(ශාන්ත ප්‍රදීප් කුලරත්න)
 
කළුබෝවිල මංගල මාර්ගයේදී රුපියල් ලක්ෂ 6ක් වටිනා කේරළ ගංජා කිලෝ තුනයි ග්‍රෑම් 370ක් සමඟ පුද්ගලයකු අද(27) අත්අඩංගුවට ගත් බව කොහුවල පොලිසිය කියයි.

අත්අඩංගුවට ගත් සැකකරු  බඩෝවිට පදිංචි 32 හැවිරිදි අයෙකි.

කේරළ ගංජා තොගයක් ප්‍රවාහනයට කරන බවට කොහුල පොලිසිය ලද තොරතුරක් අනව මොහු අත්අඩංගුවට ගෙන ඇත.
 
සැකකරු මීට පෙරද හෙරොයින් ජාවාරම සම්බන්ධයෙන් වසර 4ක් බන්ධනාගාර ගතව සිට නිදහස්ව ආ අයෙකු බවද පොලිසිය පවසයි.
 
සැකකරුගේ ගමන් මල්ලේ තිබී කේරළ ගංජා සහිත පාර්සල් දෙකක් තිබූ බව පොලිසිය කියයි.
 
සැකකරු මාරවිල ප්‍රදේශයෙන් කේරළ ගංජා ගෙනැවිත්, බඩෝවිට නිවසකදී පැකට් කර තොග වශයෙන් බෙදාහරින බවටද කළුබෝවිල, දෙහිවල,  අත්තිඩිය, බොරලැස්ගමුව, ගල්කිස්ස ඇතුළු ප්‍රදේශ රැසකට ගංජා බෙදාහැර ඇතැයිද කරුණු අනාවරණය වී ඇත.