එසැණ පුවත්

රත්නපුර නගරය අධි අවදානම්

රත්නපුර නගරය කොරෝනා වසංගත තත්වය පැතිර යාම හේතුවෙන් අධි අවදානම් මට්ටමකට පත්ව ඇති නිසා රත්නපුර නගරයේ පාසල් තුනක් තාවකාලිකව වසා දැමිමට තීරණය කර තිබේ. හෙට සිකුරාදා දිනයේ නගරයේ සියලුම මුස්ලිම් පල්ලි වසා දැමමටද තීරණය විය.

17 December 2020

සැකකරු පොලිසියේදීම පොලිස් පරීක්ෂකට පහරදෙයි

කළුතර උතුරු පොලීසිය තුළදී සැකකරුවෙකු වු විශ්‍රාමික ගුරුවරයකුගේ පහරකෑමට ලක්වු පොලිස් පරීක්ෂකවරයෙකු අද රෝහල් ගත කළ බව කළුතර උතුර පොලිසිය කියයි.

17 December 2020

කරාපිටිය රෝහලේ පිළිකා වාට්ටුවේ තවත් හතරකට කොරෝනා

කරාපිටිය රෝහලේ පිළිකා වාට්ටුවේ තවත් රෝගින් සිව් දෙනෙකුට කොරෝනා ආසාදනයවී ඇති බවට අද (17) සවස තහවුරුවී ඇතැයි ගාල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය පවසයි.

17 December 2020

අද කොරෝනා ආසාදිතයන් 650 ක්

මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට අද (17) පස්වරු 9.25 වනවිට එක්වූ ආසාදිතයන් 338 දෙනාත් සමග දිනයේ සමස්ත ආසාදිතයන් සංඛ්‍යාව 650 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

17 December 2020

චන්ද්‍ර පාෂාණ රැගත් චැංජි-5 යානය මොන්ගෝලියාවට ගොඩ බසී

චීනය විසින් සඳ වෙත යවනු ලැබූ චැංජි - 5 යානය සාර්ථක ලෙස අද (17) අලුයම පෘථිවියට ළඟා වූ බව චීන මාධ්‍ය පවසයි.

17 December 2020

විද්‍යා පීඨ පුහුණුව අවසන් කළ 3772 කට පුරප්පාඩු නෑ

විද්‍යා පීඨ ගුරු පුහුණුව අවසන් කළ 3772 දෙනෙක් පාසල් වලට අනුයුක්ත කළ නොහැකි තත්ත්වයක් ඇතිවී තිබෙන බව එක්සත් ගුරු සංගමයේ සභාපති ගලේවෙල පඤ්ඤාසේකර හිමියෝ කියති. මෙම ගුරුවරුන් පාසල් වලට පත්කළ නොහැක්කේ අදාළ පාසල් වල පුරප්පාඩු නොමැති නිසා බවද උන්වහන්සේ පවසති.

17 December 2020

නත්තලට නිවසේම සිටින්නයි අගරදගුරුතුමෝ ඉල්ලති

කොවිඩ් -19 වසංගත තත්ත්වයේ අවදානම හේතුවෙන් මෙවර නත්තල නිවසේ සාමාජිකයින් සමග සැමරීමට පියවර ගන්නැයි මැල්කම් කාදිනල් රංජිත් කොළඹ අගරදගුරුතුමන් කිතුණු බැතිමතුන්ගෙන් අද (17) ඉල්ලා සිටියහ.

17 December 2020

ඛනිජ තෙල් සංස්ථාවට ගෙවිය යුතු ණය කෝටි 16,000 ක්

ලංකා ඛණිජ තෙල් නීතිගත සංස්ථාවෙන් ඉන්ධන ලබාගත් විවිධ සමාගම් සහ සංස්ථාවලින් පසුගිය අගෝස්තු මාසය වන විට සංස්ථාවට ලැබිය යුතු වෙළෙඳ ණය ප්‍රමාණය රුපියල් බිලියන 159 ක් වී ඇති බවද රාජ්‍ය මූල්‍ය කළමණාකරණ දෙපාර්තමේන්තුව වාර්තා වල සටහන් වේ.

17 December 2020

මුලතිව් කැලෑවකින් අනුරාධපුර යුගයේ සෙල්ලිපියක් හමුවෙයි

මුලතිව්හි කුරුන්දි මුහුදුබඩපත්තු ප්‍රාදේශීය ලේකම් කොට්ඨාසයේ තන්නිමුරුප්පු ග්‍රාම සේවා වසමේ නාගචෝලේ වන රක්ෂිතයේ සිදුකරන ලද කැනීමකදී අනුරාධපුර අවසන් යුගයට අයත්, සිව්වන උදය රජුට අයත් සෙල්ලියක් හමු වූ බව වව්නියාව පුරාවිද්‍යා නිලධාරී කාර්යාලය පවසයි.

17 December 2020

ශ්‍රේෂ්ඨාධිකරණයේ ගින්න ගැන 70 දෙනෙකුගෙන් සාක්කි අරන්

කොළඹ අලුත්කඩේ උපරිමාධිකරණ සංකීර්ණයේ ඉකුත් 15 වැනිදා ඇතිවූ ගින්න සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරීන් විසින් උපරිමාධිකරණ සංකීර්ණයේයේ සිදුකරන විමර්ශන කටයුතු වලදී මේවනවිට පුද්ගලයින් 70 දෙනෙකුගේ සාක්කි සටහන් කර ගෙන ඇතැයි උපරිමාධිකරණ සංකීර්ණයේ ප්‍රධාන විධායක නිලධාරී මේජර් ජනරාල් ඩබ්ලිව්.ඩී.එල්.සී වික්‍රමසිංහ මහතා ලංකාදීපයට අද (17) පැවසීය.

17 December 2020

කටුනායක මස් සැකසීමේ මධ්‍යස්ථානය අකුළා නොගත්තොත් හිමිවරු පෙරට එනවා

මස් සැකසුම් මධ්‍යස්ථානය කටුනායක ඇරඹීමට පිහිටුවීමේ යෝජනාව වහා හකුලා ගන්නට රජය පියවර නොගතහොත් ගව ඝාතනයට එරෙහිව ජීවිතය පිදූ බෝවත්තේ ඉන්ද්‍රරතන හිමියන් වැනි ස්වාමින් වහන්සේලා ඊට එරෙහිව ඉදිරියට ඒම වැළැක්විය නොහැකි වනු ඇතැයි ජාතික විද්වත් සංඝ සභාවේ ප්‍රධාන අනුශාසක දක්ෂිණ ලංකාවේ ප්‍රධාන සංඝනායක ආචාර්ය ඕමල්පේ සෝභිත හිමියෝ පැවැසූහ.

17 December 2020

මාස 8 ට ඛණිජ තෙල් සංස්ථාවේ අලාභය කෝටි 440 යි

ලංකා ඛණිජ තෙල් නීතිගත සංස්ථාවේ ඉන්ධන අළෙවිය මේ වසරේ මුල් මාස 8 තුළදී 20% කින් පහත වැටී ඇතැයි රාජ්‍ය මූල්‍ය කළමණාකරණ දෙපාර්තමේන්තුව වාර්තා කරයි. මෙම කාලය තුළදී සංස්ථාවේ අලාභය රුපියල් බිලියන 4.4 ක් හෙවත් කෝටි 440 කි.

17 December 2020

කොරෝනා වයිරසය පාලනයට ශ්‍රී ලංකාවට යුරෝ මිලියන 2 ක්

‘කොවිඩ්-19’ වයිරසයෙන් සිදුව තිබෙන බලපෑම අඩු කිරීම සඳහා යුරෝපා සංගමය ශ්‍රී ලංකාවට යූරෝ මිලියන දෙකක මූල්‍ය ආධාරයක් කර තිබේ.

17 December 2020

දේශීය ඔසු ගැන විශ්වාසය කාලිමෑණියන්ගේ පුවතින් බිඳ වැටුණා

කොරෝනා වයිරසය නසන දේශීය ඔසුවක් සොයා ගත් බව සැලවූ විට විශාල විශ්වාසයක් ඇති වු නමුත් කාලි මෑණියන්ගේ සම්බන්ධයක් ඊට ඇතැයි එය සොයාගත් පිරිස මාධ්‍ය ඔස්සේ කියනු දුටු වහා එම විශ්වාසය නැතිව ගිය බව ජාතික විද්වත් සංඝ සභාවේ ප්‍රධාන අනුශාසක දක්ෂිණ ලංකාවේ ප්‍රධාන සංඝනායක ආචාර්ය ඕමල්පේ සෝභිත හිමියෝ පැවැසූහ.

17 December 2020

ශ්‍රී ලංකන් කේටරින් මෙහෙයුම් අංශයේ සේවකයින් 08 දෙනෙකුට කොරෝනා

කටුනායක බණ්ඩාරනායක ජාත්‍යන්තර ගුවන්තොටුපළේ ශ්‍රී ලංකන් කේටරින් මෙහෙයුම් අංශයේ සේවකයින් 08 දෙනෙකුට කොවිඩ්-19 වෛරස ආසාදනය වී ඇති බවට ශ්‍රී ලංකන් ගුවන් සේවය තහවුරු කර සිටී.

17 December 2020

ප්‍රංශ ජනපතිට කොරෝනා

ප්‍රංශ ජනාධිපති එමානුවෙල් මැක්රෝන්ට ‘කොවිඩ්-19’ හෙවත් කොරෝනා වයිරසය ආසාදනය වී ඇතැයි එරට ජනාධිපති කාර්යාලය අද (17) නිවේදනය කළේය.

17 December 2020

සුවය ලැබූ ආසාදිතයන් 26,000 පනී

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි ආසාදිතයන් 701 දෙනෙකු සුවය ලබා අද (17) පිටව ගිය බව වසංගත රෝග විද්‍යා අංශය කියයි.

17 December 2020

කෝටි 38 ක ටින්මාළු චීනෙටම ආපසු යවයි

චීනයෙන් මෙරටට ආනයනය කර තිබූ වූ මිනිස් පරිභෝජනයට නුසුදුසු ආසනික් අඩංගු වූ ටින් මාළු මෙට්ට්‍රික් ටොන් 768 ක ප්‍රමාණයක් නැවතත් ප්‍රති අපනයනය කිරීමට රේගුව පියවර ගෙන ඇත .

17 December 2020

නැගෙනහිර පර්යන්තය ඉන්දියාවට බදු දීමට විරෝධය

වරාය වෘත්තීය සමිති එකමුතුව සංවිධනය කරන ලද නිහඩ විරෝධතාවයක් අද (17) කොළඹ කොටුව වරාය ඉදිරිපිට පැවැත්විණි.

17 December 2020

වැල්ලවත්තේ නෆීර්වත්ත හුදකලා කරයි

පවතින කොරෝනා වසංගත තත්ත්වය සැලකිල්ලට ගිනිමින් වැල්ලවත්ත පොලිස් වසමේ නෆීර්වත්ත ප්‍රදේශය මේ මොහොතේ සිට හුදකලා කිරීමට පියවර ගෙන ඇත.

17 December 2020

රාජ්‍ය නිලධාරීන් පාර්ලිමේන්තු ගෞරවයට හානි කරනවා

පාර්ලිමේන්තුවේ ගෞරවයට හා උත්තරීතර භාවයට හානි කරමින් ඇතැම් ජ්‍යෙෂ්ඨ රාජ්‍ය නිලධාරීන් හැසිරෙන ආකාරය ඉතාමත්ම පිලිකුල් සහගත බව සාධාරණ සමාජයක් සඳහා වන ජාතික ව්‍යාපාරයේ සභාපති හිටපු කථානායක කරු ජයසූරිය මහතා කොළඹදී පැවසීය.

17 December 2020

කොරෝනා ආසාදිත මවට සිව් නිවුන් දරු උපතක්

කොරෝනා ආසාදිත මවක් ද සොයිසා කාන්තා රෝහලේ දී නිවුන් දරුවන් සිව්දෙනකු අද (17) බිහි කළ බව රෝහල් අධ්‍යක්ෂක වෛද්‍ය සාගරී කිරිවන්දෙණිය මහත්මිය පැවසුවාය

17 December 2020

නිවිතිගල මැණික් පොළ යළි විවෘත කරයි

කෝවිඞ් 19 ආසාදිතයෙක් හමුවීමෙන් පසු, සතියකට වැඩි කාලයක් වසා දමා තිබූ නිවිතිගල මැණික් පොළ නිවිතිගල ප්‍රාදේශීය කෝවිඞ් මර්දන කමිටුවේ උපදෙස් මත අද (17) සිට යළි ව්‍යාපාරික කටයුතු සඳහා නැවත විවෘත කළ බව නිවිතගල මහජන සෞඛ්‍ය පරීක්‍ෂක කේ.බී.ඩී. සංජීව කුමාර මහතා පැවසුවේය.

17 December 2020

විදේශයන්හි සිරවී සිටින ශ්‍රමිකයින් ගෙන්වා ගැනීම නතර කරන්නේ නැ

මෙරටට පැමිණීමට අපේක්ෂාවෙන් සිටින විදෙස්ගත ශ්‍රමිකයින් ගෙන්වා ගැනීමේ වැඩපිළිවෙල ගුවන්තොටුපොළ විවෘත කිරීමෙන් පසුව වුවද අඛණ්ඩව ක්‍රියාත්මක කරන බව සංචාරක අමාත්‍ය ප්‍රසන්න රණතුංග මහතා අද (17) පැවසීය.

17 December 2020

රක්වාන සංචරණ සීමා ඉවත් කරයි

රක්වානේ පැවති මංගල්‍යය උත්සවයකින් පසු සිව් දෙනෙකුට කොරොනා ආසාදිතවිම නිසා තාවකාලිකව සංචරණ සීමාවන් පැනවු රක්වාන උක්වත්ත ප්‍රදේශයේ සංචරණ සීමාවන් ඉවත් කර තිබේ.

17 December 2020

අලුත්ගම වෙළඳසැල් පහක් වහයි

අලුත්ගම නගරයේ තවත් වෙළඳසැල් පහක් පොලිසිය සහ සෞඛ්‍ය අංශ එක්ව ඊයේ (16) දින සවස වසා දමා තිබෙන බව බේරුවල සෞඛ්‍ය වෛද්‍ය නිලධාරි කාර්යාලය අද (17) සඳහන් කරයි.

17 December 2020

රඹකැන් ඔය ආශ්‍රිත ඉඩම් ව්‍යාපාරිකයන්ට බදු දීලා

පොල්ලෙබැද්ද රඹකැන් ඔය ආශ්‍රිත වනාන්තර සහිත ඉඩම් මහවැලි අධිකාරිය විසින් ව්‍යාපාරිකයන්ට බදු දීම පිළිබඳව පරිසර යුක්ති කේන්ද්‍රය දැඩි විරෝධය පළකරයි.

17 December 2020

මිලේනියම් චැලේන්ජ්ලා දෙන්න ගිය බිලියන 89 ඉවත්කරගනී

ශ්‍රී ලංකාවට ලබාදීම සඳහා යෝජනා වී තිබුණු රුපියල් බිලියන 89ක මිලේනියම් චැලේන්ජ් කෝපරේෂන් (එම්.සී.සී.) සංවර්ධන ආධාර ප්‍රදානය නැවැත්වීමට එම්.සී.සී. අධ්‍යක්ෂ මණ්ඩලය තීරණය කර ඇතැයි කොළඹ ඇමෙරිකානු තානාපති කාර්යාලය නිවේදනය නිකුත් කරයි.

17 December 2020