උතුරු කොරියානු ජනපති රුසියාවේ සංචාරයක
උතුරු කොරියානු නායක කිම් ජොන් උන් මහතා සංචාරය සඳහා රුසියාවට ගොස් ඇති බව විදෙස් මාධ්‍ය වාර්තා කරයි.
රුසියානු ජනපති ව්ලද්මිර් පුටින් මහතා සමඟ සිය ප්‍රථම සාකච්ඡාව පැවැත්වීම සඳහා උතුරු කොරියානු නායකයා රුසියාවට ගොස් ඇති බව සඳහන් වේ.
ඇමරිකානු ජනපති හා උතුරු කොරියානු ජනපති අතර සාකච්ඡා බිඳ වැටීමෙන් පසු මෙම සාකච්ඡා සඳහා දින නියම කෙරිණි.
මෙහිදී දෙරට අතර න්‍යෂ්ටික ප්‍රතිපත්තිය සම්බන්ධව ප්‍රධාන වශයෙන් සාකච්ඡා කෙරෙනු ඇති නමුත් දෙපාර්ශවයේම න්‍යායපත්‍ර වල බොහෝ නොගැළපීම් තිබෙන බව මාධ්‍ය වාර්තා කර ඇත.
සෝවියට් දේශය, උතුරු කොරියාවේ ප්‍රධාන මිතුරු රටක් වන අතර ආධාර, සංස්කෘතික හුවමාරු සහ ආර්ථික සහයෝගිතා මගින් දෙරට අතර දැඩි සබඳතා පවතී.
දෙරට නායකයින් අතර අවසන් වරට සම්මුඛ සාකච්ඡාවක් පවත්වා ඇත්තේ 2011 වසරේදී වන අතර ඒ සාකච්ඡාව පැවතියේ කිම් මහතාගේ පියා වන කිම් ජොන් ඉල් මහතා හා එවකට රුසියානු ජනපති දිමිත්‍රි මෙන්ඩයෙව් මහතා අතර ය.
(බිබිසි ඇසුරිණි - 085)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
