2021 මැයි මස 06 වන බ්රහස්පතින්දා
රිය අනතුරකින් හමුදා කෝප්‍රල් මරුට
(සඳලංකාව-හේමලතා ඩී හේවගේ)
ශ්‍රී ලංකා යුද හමුදා ගැමුණු හේවා බල ඇණියට අනුයුක්ත මතුගම කඳවුරේ සේවය කරන ලාන්ස් කෝප්‍රල් වරයෙකු ගමන්ගත් යතුරුපැදියක් අද (21) උදෑසන මීගමුව - කුරුණෑගල ප්‍රධාන මාර්ගයේ බෝපිටිය මංසන්ධියේදී ලොරි රථයක ගැටීමෙන් යතුරුපැදිකරු බරපතල තුවාල ලබා දඹදෙනිය මූලික රෝහලට ඇතුලත් කිරීමෙන් පසු මියගොස් ඇතිබව ගිරිඋල්ල පොලීසිය කියයි.
මෙසේ අනතුරින් මියගොස් ඇත්තේ මැදිරිගිරිය දර්ශනපුර නවනගරයේ පදිංචි 37 හැවිරිදි බොරැල්ලේගෙදර අශෝක කුමාර චන්ද්‍රරත්න නැමති දෙදරු පියෙකු බවද සඳහන්වේ.
මියගිය සෙබලා තම ගම්ප්‍රදේශයේ සිට යතුරුපැදියෙන් රාජකාරී කටයුතු සඳහා යන අතරතුරදී මෙම අනතුරට මුහුණදෙන්න ඇති බවට පොලීසිය සැකකරන බවද පොලීසිය පවසයි.
අනතුර සිදුකල කොච්චිකඬේ බම්බුකුලිය ප්‍රදේශයේ පදිංචි ලොරි රථයේ රියදුරු අත්අඩංගුවට ගෙන ඇති අතර, ගිරිඋල්ල පොලිස් ස්ථානාධිපති ප්‍රධාන පොලිස් පරීක්ෂක ඊ.ඒ.පී සමරකෝන් මහතාගේ උපදෙස් මත රථවාහන අංශය වැඩිදුර පරීක්ෂණ පවත්වයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
