ඉරානයේ වයඹ දිග ප්‍රදේශයේ හටගත් භූ කම්පනයකින් හතරදෙනකු මියගොස් 70කට අධික පිරිසක් තුවාල ලබා ඇතැයි වාර්තා වේ.

ඇමරිකානු භූ විද්‍යා සමීක්ෂණාගාරය පවසන්නේ ආර්ඩාබිල් නගරයට කිලෝමීටර් 83ක් උතුරින් රිච්ටර් මාපාංක 5.8ක කම්පනයක් හටගෙන ඇති බවයි.

හටගත් කම්පන හේතුවෙන් බොහෝ පිරිස් නිවාසවලින් පිටතට දිවගිය බවද ගොඩනැගිලි හා ගස් කඩාවැටීම් හේතුවෙන් අනතුරු සිදුවී ඇති බවද ඉරාන මාධ්‍ය වාර්තා කරයි.

කම්පන කේන්ද්‍රය කිලෝමීටර් 10ක් පමණ ගැඹුරේ පිහිටා තිබූ හෙයින් ප්‍රබල කම්පන හටගෙන ඇති අතර මිලියන 20ක පමණ ජනතාවකට මෙම කම්පන දැනුණු බව සඳහන් වේ.
 
(රොයිටර් පුවත් ඇසුරිණි - 085)