එසැණ පුවත්

කරාපිටිය රෝහලේ 36 වාට්ටුවේ 20කට කොරෝනා

කරාපිටිය රෝහලේ 36 වාට්ටුවේ ප්‍රතිකාර ලබමින් සිටි 20 දෙනෙකුට කොරෝනා ආසාදනයවි ඇති බවට අද (29) තහවුරුවි ඇතැයි ගාල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය පවසයි.

29 April 2021

හිටපු පොලිස්පති මහින්ද බාලසූරිය දිවිගමනෙන් සමුගනී

හිටපු පොලිස්පතිවරයකු වූ මහින්ද බාලසූරිය මහතා කොළඹ පෞද්ගලික රෝහලකදී අද අභාවප්‍රාප්ත විය. මිය යන විට 76 වන වියෙහි පසු වූ ඒ මහතා ලංකාවේ 32 වැනි පොලිස්පතිවරයා විය.

29 April 2021

කළුතර රැඳවියන් 32කට කොරෝනා

කළුතර බන්ධනාගාරයේ රැදවියන් 32 කට කොවීඩ් 19 වයිරසය වැළඳී ඇති බවට තහවුරු වී ඇතැයි කළුතර සෞඛ්‍ය බළධාරියෙක් පැවැසීය .

29 April 2021

කොරෝනා හැඳුණැයි හතරක් නවාතැනෙන් දොට්ට

ගම්පහ, මිරිස්වත්ත ප්‍රදේශයේ තාවකාලික නවාතැන් පොලක සිටි සිවු දෙනකුට කොරෝනා වයිරසය ආසාදනය වී ඇති බවට තහවුරුවීමත් සමග එම සිවු දෙනා නවාතැන් පොලෙන් එළියට දැමීමේ පුවතක් ගම්පහ ප්‍රදේශයෙන් වාර්තා වෙයි.

29 April 2021

අර්ජුන් - අජාන් නැතිව බැඳුම්කර නඩුව විභාගයට

මහ බැංකුව විසින් භාණ්ඩාගාර බැදුම්කර නිකුත් කිරීමේදී රජයට රුපියල් කෝටි 1500 ක පමණ පාඩුවක් සිදුකළ බවට චෝදනා ලැබ සිටින හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන් 09 දෙනකුට එරෙහි නඩුවේ අධිකරණයට ඉදිරිපත් නොවී පැනගොස් සැගවී සිටින විත්තිකරුවන් දෙදෙනකු නොමැතිව මෙම නඩුව විභාග කිරීමට විශේෂ ත‍්‍රිපුද්ගල මහාධිකරණ විනිසුරු මඩුල්ල අද තීරණය කළේය.

29 April 2021

මාතලේ තරු පන්ති හෝටලයක ප්‍රධාන සුපවේදියාට කොරෝනා

මාතලේ ප්‍රධාන පෙළේ තරු පන්තියක හෝටලයක ප්‍රධාන සුපවේදියාට සහ මානව සම්පත් අංශයේ සේවකයකුට කොරෝනා ආසාදන වි ඇති බව මහජන සෞඛ්‍ය පරික්ෂක නිලධාරිහු කියති.

29 April 2021

සෞදි රැඳවුම් බාරයේ සිටින හැත්තෑවක් ඉදිරි දිනවල දිවයිනට

සෞදි අරාබියේ රියාද් හී තර්හීල් කඳවුරේ සෞදි බලධාරීන්ගේ රැදවුම් බාරයේ සිටි ශ්‍රී ලාංකික ශ්‍රමිකයින් 98 දෙනා ගෙන් 70 දෙනකු ඉදිරි දින කිහිපයේදී කණ්ඩායම් වශයෙන් දිවයිනට පිටත් කර හැරීමට සෞදි රජය පියවර ගන ඇතැයි එරට ශ්‍රී ලංකා තානාපති කාර්යාලය පවසයි.

29 April 2021

කොළඹ කෞතුකාගාරයත් වහයි

කොළඹ ජාතික කෞතුකාගාරයේ නිලධාරින් පිරිසකට කොවිඞ් 19 වයිරසය ආසාදනය වීම නිසා කෞතුකාගාරගය සති දෙකකට වසා දැමීමට එහි පාලනාධිකාරිය පියවර ගෙන ඇත.

29 April 2021

නගරාන්තර හා දුරගමන් සේවා දුම්රිය රැසක් මැයි 1 සිට අවලංගු කරයි

නගරාන්තර හා දුරගමන් සේවා දුම්රිය වාර රැසක් අනිද්දා (1) සිට අවලංගු කර ඇතැයි දුම්රිය දෙපාර්තමේන්තුව පවසයි. කොවිඩ් 19 වසංගත තත්වය හමුවේ දුර ගමන් සේවා දුම්රියන්හි ආසන වෙන්කිරීම අවම මට්ටමක පැවතීම නිසා මෙම තීරණය ගත් බව එම දෙපාර්තමේන්තුව සඳහන් කරයි.

29 April 2021

විෂ පොල්තෙල් සමාගමට නඩු

ප‍්‍රමිතියෙන් තොර පොල්තෙල් වෙළෙදපොලට නිකුත් කළ බවට චෝදනා එල්ල වී ඇති ප‍්‍රධාන පොළේ පොල්තෙල් සමාගමට එරෙහිව ලබන අඟහරුවාදා (4 වැනිදා* මාලිගාකන්ද අධිකරණයේ නඩු පවරන්නේ යැයි සමූපකාර සේවා, අළෙවි සංවර්ධන සහ පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතා පවසයි.

29 April 2021

ආගමික ස්ථානවල රැස්වීම් සීමාකරයි

සියලු ආගමික ස්ථානවල පවත්වන සාමූහික ක්‍රියාකාරකම් සීමාකළ යුතු යැයි සෞඛ්‍ය සේවා අධ්‍යක්ෂ ජනරාල්වරයා නිවේදනයක් නිකුත් කරමින් සඳහන් කරයි.

29 April 2021

කොරෝනා ආසාදිතයෝ මේ වන විට 1077ක්

කොවිඩ් -19 වයිරසය ආසාදනය වූ 1,077 ‍දෙනකු අද (29) දිනයේ හඳුනාගෙන ඇත.

29 April 2021

ප්‍රා සභාපති කැබිතිගොල්ලෑව එම්.ඕ.එච්ට ගොරවයි

කොරෝනා වයිරසය ආසාදිතයන් හඳුනා ගැනීම සඳහා කැබිතිගොල්ලෑව නගරයේ පී.සී.ආර් පරික්ෂණ සිදු කරමින් සිටියදී කැබිතිගොල්ලෑව ප්‍රාදේශීය සභා සභාපති තම රාජකාරියට බාධා කරමින් තර්ජන කර බැණ වැදුණේ යැයි කැබිතිගොල්ලෑව සෞඛ්‍ය වෛද්‍ය නිලධාරි වෛද්‍ය චරින්ද ද සිල්වා මහතා අනුරාධපුර පොලිසියට පැමිණිල්ලක් කර ඇත.

29 April 2021

‘‘හමුදා ගොඩනැගිලි,සංචාරක හෝටල් කොරෝනා ප්‍රතිකාර මධ්‍යස්ථානවලට ගන්නවා‘‘

යුද හමුදාවේ ගොඩනැගිලි සහ සංචාරක හෝටල්ද කොවිඩ් රෝගීන්ට ප්‍රතිකාර ලබා දෙන මධ්‍යස්ථාන වශයෙන් ඉදිරියේදී යොදා ගැනීමට සැලසුම් කර ඇතැයි කොවිඩ් 19 පාලනය කිරීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති යුද හමුදාපති ජෙනරාල් ශවේන්ද්‍ර සිල්වා මහතා පවසයි .

29 April 2021

දරුවන් අතර පැතිරෙන වයිරස් උණක්

මේ දිනවල ළමයින් අතර වයිරස් උණ රෝගයක් පැතිර යන බව කොළඹ රිජ්වේ ආර්යා ළමා රෝහලේ ළමා රෝග විශේෂඥ වෛද්‍ය දීපාල් පෙරේරා මහතා පවසයි.

29 April 2021

රාජ්‍ය ඉංජිනේරු සංස්ථාවේ ප්‍රධාන කාර්යාලයේ නොසන්සුන්කාරී තත්වයක්

අප්‍රේල් මස වැටුප් නොගෙවීමට විරෝධය දක්වමින් රාජ්‍ය ඉංජිනේරු සංස්ථාවේ ප්‍රධාන කාර්යාලයේ සේවකයන් පිරිසක් එහි සභාපති නීතීඥ රත්නසිරි කළුපහන මහතාගේ කාර්යාලය වට කරමින් අද (29) පෙරවරුවේ විරෝධතාවක් දැක්වූහ.

29 April 2021

ජනාධිපති මාධ්‍ය ප්‍රකාශක කිංස්ලි රත්නායක

ප්‍රවීන නිවේදකයකු වන කිංස්ලි රත්නායක මහතා ජනාධිපති මාධ්‍ය ප්‍රකාශක ලෙස පත් කරනු ලැබ සිටි.

29 April 2021

නිවාස අධිකාරියේ ලොක්කෝ දෙදෙනෙක්ට කොරෝනා

නිවාස සංවර්ධන අධිකාරියේ සාමාන්‍යධිකාරීවරයාට සහ නියෝජ්‍ය සාමාන්‍යාධිකාරීවරයකුට කොරෝනා ආසාදනය වී ඇතැයි වාර්තා වෙයි.

29 April 2021

ඇන්ටිජන් කරන්න පොලිසිය ආවත්: සෞඛ්‍ය අංශ නෑ

බස්නාහිර පළාතෙන් පිටවන සහ එම පළාතට ඇතුළුවන්නන් ස්ථාන 12කදී අහඹු ලෙස ඇන්ටිජන් පරීක්ෂාවනට ලක් කරන බවට ප්‍රකාශ වුව ද අද ස්ථන කීපයක එම කටයුතු සිදු නොවූ බව වාර්තා වෙයි.

29 April 2021

ගම්පහට තවත් ප්‍රතිකාර මධ්‍යස්ථාන දෙකක්

ගම්පහ දිස්ත්‍රික්කයේ කොරෝනා ආසාදිතයින් ඉහළයාම හේතුවෙන් දිස්ත්‍රික්කය තුළ තවත් කොරෝනා ප්‍රතිකාර මධ්‍යස්ථාන දෙකක් පිහිටුවීමට පියවර ගෙන ඇතැයි සංචාරක අමාත්‍ය ප්‍රසන්න රණතුංග මහතා පවසයි.

29 April 2021

‘‘ජාත්‍යන්තර මුහුදේදී කා සමගවත් සබඳතා එපා‘‘

කොරෝනා ව්‍යාප්තිය හේතුවෙන් ජාත්‍යන්තර මුහුදේදී ඉන්දීය ධීවරයින් සමග සබඳතා පැවැත්වීමෙන් වළකින්නැයි ධීවර දෙපාර්තමේන්තුව උතුරේ ධීවරයින්ගෙන් ඉල්ලා සිටී.

29 April 2021

ක්‍රිකට් ආයතනයේ සේවකයෙක් අයි.සී.සී බාරයට

ශ්‍රී ලංකාව ක්‍රිකට් ආයතනයේ සේවකයකු අන්තර් ජාතික ක්‍රිකට් සභාවේ දුෂණ මර්ධන ඒකකයේ නිලධාරීන්ගේ බාරයට මීට සුළු වේලාවකට පෙර ගත් බව වාර්තා වෙයි.

29 April 2021

නුවරඑළියේදී බසයක් ප්‍රපාතයකට: 15ක් රෝහලට

නුවරඑලිය හයිපොරස්ට් සිට රාගල නගර දක්වා ධාවනය වු පෞද්ගලික බස් රථයක් මහතුඩුගල දී මාර්ගයෙන් ඉවතට ප්‍රපාතයෙන් පෙරලිමෙන් එම බස් රථයේ ගමන් ගත් මගින් 15 දෙනකු නුවරඑලිය මහ රෝහලට සහ හයිපොරස්ට් ප්‍රාදේශිය රෝහලට ඇතුලත් කළ බව රාගල පොලිසිය පවසයි.

29 April 2021

ගත වූ විසි හතර පැයේ මහනුවරින් ආසාදිතයෝ 88ක්

මහනුවර දිස්ත්‍රික්කයෙන් ඉකුත් විසි හතර පැයේ කොවිඩ් 19 වයිරසය ආසාදිතයන් 88 දෙනකු වාර්තා වී ඇති බව මහනුවර දිස්ත්‍රික් සෞඛ්‍ය සේවා දෙපාර්තමේන්තුව පවසයි.

29 April 2021

‘‘වැසිය යුතු ප්‍රදේශ ක්ෂණිකව වහනවා‘‘

කොවිඩ් ව්‍යාප්තිය හමුවේ රට තිබෙන්නේ තීරණාත්මක සන්ධිස්ථානයක යයි කොවිඩ් 19 වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පැවසීය.

29 April 2021

වාරියපොළ ප්‍රාදේශීය සභාව වහයි

වාරියපොල ප්‍රාදේශීය සභාවේ සේවිකාවකට කොවිඩ් වයිරසය ආසාදනය වී ඇති බවට හදුනා ගැනීම හේතුවෙන් ප්‍රාදේශීය සභාවේ ප්‍රධාන කාර්‍යාලය අද (29) උදෑසන වසා දැමූ බව එහි සභාපති ඩී.එම්.ටී.බී. දිසානායක මහතා පැවසීය.

29 April 2021

කේරළ ගංජා කිලෝ 240කට ගිනි තබයි

යාපනය මාදගල් ප්‍රදේශයේ මුහුදු වෙරලේ තිබූ බෝට්ටුවක සඟවා තිබූ රුපියල් කෝටි පහකට ආසන්න වටිනාකමින් යුතු කේරල ගංජා කිලෝ 240 ග්‍රෑම් 950 ක ප්‍රමාණයක් සොයාගත් බව නාවික හමුදාව පවසයි.

29 April 2021

ත්‍රිකුණාමලයේ කෝවිඩි ඉහළ යයි

ත්‍රිකුණාමල දිස්ත්‍රික්කයේ කොවිඩ් 19 ආසාදිතයන් සංඛ්‍යාව ඉහල යැමත් සමග තවත් ග්‍රාමනිලධාරි වසම් හයක් හුදෙකලා කිරිමට කටයුතු කල බව දිසාපති සමන් දර්ශණ පාඩිකෝරාල මහතා පවසයි.

29 April 2021