රොමේෂ් මධුෂංඛ

 

කිලිනොච්චිය මුරුගණ්ඩි මන්සන්ධියේ දී සිදු වූ යතුරුපැදි අනතුරකින් තරුණයින් දෙදෙනෙකු මිය ගොස් ඇතැයි කිලිනොච්චිය පොලීසිය පවසයි.

ඒ-9 මාර්ගයේ අධික වේගයකින් තරුණයින් දෙදෙනෙකු ගමන් ගත යතුරුපැදිය කිලිනෝච්චිය මුරුගණ්ඩි මන්සන්ධියේ දී නවතා තිබූ පෞද්ගලික බස් රථයක පිටුපස වැදීමෙන් මෙම අනතුර සිදුව ඇති බව අනාවරණය වී ඇත.

අධික වේගය හේතුවෙන් නවතා තිබූ බස් රථය පසුකර යාමට ගත් උත්සහයක දී වේගය පාලනය කර ගැනීමට නොහැකිව බස් රථයේ පටුපස ගැටීමෙන් මෙම අනතුර සිදුව ඇති බවටත් බරපතල තුවාල ලැබූ තරුණයින් දෙදෙනො රෝහල් ගත කිරීමෙන් පසුව මිය ගිය බව  පොලීසිය පවසයි.

අනතුරින් මිය ගොස් ඇත්තේ කිලිනොච්චිය උච්චිපුලත්තෙයි ප්‍රදේශයේ පදිංචි කන්දසාමි ගජානන්දන් හා කුමාර් තනූසන් නැමති තරුණයින් දෙදෙනෙකි.

සිද්ධිය සම්බන්ධයෙන් කිලිනොච්චිය පොලීසිය වැඩිදුර පරික්ෂණ පවත්වයි.