(අජිත්ලාල් ශාන්තඋදය සහ ජයන්ත නානායක්කාර)
වසර නවයකට පෙර අධිකරණයේ රැඳවුම් නියෝග මත ඇඹිලිපිටිය පොලිසිය භාරයේ සිටි සැකකරුවෙකු මියයාම සම්බන්ධයෙන් නීතිපති උපදෙස් නොමැතිව වසර හයක කාලයක් තිස්සේ බහා ඇති නඩුවක් ලබන ජනවාරි 06 දින යළි කැඳවීමට නියෝග කළ ඇඹිලිපිටිය ප්රධාන මහේස්ත්රාත් ඒ.පී.ආර්.එල් විදානගමගේ මහත්මිය එදින අධිකරණයේ පෙනී සිටින ලෙස පැමිණිල්ල ඉදිරිපත් කළ ඇඹිලිපිටිය පොලිසියට අද (19) නොතීසි නිකුත් කළාය.
මෙසේ මියගොස් තිබුණේ ඇඹිලිපිටිය මොරකැටිය පාරේ පදිංචි රන්මුකගේ අජිත් ප්රසන්න නොහොත් හීන්මල්ලී නැමැති 32 හැවිරිදි පුද්ගලයෙකි.
මෙම තැනැත්තාගේ මරණය සම්බන්ධයෙන් ඔහුගේ බිරිඳ ශ්රේෂ්ඨාධිකරණයට ඉදිරිපත් කළ මූලික අයිතිවාසිකම් පෙත්සමක තීන්දුව ලබාදීමෙන් පසු නීතීඥ අරවින්ද සමරසිංහ මහතා විසින් ඉදිරිපත් කළ මෝසමක් සළකා බැලීමෙන් පසු ඇඹිලිපිටිය ප්රධාන මහේස්ත්රාත්වරිය මෙම නියෝගය කළාය.
මෝසම අනුව නඩුව යළි කැඳවු අවස්ථාවේ නීතීඥ එස්.වෙල්ලපිලි මහතා අධිකරණයට කරුණු දක්වමින් රන්මුකගේ අජිත් ප්රසන්න යන අය ඝාතනය සිද්ධිය සම්බන්ධයෙන් නීති උපදෙස් පතා එම උපදෙස් ලැබෙන තෙක් ඇඹිලිපිටිය මහේස්ත්රාත් අධිකරණයේ කැඳවු බීආර් 1233/10 යන නඩුව බහා තැබීමට ප්රධාන මහේස්ත්රාත්වරයා නියම කර තිබූ බව කීවේය.
එම කාලයේ ප්රධාන මහේස්ත්රාත්ව සිටියේ බන්දුල කරුණාරත්න මහතාය.
එදින සිට මෙතෙක් එම නඩුව කැඳවීමක් සිදු නොවීය. එහෙත් මරණකරුගේ බිරිඳ විසින් ශ්රේෂ්ඨාධිකරණයට ඉදිරිපත්කළ මූලික අයිතිවාසිකම් පෙත්සමේ තීන්දුව පසුගිය 17 වැනිදා ප්රකාශයට පත් කරන ලදී.
එම තීන්දුව අනුව ඔවුන්ගේ මූලික අයිතිවාසිකම් කඩවී ඇතිබව ත්රිපුද්ගල ශ්රේෂ්ඨාධිකරණ විනිසුරු මඩුල්ල තීරණය කර තිබුණි.
ඒ අනුව ඇය විසින් ඉදිරිපත් කළ මූලික අයිතිවාසිකම් පෙත්සමේ වගඋත්තරකරුවන් ලෙස නම්කර තිබූ පොලිස් නිලධාරීන් හත් දෙනෙකුට සිය පෞද්ගලික මුදලින් රුපියල් දශ ලක්ෂ හැත්තෑපන් දහසක් සහ රජයෙන් රුපියල් දශ ලක්ෂයක වන්දියක් ගෙවන ලෙස නියෝග කර තිබුණි.
එම මුලික අයිතිවාසිකම් පෙත්සමේ වගඋත්තරකරුවන් දහ දෙනෙක් නම්කර තිබුණි.
සිද්ධිය වූ වකවානුවේ ඇඹිලිපිටිය පොලිසියේ අපරාධ අංශයේ ස්ථානාධිපති පොලිස් පරීක්ෂක නිරෝෂන් අබේකෝන්, පොලිස් සැරයන් සුරවීර ආරච්චිලාගේ වසන්ත, කොස්තාපල් හේවා සිංගපුලිගේ චමින්ද, කොස්තාපල් පුෂ්පකුමාර, ඇඹිලිපිටිය පොලිස්ථානාධිපති පොලිස් පරීක්ෂක පීටර්, ඇඹිලිපිටිය මූලස්ථාන පොලිස් පරීක්ෂක විජිත කුමාර, ඇඹිලිපිටිය සහකාර පොලිස් අධිකාරී ආනන්ද සමරසේකර, පොලිස්පති මහින්ද බාලසූරිය, ඇඹිලිපිටිය රෝහලේ අධිකරණ වෛද්ය නිලධාරිව සිටි උත්පල ආටිගල සහ නීතිපතිවරයා ලෙස පිළිවෙලින් වගඋත්තරකරුවන් ලෙෂ නම් කර තිබුණි.
අටවෙනි වගඋත්තාරකාර පොලිස්පති මහින්ද බාලසූරිය මහතාගේ නම පසුව සංශෝධනය කර පොලිස්පති පූජිත ජයසුන්දර මහතාගේ නම් ඊට ඇතුළත් කර තිබුණි.
එම තීන්දුව ලැබීමෙන් පසු එය පාදක කරගෙන ඇඹිලිපිටිය මහේස්ත්රාත් අධිකරණයේ බහා තබා ඇති නඩුව කැඳවන ලෙස මෝසමක් මගින් අද ඉල්ලා සිටියේය.
නීතීඥ එස්.වෙල්ලපිලි මහතා අධිකරණයට කරුණු දක්වමින් සඳහන් කළේ ශ්රේෂ්ඨාධිකරණ තීන්දුව අනුව සැකකරුවන් සම්බන්ධයෙන් ගැටලුවක් පැන නොනගින බවයි. එම නිසා සැකකරුවන්ට එරෙහිව නඩු පැවරිය හැකි නිසා මෙම නඩුව යළි විභාග කරන ලෙස ද ඉල්ලා සිටියේය.
මේ වනවිට ඉහත වගඋත්තරකරුවන් ඇඹිලිපිටිය පොලිස්ථානයේ සේවයෙන් ස්ථාන මාරු ලබා ඇති අතර කිහිප දෙනෙක් විශ්රාම ද ලබා ඇත.
නීතීඥවරයාගේ ඉල්ලීම සැලකිල්ලට ගත් ප්රධාන මහේස්ත්රාත්වරිය එකී නඩුවේ පැමිණිල්ල ඉදිරිපත් කළ ඇඹිලිපිටිය පොලිසියට 2020 ජනවාරි 06 දින අධිකරණය හමුවේ පෙනී සිටන ලෙස නොතීසි නිකුත්කරන ලෙස නියම කළාය. එමෙන්ම නියෝගයේ පිටපත් නීතිපතිවරයා වෙත යැවීමට ද නියම කළාය.
මියගිය රන්මුකගේ අජිත් ප්රසන්න යන අය 2010 ජුලි මාසයේ 18 දින ඇඹිලිපිටිය හුළංදාව ප්රදේශයේදී මෝදක ශාන්ත නැමැත්තා වෙඩිතබා ඝාතනය කිරීමේ සිද්ධියක් සම්බන්ධව කළ විමර්ශන අනුව ප්රශ්න කිරීම සඳහා තවත් පුද්ගලයන් දෙදෙනෙකු සමඟ ඇඹිලිපිටිය පොලිසිය විසින් අත්අඩංගුවට ගනු ලැබ තිබුණි.
මියගිය තැනැත්තා වැඩිදුර තොරතුරු ලබා ගැනීම සඳහා අධිකරණයේ රැඳවුම් නියෝගමත පොලිසියේ රඳවා තිබුණි.
මොදරවානේ පිහිටි කෙසෙල් ඉඩමක පාලු නිවසක සඟවා තිබූ ගිනිඅවියක් පෙන්වීමට 2010 ජුලි මාසයේ 18 දා රාත්රී 11 ට පමණ පොලිසිය සතු වෑන් රථයකින් මරණකරුව රැගෙන යද්දී මොදරවාන ප්රදේශයේදී වෑන්රියේ ගමන්ගත් පොලිස් කොස්තාපල් චාමින්ද අත තිබු ගිනිඅවිය උදුරාගැනීමට එම පොලිස් නිලධාරියා සමඟ පොර බදද්දී මරණකරුට වෙඩිවැදී ඇති බව පවසමින් පොලිසිය එදිනම රාත්රී මරණකරුව රෝහල් ගතකර තිබුණි.
සැකකරු රෝහලේ දි මියගොස් තිබුණි. සිද්ධියේදී චාමින්ද නැමැති කොස්තාපල්වරයාට තුවාල සිදුවූ බව පවසා ඔහුද රොහල් ගත කර තිබුණි.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වසර 9 කට පෙර සැකකරුවෙක් මියයාමේ නඩුවක් යළි කැඳවන්න නියෝග