමින් සිටි කතක් මිය යයි

අළුතැපොල වලගම්බා මහා විද්‍යාලයීය ශාලා අංක දෙක ඡන්ද මධ්‍යස්ථානයේ ඡන්දය සළකුණු කරමින් සිටි කාන්තාවක මරණයට පත්ව ඇතැයි මිනුවන්ගොඩ පොලීසිය කියයි.

05 August 2020

බීරූට් වරායේ පිපිරීමෙන් ලක්ෂ 3 කට නිවාස අහිමි වෙයි

බීරූට් හි සිදුවූ දැවැන්ත පිපිරීමෙන් 300,000 ක පමණ පිරිසකට නිවාස අහිමි වී ඇති අතර නගරයෙන් අඩකට පමණ හානි සිදුවී තිබේ. මෙම පිපිරීමෙන් සිදුවූ හානිය ඩොලර් බිලියන 3 කට වඩා වැඩි යැයි ගණන් බලා ඇතැයි බීරූට්හි ආණ්ඩුකාරවරයා කියයි.

05 August 2020

ලෙබනන්හි සිටින ශ්‍රී ලාංකිකයන්ට දුරකතන අංක 4 ක්

බීරූට් වරායේදී සිදුවූ දැවැන්ත පිපිරීමෙන් පසුව කරදරයට පත් ශ්‍රී ලාංකිකයන්ට සන්සුන්ව සිටින ලෙසත් අවශ්‍ය වුවහොත් ලෙබනන්හි ශ්‍රී ලංකා තානාපති කාර්යාලය අමතන ලෙසත් ලෙබනනයේ බීරූට් නුවර ශ්‍රී ලංකා තානාපති කාර්යාලය දන්වා සිටී. ඒ සඳහා ඇමතීමට දුරකතන අංක 4 ක් ලෙබනනයේ බීරූට් නුවර ශ්‍රී ලංකා තානාපති කාර්යාලය විසින් දී තිබේ.

05 August 2020

දැඩි සුළං - රළු මුහුද - කාලගුණයෙන් අනතුරු ඇඟවීමක්

කන්කසන්තුරයේ සිට හම්බන්තොට, මන්නාරම, කොළඹ සහ ගාල්ල යන දිවයින වටා මුහුදු ප්‍රදේශ දැඩි රළු ස්වභාවයක් ගන්නා බව කාලගුණ විද්‍යා දෙපාර්තමේන්තුව සඳහන් කරයි. එම ප්‍රදේශවල සුළගේ වේගය පැයට කිලෝමීටර් 60 ත් - 70 ත් වේ.

05 August 2020