(ඩබ්. ඒ. පියතිලක)
හිඟුරක්ගොඩ ප්රාදේශීය ලේකම් කොට්ඨාසයේ යුදගනාව පළුවද්දන ගම්මානයට පිවිසීම සඳහා ඇති මාර්ගයේ පාලමේ ඉදිකිරීම් වසරක පමණ කාලයක් නවතා දමා ඇතැයිද මේ හේතුවෙන් ගම්මාන රැසක ජනතාව දැඩි අපහසුතාවයකට ලක්ව ඇති බව ගම්වැසියෝ කියති.
මෙම පාලම ඉදිකරන මාර්ගය ගල්ඔය, රොටවැව, මින්නේරිය, පාළුවැව, ධීවර ගම්මානය, විහාරගම සහ දිවුලන්කඩවල යන ගම්මාන සඳහා ජනතාව භාවිත කරන බව ද ඔවුහු කියති.
හිඟුරක්ගොඩ යුදගනාව පළුවද්දන අංක 35 ග්රාමසේවක වසමේ වාරි මාර්ග වාන අසළ මෙම පාලම ඉදිකිරීම ඉකුත් වසරේ ආරම්භ කර ඇති නමුත් කොන්ත්රාත්කරුවන් මාස කිහිපයකට පසු ඉදිකිරීම් කටයුතුවලින් ඉවත්ව ගොස් තිබේ. ඉදිකිරීම් නතරවීම හේතුවෙන් අවට ගම්වාසීන්ට සහ පාසල් දරුවන්ට කිලෝමීටර් හතක් පමණ දුරකින් යාමට සිදුව ඇති බව ගම්වාසීහු කියති.
ආර්. ඒ. එන්. ප්රියලාල් මහතා මෙසේ කීය.
“මේ පාලම ගිය අවුරුද්දේ හදන්න ගත්තා. මෙතන ඉස්සර ඉදලාම වර්ෂා කාලයට යන්න බැහැ. වාන් ඇරපු ගමන් යටවෙනවා. ඒ නිසා මෙතෙන්ට පාලමක් හදන්න අනුමැතිය ලැබී තිබුණා. නමුත් එකපාරටම කොන්ත්රාත්කාරයෝ පාලමේ වැඩ අතර මග නවත්වලා යන්න ගියා. යකඩ ඇතුළු උපකරණ මළකඩ කලා විනාශ වෙලා. දැන් එතෙන මාරු කපොල්ලක් වෙලා. මොකද එම අඩි 16ක් විතර යටට වතුර වළවල්, කම්බි කූරු. ළමයෙක් එතනින් යවන්නත් බයයි. පාලම හදනවාට ඒ අයිනෙන් තාවකාලික පාරක් හදලා දුන්නෙත් නැහැ. අපි කියන්නේ පාලම ඉක්මනට හදලා දෙන්න කියලායි.
පාලමේ වැඩ නතර වුණේ ඇයි කියලා අහන්න අපි ප්රාදේශීය ලේකම් කාර්යාලයට ගියාම ලේකම්තුමිය කිව්වා අපි නෙවෙයි පාලම හදන්නේ වාරි මාර්ග දෙපාර්තමේන්තුවෙන් කියලා. මින්නේරිය වාරි මාර්ග දෙපාර්තමේන්තුවට ගියා. ඔවුන් කියනවා අපි නෙවෙයි හදන්නේ කවුද හදන්නේ කියලා හොයලා බලන්නම් කියලා. ගමේ රාජ්ය නිලධාරීන් 5ක් විතර ඉන්නවා. කිසිම කෙනෙක් දන්නේ නැතුව කොහොමද ගම්වල සංවර්ධන කටයුතු කරන්නේ. ඒ අයගේ කිසිදු අධික්ෂනයක් නැතුව මහජනතාවගේ මුදල් විනාශ කරන්නේ කොහොමද? ” යැයි කීය.
මේ සම්බන්ධයෙන් ප්රාදේශීය ලේකම් ආර්. එම්. ඩී. පී. පුෂ්ප කුමාරි මහත්මියගෙන් විමසීමේදී ඇය පවසා සිටියේ ඒ ඉදිකිරීම් වාරි මාර්ග දෙපාර්තමේන්තුවෙන් කරනා බවය.
මින්නේරිය වාරි මාර්ග දෙපාර්තමේන්තුවේ වාරි ඉංජිනේරු අංජන අඹේසිංහ මහතාගෙන් විමසීමේදී ඔහු මෙසේ කීය.
“අපි දන්නේ නැහැ එක කවුද පාලම ඉදිකරන්නේ කියලා. ඒ ගමේ අය ආවා පාලම ගැන කියන්න. මං කිව්වා අපි නෙවේ ඒ පාලම හදන්නේ ඒ පිළිබඳව හොයලා බලලා කියන්නම් කියලා” යැයි ඉංජිනේරුවරයා පැවැසුවේය.
වැරදි කළ විට ඊට නීතිය ක්රියාත්මක කිරීමට රාජ්ය නිලධාරීන් සිටින රටේ ගමක අක්රමවත්ව සංවර්ධන කටයුත්තක් සිදුවන විට ඒ ගැන කිසිදු රාජ්ය නිලධාරියකු නොදැන සිටීම පුදුමයක් බව ජනතාව කීහ.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිඟුරක්ගොඩ පාලමක ඉදිකිරීම් වසරක් තිස්සේ නැවතිලා
sam Wednesday, 29 January 2020 02:46 AM
කවුද පළාතේ මන්ත්රී. ඔහුට හෝ ඇයටවත් කියලා බලන්න. ඡන්දයක් ළඟ එන නිසා මොන පක්ෂය වුනත් හොයාවි.